05 Qershor 2020

Qeveria shënon Ditën e Komunitetit Turk në Kosovë

Prishtinë, 23 prill - Kryeministri i Republikës së Kosovës, Ramush Haradinaj, ka pritur sot në takim zëvendësministrin e Punëve të Jashtme të Turqisë, Faruk Kaymakci, me rastin e festimit të Ditës së Komunitetit Turk.

Fillimisht, kryeministri Haradinaj e ka njoftuar zëvendësministrin Kaymakci për progresin e përgjithshëm në Kosovë, prioritetet e Qeverisë së Kosovës, agjendën e Reformave Evropiane, zhvillimin ekonomik, si dhe orientimin euroatlantik të Kosovës.

Në këtë takim kryeministri Haradinaj kërkoi mbështetjen e shtetit turk për proceset e rëndësishme të vendit dhe anëtarësimin në organizatat ndërkombëtare.

Pas takimit, kryeministri Haradinaj së bashku me zëvendësministren turk, Kaymakci, morën pjesë në shënimin e Ditës së Komunitetit Turk, në mesin e shumë të ftuarve të tjerë.

Kryeministri Haradinaj, me këtë rast tha se, Dita e Turqve të Kosovës, është një ditë që shënohet në Kosovën e re dhe është një moment i mirë që të reflektohet për marrëdhëniet shumë të mira që ka komuniteti turk në Kosovë, me popullin e saj, marrëdhënie që datojnë me shekuj.

“Të drejtat për komunitetin turk, gjuha, përfaqësimi në institucione publike, roli vendimmarrës i komunitetit turk në Kosovë, ka avancuar”, tha kryeministri Haradinaj, duke falënderuar për angazhimin e turqve të Kosovës në konsolidimin e shtetit të Kosovës.

Kryeministri Haradinaj tha se, populli turk i Kosovës është një urë lidhëse e fuqishme me Republikën e Turqisë dhe si rezultat i kësaj, Republika e Kosovës ka një bashkëpunim shumë të mirë me Republikën e Turqisë, të cilën e falënderoi për përkrahjen, për ruajtjen e paqes me KFOR-in, përkrahjen ekonomike, politike.

“Republika e Turqisë është ndër vendet e para që e ka njohur Kosovën dhe vazhdon ta përkrahë në planin ndërkombëtar”, tha kryeministri Haradinaj, duke shtuar se si kryeministër, angazhohet që të jetë një koleg i mirë me gjithë komunitetin turk në Kosovë, si dhe të trajtojë kërkesat dhe temat që lidhen me jetën e turqve të Kosovës.

Ndërkaq, zëvendësministri i Jashtëm i Turqisë, Faruk Kaymakci, duke uruar për ditën e Komunitetit Turk, tha se ky komunitet në Kosovë është urë lidhëse e komuniteti turk në Turqi dhe se dëshirojnë që kjo urë lidhëse të forcohet edhe më shumë.

“Çfarëdo që të jetë gjuha dhe feja, të gjitha komunitetet duhet të jetojnë në paqe dhe së bashku. Kosova është një shembull shumë i mirë i kësaj dhe se gjashtë yjet ne flamurin e Kosovës përfaqësojnë gurthemelet kryesore të Kosovës, duke theksuar se Turqia do të bëj përpjekje që Kosova të pranohet në të gjitha organizatat ndërkombëtare”, tha zëvendësministri Kaymakci.

Ministri i Administratës Publike, Mahir Yagcilar, tha se Kosova ka vullnetin për përkrahjen e të gjitha komuniteteve dhe për këtë ka infrastrukturë të mirë ligjore dhe kushtetuese, duke theksuar nevojën për përkrahje të mëtejmë përmes projekteve të ndryshme për komunitetin turk që jeton në Kosovë.

Një fjalë para të pranishmëve e mbajti edhe deputetja Myfera Shinik.

 

Kalendari

Ngjarjet e datës 5 Qershor 2020

- Pranimi i detyrës nga Ministri i zgjedhur, Selim Selimi. (Ministrinë e Drejtësisë, objekti ish-Rilindja, ora 9:00)

- Fillon pastrimi i deponisë inerte në fshatin Lebane. (Përfundimi i autostrades në anën e djathtë, ora 10:00)

- Mahet mbledhja e komisionit për Mbikëqyrjen e Financave në të cilën do të behët shqyrtimi i raportit të auditimit për Pasqyrat vjetore financiare të Ministrisë së Drejtësisë. (Ndertesa e Kuvendit, salla  N302, ora 10:00)

- Në kuadër të fushatës "Ta Pastrojmë Kosovën", Komuna e Prizrenit do t'i bashkëngjitet fushatës globale "Dita e Pastrimit të Botës 2020”, për të promovuar rëndësinë e kujdesit ndaj mjedisit, duke marrë për bazë faktin se ky aktivitet do të promovohet në nivel global. (Brigjet e liqenit të Vërmicës, ora 10:30)

- Për Ditën Botërore të Mjedisit, Instituti për Politika Zhvillimore organizon panelin e diskutimit me titull “Tani është koha për natyrën!”. (Hotel Sirius, ora 11:00)

- Kryetari i degës së PDK-së në Prizren Shaqir Totaj, do të mban një konferencë për Media. (Zyret e degës në Prizren, ora 11:00)

- Ministri i Ekonomisë dhe Ambientit, Blerim Kuçi, pranon detyrën. (Ndërtesa e Ministrisë se Ekonomisë dhe Ambientit, ish-objekti i MZHE-së, ora 13:00)

- Ekipa qëndrore e “Ta Pastrojmë Kosovën” së bashku me vullnetarët fillon aktivitetet në Komunën e Suharekës, ku do të ketë aksion pastrimi dhe mbjellje, në bashkëpunim me komunën e Suharekës. (Suharekë, ora 14:30)