19 Shtator 2020

Qeveria me rendësi po i jep bisedimeve me Serbinë se sa menaxhimit të pandemisë

Prishtinë, 5 Gusht - Aktualisht Kosova, krahasuar për kokë banori është në majat botërore për kah numri i të infektuarve dhe atyre që përfundojnë me fatalitet.

Këshilli për Mbrojtjen e të Drejtave dhe Lirive të Njeriut (KMDLNJ) konsideron se në vend se të kemi mobilizim të përgjithshëm për menaxhimin dhe tejkalimin e situatës e cila dita- ditës po përkeqësohet, inatet politike dhe përpjekjet për promovime dhe përfitima politike po ndikojnë dhe po e ndihmojnë përshkallëzimin e situatës.

KMDLNJ vlereson se në të gjitha mënyrat po pengohet votimi i Ligjit për pandeminë, nuk ka gjë prej premtimit për programin për rimëkëmbje të ekomomisë në kohën kur shumica e bizneseve janë para ose të falimentuara.

"Shëndetësia, më parë shumë e lëvdëruar, tash e kritikuar dhe jo mjaftueshëm e përkrahur nga shteti po i kalon vuajtjet e Tantalit dhe është buzë kolapsit përkundër përpjekjeve dhe sakrificave titanike të punëtorëve shëndetësor. "

"Frika dhe apatia janë bërë shenjë dalluese e shumë qytetarëve të Kosovës. Po në këtë kohë kur po mendohet ekskluzivisht për mbijetesë, dikujt i është kujtuar ta ringjallë një koordinator për bisedine me Serbinë , sipas modelit dhe vullnetit të Borellit dhe Lajçakut, mohues të shtetit të Kosovës dhe shumë të afërt me Serbinë", thekson KMDLNJ.

Qetësuesi thuaja i vetëm dhe mashtruesi kryesor për qytetarët e Kosovës, liberalizimi i vizave ka mbetur vetëm ëndërr , së paku deri më tani.

KMDLNJ konsideron se koordinatori për bisedime, i riinkarnuar, përveç ambicieve dhe premtimeve të mëdha për ta vendosur mbi kokë dafinën e fitores në këto bisedime, asgjë konkrete nuk ka ofruar dhe për asgjë nuk po i informon qytetarët e Kosovës sikur të vendosej për ardhmërinë e Tibetit e jo të Kosovës.

"Madje, i mbështjellur me një jotransparencë të madhe e bënë tërë këtë proces të dyshimtë , jo të besueshëm dhe me mundësi të përfundimit të keq për Kosovën."

"Kosova ka qenë e lodhur me 6 pikat e Ban ki Munit për t'i përballuar 9 pikat e Lajçakut dhe Borellit të cilat nuk premtojnë asnjë të mirë për Kosovën përveç se hapin rrugë Serbisë për integrime në BE-e në kohën kur Kosova është krejtësisht e izoluar", thekson KMDLNJ.

Pa nje konsesus të domosdoshëm politik, të pozitës dhe opozitës, nuk mund të vazhdohet me bisedime të improvizuara , siç po veprohet tani.

Nëse koordinatori Skender Hyseni nuk e ka përkrahjen e opozitës dhe subjektit i cili e ka caktuar në këtë pozitë, pa e marrë miratimin e spektrit të gjerë politik, atëhere nuk ka asnjë arsye të bëjë shpenzime të panevojshme. Ato mjete të shpenzuara krejtësisht koti, le të përdoren në luftë kundër pandemisë.

Qytetarët e Kosovës kanë nevojë për ruajtje dhe mbrojtje të shëndetit , skajshmërisht të rrezikuar, për një gjendje ekonomike të përmirësuar dhe të qëndrueshme, kthim në shkolla dhe normalizim të jetës e jo për bisedime të improvizuara, të dëmshme dhe të panevojshme për këtë kohë e që po bëhen për të siguruar një mbijetesë politike apo për t'u rikthyer nga arkivat e mbuluar me pluhur.

Të drejtat e njeriut nuk sigurohen e as nuk mbrohen përmes këtyre bisedimeve të ricikluara por përmes forcimit të institucioneve dhe ligjit që do të ishin vendimtarë për menaxhimin dhe tejkalimin e situatës së shkaktuar nga Covid-19.

Prandaj, KMDLNj ju thërret të lini improvizimet dhe ambiciet personale, politike dhe partiake e të merreni me probleme reale me të cilën po përballen qytetarët e Kosovës dhe për të cilin edhe keni mandat! Deri më tani keni dështuar në përmbushjen e këtij mandati. 

Kalendari

Ngjarjet e datës 19 Shtator 2020 - Për nder të 100 vjetorit të shpalljes së Tiranës Kryeqytet, “Muzeu Lëvizës”, Komuna e Prishtines bashkë me Muzeun e mirëpresim edhe nënkryetaren e Bashkisë së Tiranës, Anuela Ristani dhe drejtoreshën ekzekutive të Unioni i Bashkive Shqiptare të Rajonit, Andriola Kambo hapin 'Muzeu Lëvizës'. (Sheshi 'Ibrahim Rugova', ora 10:00)

- Let’s Do It Kosova në kuadër të Lëvizjes Globale “Let’s Do It World” sjell përsëri në Kosovë “Ditën e Pastrimit të Botës 2020” ku do të fillojë me aktiviteti te pastrimin e qytetit nga mbeturinat. (Në afërsi të stadiumit “Fadil Vokrri”, lokacioni te parkingu i autobusëve, ora 11:00)

- Udhëhqës të Komunës së Prishtinës bashkë me Unionin e Bashkive Shqiptare të Rajonit, Andriola Kambo zhvillojnë një vizitë në Muzeun e Kosovës. (Muzeu i Kosovës, ora 11:30)

- Let’s Do It Kosova vazhdon me aktivitetin e dytë qëndror për shënimin e “Ditës së Pastrimit të Botës 2020”. (Parku i Qytetit të Prishtinë, ora 13:00)

- Lëvizja Vetëvendosje mban konferencë për media në të cilën flasin Kryetari i LV-së, Albin Kurti dhe Sekretari për Marrëdhënie me Jashtë, Kreshnik Ahmeti. (Zyret e LV-së në Arbëri, ora 14:00)

- Përfaqësues të lartë nga Prokuroria Themelore në Gjilan, Inspektorati Policor i Kosovës dhe Policia e Kosovës mbajn konferencë për media, të organizuar nga Prokuroria Themelore në Gjilan, lidhur me aksionin e realizuar mbrëmë në fshatin Karaçevë, komuna e Kamenicës dhe rajone tjera. (Prokuroria Themelore në Gjilan, rruga ‘’Marie Shllaku’’, ora 14:00)

- Udhëhqës të Komunës së Prishtinës bashkë me Unionin e Bashkive Shqiptare të Rajonit, Andriola Kambo zhvillojnë një vizitë në Kopshtin me Bazë në Komunitet “Cicërimat”. (Kopshtin “Cicërimat”, ora 14:00)

- Udhëhqës të Komunës së Prishtinës bashkë me Unionin e Bashkive Shqiptare të Rajonit, Andriola Kambo zhvillojnë një vizitë në Parku Germia. (Parku Germia, ora 15:00)