24 Shkurt 2019

Prezantohen prioritetet e presidencës austriake të BE-së

Prishtinë, 10 korrik - Shefja e Zyrës së BE-së në Kosovë/, Nataliya Apostolova, dhe Ambasadori i Republikës së Austrisë në Kosovë, Gernot Pfandler, do të paraqesin prioritetet e Presidencës së Austrisë të Këshillit të Bashkimit Evropian në pritjen që do të mbahet sot në Prishtinë.

Austria do të jetë në krye të presidencës së Bashkimit Europian për gjatë muajt e ardhshëm.

Siguria dhe lufta ndaj migrimit ilegal mbeten prioritet qendror jo vetëm për presidencën e Austrisë dhe Austrinë, por për gjithë BE-në.

Moto e Austrisë për presidencën e saj të tretë të BE-së është “Një Evropë që mbron”, dhe prioritetet kryesore do të jenë migrimet dhe çështjet e sigurisë dhe konkurrencës së BE-së, si dhe përafrimi i mëtejshëm i vendeve të Ballkanit Perëndimor me Bashkimin Evropian. 

Austria, për shkak të pozicionit qendror në Evropë dhe historisë së saj, mbështet një integrim më të lartë në BE të fqinjëve të saj të Ballkanit Perëndimor dhe e paraqet si një prej prioriteteve të presidencës së saj të BE-së.


 

Kalendari

Ngjarjet e datës 24 shkurt 2019 - Mbahet kampionati ekipor në pingpong Liga e Parë e Meshkujve. (Pallati i Rinisë dhe Sporteve në Prishtinë, ora 10:00)

- Komuna e Deçanit në bashkëpunim më OVL të UÇK-së, organizojnë mbledhje komemorative, me rastin e ndarjes nga jeta të ish-luftëtarit Halim Tolaj. (Salla e Asamblesë Komunale në Deçan, ora 11:00)

- Lëvizja Vetëvendosje! mban konferencë për media për çështjen e Lumbardhit në të cilën flasin nënkryetarja Fatmire Kollçaku dhe anëtari i Kryesisë në Pejë Taulant Kelmendi. (Takimi me gazetarë bëhet tek hotel "Dukagjini", ora 12:00)

 - Mbahet ceremonia e varrimit të ish-luftëtarit Halim Tolaj. (Kompleksi i Varrezave të Dëshmorëve të Kombit në fshatin Prejlep, ora 13:00)