29 Mars 2024

PZAP pranon një ankesë nga Lëvizja Vetëvendosje

Prishtinë, 25 nëntor - Në Panelin Zgjedhor për Ankesa dhe Parashtresa pas përfundimit të rinumërimit të 1407 vendvotimeve, deri në këto momente është dorëzuar vetëm një ankesë nga Lëvizja Vetëvendosje.

Kështu ka bërë të ditur për KosovaPress, kryesuesi i sekretariat të PZAP-së, Mul Desku, i cili tha se që nga dje ky organ ka pranuar një ankesë nga LVV-ja  e cila ka të bëjë me administrimin në QNR.

“Deri në këto momente kemi pranuar vetëm një ankesë lidhur me administrimin e numërimit në Qendrën e Numërimit dhe Rezultateve. Kjo ankesë është bërë nga Lëvizja Vetëvendosje, dhe se së shpejti ky subjekt politik do njoftohet me vendimin e PZAP-së“, tha Desku.

Desku ka thënë se që nga momenti kur ka filluar rinumërimi i vendvotimeve pas vendimit, kanë pranuar rreth 20 ankesa.

Subjektet politike që janë ankuar në PZAP, sipas kryesuesit të sekretariatit janë Lëvizja Vetëvendosje dhe Nisma Socialdemokrate.

E në Komisionin Qendror të Zgjedhjeve bëjnë të ditur se presin afatin ligjor nëse ka ndonjë ankesë në PZAP lidhur me administrimin e numërimit në Qendrën e Numërimit dhe Rezultateve, para se të procedojmë me publikimin e rezultateve pas procesit të rinumërimit.

 

Kalendari

Ngjarjet e datës 8 gusht 2023

 - Partia Demokratike e Kosovës, mban konferencë për media. (Selia Qendrore e PDK-së, ora 11:00)

 

 - Ministria e Kulturës, Rinisë dhe Sportit, organizon shfaqjen e filmave “I Pabesi” dhe “Heshtja Vret”. (Kino “Armata”, ora 20:00)