05 Qershor 2020

PSD konsideron luftimin e korrupsionit dhe nepotizmit strategji primare

Prishtinë, 18 prill - Korrupsioni dhe nepotizmi janë fenomenet kryesore që po e dëmtojnë shoqërinë dhe shtetësinë e Kosovës. Për këtë, Partia Socialdemokrate luftimin e korrupsionit dhe nepotizmit e konsideron strategji primare dhe propozon hapa konkretë si të bëhet kjo.

Shembullin e kësaj, PSD e ka dëshmuar me qeverisjen e saj në Komunën e Prishtinës dhe Komunën e Kamenicës. Ky model dhe hapat konkretë për luftimin e këtyre fenomeneve, u prezantuan në konferencën e sotme për media nga kryetari Shpend Ahmeti dhe deputetja Shqipe Pantina.

“Në Komunën e Prishtinës, kur kemi folur për transparencën radikale, kemi nënkuptuar që kjo është një prej sistemeve më të mira parandaluese në luftën kundër korrupsionit; ne publikojmë çdo dokument, qoftë vendim, shpenzim, faturë apo kontratë pa pasur nevojë që dikush të kërkoj qasje në to; ne poashtu kemi aplikacionin në Komunën e Prishtinës ku mund të shihni çdo shpenzim dhe poashtu mund të futeni në Open Data për informata shtesë. Kjo do të thotë që çdo zyrtar i punës do të mendoj 2-3 herë para se të shpenzojë paratë e Komunës sepse e di që fatura e atij shpenzimi do të bëhet menjëherë lajm në media",  tha në ndër të tjera Shpend Ahmeti.

“Me gjitha këto masa ne nuk themi që e kemi çrrënjosur korrupsionin, përkundrazi ne po vazhdojmë të punojmë në atë drejtim, por kemi punuar që gjatë këtyre 5 viteve të mos kemi asnjë rast korruptiv dhe jemi treguar plotësisht transparent me çdo hetim”, shtoi tutje.

Kurse deputetja Shqipe Pantina, prezantoi pesë hapat që PSD i sheh si veprime urgjente  e të domosdoshme në luftën ndaj korrupsionit dhe nepotizmit, si në vijim:

a.        Organizim i procesit të Vettingut në sistemin e drejtësisë;
b.        Trransparencë radikale në raport me proceset gjyqësore;
c.        Platformë online për të rekrutuarit në sistem të drejtësisë, arsim, shëndetësi dhe administrat publike;
d.        Platformë online ku publikohen vazhdimisht gjitha kontratat publike;
e.        Task Forcë e nivelit shtetëror që shqyrton gjitha punësimet dhe keqpërdorimet në ndërmarrjet publike;
 
 

Kalendari

Ngjarjet e datës 5 Qershor 2020

- Pranimi i detyrës nga Ministri i zgjedhur, Selim Selimi. (Ministrinë e Drejtësisë, objekti ish-Rilindja, ora 9:00)

- Fillon pastrimi i deponisë inerte në fshatin Lebane. (Përfundimi i autostrades në anën e djathtë, ora 10:00)

- Mahet mbledhja e komisionit për Mbikëqyrjen e Financave në të cilën do të behët shqyrtimi i raportit të auditimit për Pasqyrat vjetore financiare të Ministrisë së Drejtësisë. (Ndertesa e Kuvendit, salla  N302, ora 10:00)

- Në kuadër të fushatës "Ta Pastrojmë Kosovën", Komuna e Prizrenit do t'i bashkëngjitet fushatës globale "Dita e Pastrimit të Botës 2020”, për të promovuar rëndësinë e kujdesit ndaj mjedisit, duke marrë për bazë faktin se ky aktivitet do të promovohet në nivel global. (Brigjet e liqenit të Vërmicës, ora 10:30)

- Për Ditën Botërore të Mjedisit, Instituti për Politika Zhvillimore organizon panelin e diskutimit me titull “Tani është koha për natyrën!”. (Hotel Sirius, ora 11:00)

- Kryetari i degës së PDK-së në Prizren Shaqir Totaj, do të mban një konferencë për Media. (Zyret e degës në Prizren, ora 11:00)

- Ministri i Ekonomisë dhe Ambientit, Blerim Kuçi, pranon detyrën. (Ndërtesa e Ministrisë se Ekonomisë dhe Ambientit, ish-objekti i MZHE-së, ora 13:00)

- Ekipa qëndrore e “Ta Pastrojmë Kosovën” së bashku me vullnetarët fillon aktivitetet në Komunën e Suharekës, ku do të ketë aksion pastrimi dhe mbjellje, në bashkëpunim me komunën e Suharekës. (Suharekë, ora 14:30)