27 Maj 2020

Seanca e radhës më 1 prill

Prishtinë, 23 mars - Kryetari i Kuvendit të Kosovës, Jakup Krasniqi, të martën pas mbledhjes së Kryesisë së Kuvendit, ka thënë se në seancën e radhës së Kuvendit të Kosovës, që pritet të mbahet më 1 prill do t’i jepet hapësirë rekomandimeve që do t’i hartojë Komisioni për Tregti, Industri dhe Komunikacion, të cilat kanë të bëjnë me strategjinë energjetike 2009-2018.


Kryeparlamentari Krasniqi ka shtuar se Java e Kuvendit të Kosovës këtë vit është përcaktuar në komunat, të cilat nuk kanë qenë të përfshira më parë.


Në pyetjen nëse agjenda e Javës së Kuvendit ka anashkaluar qytetin e Mitrovicës, Krasniqi është përgjigjur: “Nuk mund të flitet për anashkalim të agjendës, por për përzgjedhje të komunave, të cilat nuk kanë qenë të përfshira më parë”.


Në mbledhje të Kryesisë është diskutuar për propozim-vendimin e Qeverisë së Republikës së Kosovës për emërimin e anëtarëve të Bordit të Autoritetit Rregullator të Hekurudhave të Kosovës, kërkesën e Qeverisë për emërimin e një anëtari në Komisionin e Konkurrencës, për rritjen e numrit të stafit të Agjencisë për menaxhimin e pasurisë së sekuestruar, si dhe për rritjen e stafit të oficerëve korrektues në Burgun e Dubravës.

Kalendari

Ngjarjet e datës 27 Maj 2020 - Komisioni për Buxhet dhe Transfere shqyrton kërkesën e Fondit të Kursimeve Pensionale të Kosovës për miratimin e taksave vjetore, shqyrton po ashtu Programin e Shpenzimeve të Radiotelevizionit të Kosovës, etj. (Ndërtesa e Kuvendit, salla C 203, ora 10:00 - pa prezencën e mediave)
 
- Komisioni për Shëndetësi dhe Mirëqenie Sociale shqyrton Raportin e Ministrisë së Shëndetësisë. (Ndërtesa e Kuvendit, N 302, ora 10:00 - pa prezencën e mediave)

- Komisioni për Qeverisje Lokale, Administratë Publike, Zhvillim Rajonal dhe Media shqyrton Raportin vjetor të Komisionit të Pavarur për Media. (Ndërtesa e Kuvendit, salla N10, ora 11:00 - pa prezencën e mediave)

- Disa Organizata Jo Qeveritare dorezojn  Peticionin - 'Mos na helmoni!' - kundër deponisë së hirit të Korporatës Energjetike të Kosovës. (Tek Ministria e Infrastrukturës dhe Ambientit, ora 13:00)

- Komuna e  Rahovecit, organizon debat publik me qytetarët për Taksa Komunale. (Salla e mbledhjeve të Kuvendit Komunal, Rahovec, ora 13:30)

- Me hapjen e një përkujtimore të dedikuar viktimave të vetëvrasjes përmbyllet kampanja 'Linja e Jetës'. (Mbrapa Rektoratit në kampusin e Universitetit të Prishtinës, ora 16:00)