21 Prill 2021

Presidenti Sejdiu priti kryetarët e komunave të Kosovës

Prishtinë, 9 qershor - Presidenti i Republikës së Kosovës, dr. Fatmir Sejdiu zhvilloi sot një takim me kryetarët e komunave të Kosovës. Në takimin e parë të zhvilluar pas zgjedhjeve lokale të vitit të kaluar, Presidenti i ka uruar kryetarët e komunave për detyrat që kanë marrë në krye të komunave që udhëheqin.

Ai i ka siguruar kryetarët e komunave për mbështetjen e plotë dhe të vazhdueshme për realizimin e projekteve që kanë, ndërsa ka kërkuar prej tyre që të jenë akterë të rëndësishëm në rolin e tyre ligjor dhe kushtetues.

“Qëllimi themelor është që pushteti lokal të dëshmohet si faktor i pashkëputshëm i zinxhirit institucional të Kosovës. S’mund të ketë funksionim të Kosovës nëse shikohet vetëm puna në nivelin qendror dhe të mos shikohet puna që bëhet në nivelin lokal dhe anasjelltas”, theksoi Presidenti Sejdiu, duke i quajtur të dy nivelet e qeverisjes si të ndërlidhura mes vete.

“Sundimi i ligjit dhe zbatimi i tij nuk është vetëm çështje e pushtetit qendror, vetëm e gjyqësorit, e sistemit prokurorial apo edhe e organeve të ndjekjes, por është edhe e pushtetit lokal, në krejt nivelet. Sundimi i ligjit nuk lidhet vetëm në një fushë, por lidhet me të gjitha fushat e jetës”, tha Presidenti Sejdiu, duke prezantuar temat që janë diskutuar me kryetarët e komunave, përfshirë çështje nga fusha e arsimit, shëndetësisë, bujqësisë e çështje të tjera të shtruara nga kryetarët e komunave.

Po kështu, Presidenti Sejdiu e ka çmuar faktin që në takim kanë marrë pjesë edhe kryetarët e pilot-komunave dhe të komunave të reja, si dhe u ka ofruar të gjithë kryetarëve të komunave përkrahjen e tij të pakursyer në punën në drejtim të realizimit të projekteve në të mirë të të gjithë qytetarëve të Kosovës pa dallim etnie dhe spektri partiak.

Në një deklaratë për media bërë pas takimit, Presidenti Sejdiu ka komentuar edhe vazhdimin e mandatit të misionit të EULEX-it, duke thënë se është një mandat në politikat e përbashkëta të Bashkimit Evropian. “Ne e kemi ftuar EULEX-in në Kosovë, që të jetë mbështetës i rëndësishëm në realizimin e politikave tona si shtet i ri dhe besoj se kjo mbështetje do të jetë vetëm në kuptimin pozitiv”, tha Presidenti Sejdiu.

“Ne duam të jemi në Bashkimin Evropian sa më shpejt. Është rast i yni që të shfrytëzojmë prezencën ndërkombëtare për të shkurtuar rrugën”, shtoi ai.

Ndërsa i pyetur rreth hetimeve që po bën ky mision në vendin tonë, Presidenti Sejdiu u shpreh: “Unë mbështes gjithmonë zbatimin e plotë të ligjit dhe vënien në shënjestër të gjithë personave që mund të kenë ardhur në kundërshtim me ligjin. Në këtë kuadër edhe në luftimin e korrupsionit. Institucionet e vendit duhet të bëjnë punën e vetë të suksesshme, por edhe mbështetja e EULEX-it është e domosdoshme, në këtë aspekt, në pjesën e mandatit që ka. Dhe ekziston një bashkëpunim i mirë”.

Ndërsa i pyetur nëse arrestimet e mundshme mund të destabilizojnë vendin, Presidenti Sejdiu theksoi se këto janë çështje të institucioneve të ndjekjes. Por, shtoi ai, “Kosova nuk është temë, Kosova nuk është duke u ndjekur. Kosova është në rrugën e saj të mirë, në rrugën e suksesit. Por, natyrisht, në këtë pjesë të suksesit ka edhe shumë çështje që duhet punuar më mirë”.

Kalendari

Ngjarjet e datës 22 Prill 2021

- Ministri i Mjedisit, Planifikimit Hapesinor dhe Infrastrukturës, Liburn Aliu mban konferencë për media për hidrocentralet. (Tek ura në Brezovicë, 100m para kthesës kryesore për qendër të skijimit, ora 9:15)

- Komisioni për Ekonomi, Industri, Ndërmarrësi dhe Tregti takohet me kryetarin e Odës Ekonomike të Kosovës Berat Rukiqi. (Ndërtesa e Kuvendit, salla N204, ora 10:00)

- Me moton "Shpëtoni Planetin" shënohet Dita e Tokës për të rritur ndërgjegjësimin për rëndësinë e përgjegjësisë kolektive për të mbrojtur mjedisin për brezat e ardhshëm. (Mitrovicë, ora 10:00)

- Organizata ETEA dhe biblioteka “Hivzi Sulejmani” organizojnë panelin e diskutimit “Libri mes ofertës dhe kërkesës”, me rastin e Ditës Ndërkombëtare të Librit. (Biblioteka “Hivzi Sulejmani” në lagjen Dardania, ora 10:00)

-  Ministria e Mjedisit, Planifikimit Hapesinor dhe Infrastrukturës organizon aktivitetet me rastin e shënimit të 22 Prillit, Ditës Ndërkombëtare të Tokës. (Hapësira e Shkollës Fillore “Hasan Prishtina” në Prishtinë, ora 10:00)

- Komisioni për Ekonomi, Industri, Ndërmarrësi dhe Tregti takohet me kryetarin e Odës Ekonomike Amerikane në Kosovës Arian Zeka. (Ndërtesa e Kuvendit, salla N204, ora 11:00)

- Lëvizja FOL organizon debatin FOL Hapur me ministrin e Administrimit të Pushtetit Lokal, Elbert Krasniqi. (Hotel Sirius, ora 11:00)

- Programi i Kombeve të Bashkuara për Zhvillim së bashku me UN-Habitat dhe agjencitë e tjera të Ekipit të Kombeve të Bashkuara në Kosovë, do të organizojnë inaugurimin e Sistemit Solar Fotovaltaik në ndërtesen e Kuvendit Komunal të Prizrenit. (Ndërtesa e Kuvendit Komunal në Prizren, ora 11:00)

- Komisioni për Ekonomi, Industri, Ndërmarrësi dhe Tregti takohet me kryetare e Odës Ekonomike Gjermano-Kosovare Nora Hasani. (Ndërtesa e Kuvendit, salla N204, ora 12:00)

- Koordinatori i Qendrës së vaksinimit në sallën “1 Tetori”, Niman Bardhi mban konferencë për medie. (Sallla “1 Tetori”, ora 12:00)

- Ministrja e Punëve të Jashtme dhe Diasporës, Donika Gërvalla do ta pres në aeroport Ministrin e Jashtëm te Gjermanisë, Heiko Maas. (Aeroportin e Prishtinë, ora 14:00 - vetëm pamje)

- OJQ Projekti 5 Cent organizon ngjarjen për "Ditën e Tokës", ku do të bëhet mbjellja e 51 fidaneve me rastin e shënimit të kësaj dite. (Oborri i SHFMU “Ibrahim Rugova” në Obiliq, ora ora 14:00)

- Presidentja e Kosovës, Vjosa Osmani, pret në takim ministrin e Punëve të Jashtme të Gjermanisë, Heiko Maas. (Kabineti i Presidentës, ora 15:00)

- Kryeministri i Kosovës, Albin Kurti, pret në takim ministrin e Punëve të Jashtme të Gjermanisë, Heiko Maas. (Ndërtesa e Qeverisë, ora 16:30)

- Ministrja e Punëve të Jashtme dhe Diasporës, Donika Gërvalla dhe Ministri i Jashtëm i Gjermanisë, Heiko Maas do të zhvillojnë takimin bilateral. (Kabineti i ministres Gervalla, ora 17:00) vetëm pamje)