26 Tetor 2020

Presidenti Sejdiu priti familjarët e dëshmorit Ismet H. Rrahmani

Prishtinë, 16 prill - Presidenti i Republikës së Kosovës, dr. Fatmir Sejdiu priti sot familjarët e dëshmorit Ismet H. Rrahmani nga Açareva e Skënderajt.

Me këtë rast, Presidenti Sejdiu nënës së Ismetit, Cyme Rrahmani,  ia dorëzoi Medaljen “Luftëtari i Lirisë - Adem Jashari”, me të cilën Presidenti e ka dekoruar kohë më parë dëshmorin Ismet Rrahmani, për trimërinë dhe kontributin e dhënë për lirinë dhe pavarësinë e Kosovës.
 
Në një takim të përzemërt me familjarët, Presidenti Sejdiu vlerësoi lart kontributin dhe luftën për liri, pavarësi e demokraci të dëshmorit Ismet Rrahmani dhe shtoi se sakrifica e tij dhe e dëshmorëve të tjerë do të mbetet përherë në kujtesën e popullit dhe do të vlerësohet nga institucionet e vendit.
 
Nga ana e tyre, familjarët e dëshmorit Ismet Rrahmani falënderuan Presidentin Sejdiu për dekoratën dhe për kujdesin e vazhdueshëm për të gjithë ata që për lirinë dhe pavarësinë e vendit bënë sakrificën më sublime.

Kalendari

Ngjarjet e datës 26 Tetor 2020  - Komisioni Hetimor Parlamentar lidhur me procesin e privatizimit në Kosovë interviston ish-Zëvendës Drejtorin Menaxhues në AKM, Ahmet Shala. (Ndërtesa e Kuvendit, N204, ora 10:00)

- Ministria e Punëve të Brendshme, respektivisht Agjencia e Regjistrimit Civil, organizon ceremonin e lëshimit te vulës apostile dhe verifikuese edhe në Komunën e Pejës në të cilën do të jetë edhe ministri i Ministrisë së Punëve të Brendshme, Agim Veliu. (Qendra për Pajisje me Dokumente në  Komunën e Pejës, ora 11:00)

- Komisioni Hetimor Parlamentar në lidhje me menaxhimin e pandemisë së virusit COVID-I9 nga ana e Qeverisë së Republikës së Kosovës njoftohet me dëshmitë e dëshmitarëve të ekipesë vullnetare në Qendrën Karantinë në Prishtinë. (Ndërtesa e Kuvendit, salla C203, ora 11:00)

- Vazhdon seanca gjyqësore me shpalljen e aktgjykimit, lidhur me rastin e T.L. i akuzuar për veprën penale Vrasje e rëndë dhe veprën penale Mbajtja në pronësi, kontroll  ose posedim të paautorizuar të armëve. (Gjykata Themelore në Ferizaj, kati I-rë, salla nr.2, ora 11:00)

- Ministrja e Kulturës, Rinisë dhe Sportit, Vlora Dumoshi, viziton nesër Komunën e Gjilanit. (Teatri i Gjilanit, ora 11:00)

- Komisioni Hetimor Parlamentar lidhur me procesin e privatizimit në Kosovë interviston ish- nëtarin e Bordit të AKM-së, përfaqësues i sindikatave të punëtorëve. (Ndërtesa e Kuvendit, N204, ora 11:00)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C-301, ora 14:00)

- Komisioni Hetimor Parlamentar në lidhje me menaxhimin e pandemisë së virusit COVID-I9 nga ana e Qeverisë së Republikës së Kosovës njoftohet me dëshmitë e dëshmitarëve Vlora Hasimja, Mjeke nga Qendra Kryesore e Mjekësisë Familjare dhe Lume Sopjani, Infermiere, QKMF. (Ndërtesa e Kuvendit, salla C203, ora 12:30)