29 Mars 2024

Presidenti Thaçi pranoi letrat kredenciale nga ambasadorja e re e Francës

Prishtinë, 6 shtator - Presidenti i Republikë së Kosovës, Hashim Thaçi ka pranuar sot letrat kredenciale nga ambasadorja e re e Francës, Marie Christine Butel, të cilës i uroj suksese në detyrën e re.

Presidenti Thaçi ka shprehur mirënjohjen për kontributin e madh të shtetit të Francës nëpër të gjitha proceset nëpër të cilat ka kaluar Kosova.

“Franca është një partner shumë i rëndësishëm për jetësimin e perspektives evropiane të Republikës së Kosovës. Jemi mirënjohës për mbështetjen që keni dhënë në dekadat e fundit”, ka shtuar ai.

Nga ana tjetër, ambasadorja e re e Francës, Marie Christine Butel ka shprehur gatishmërinë e shtetit të Francës për vazhdimin e thellimit të marrëdhënieve me Kosovën.

Në fund presidenti Thaçi ka thënë se liria, pavarësia, shtetndërtimi, forcimi i demokracisë dhe i subjektivitetit ndërkombëtar të Kosovës i ka rrënjët në mbështetjen e Francës dhe partnerëve tjerë perëndimor.

Kalendari

Ngjarjet e datës 8 gusht 2023

 - Partia Demokratike e Kosovës, mban konferencë për media. (Selia Qendrore e PDK-së, ora 11:00)

 

 - Ministria e Kulturës, Rinisë dhe Sportit, organizon shfaqjen e filmave “I Pabesi” dhe “Heshtja Vret”. (Kino “Armata”, ora 20:00)