20 Shtator 2020

Presidenti Sejdiu ngushëlloi Presidentin Gyl

Prishtinë, 8 mars - Presidenti i Republikës së Kosovës, dr. Fatmir Sejdiu, i dërgoi një telegram ngushëllimi Presidentit të Republikës së Turqisë, Abdullah Gyl, të cilit i shprehu keqardhjen e thellë për viktimat e tërmetit tragjik në provincën lindore Elazig.

Në vazhdim po e japim tekstin e këtij telegrami:

Shkëlqesisë së Tij, Abdullah Gyl,

President i Republikës së Turqisë

Në emër të popullit dhe të institucioneve të Republikës së Kosovës, ju shpreh ngushëllimet më të sinqerta për shuarjen tragjike të jetës së dhjetëra bashkëkombësve Tuaj, të cilët humbën jetën si pasojë e tërmetit tragjik në krahinën Elazig.

Lajmi për këtë tragjedi është përjetuar me pikëllim të thellë kudo në Republikën e Kosovë, prandaj, i nderuari President, Ju lus që ndjenjën e dhembjes sonë t’ua përcillni familjeve të viktimave dhe gjithë popullit turk.

Shpirtërisht dhe në lutje jemi me ju në këto çaste zie!
Zoti i bekoftë viktimat e kësaj tragjedie dhe familjet e tyre!
Zoti e bekoftë Republikën e Turqisë!

Dr. Fatmir Sejdiu,

Presidenti i Republikës së Kosovës

Kalendari

Ngjarjet e datës 20 Shtator 2020

- Forumi Ballkanik në emër të Platformës së Shoqërisë Civile për Demokraci dhe të Drejtat e Njeriut mban konferencë për shtyp në të cilën publikon raportin hulumtues, që është një vështrim mbi progresin e bërë nga 6 vendet e Ballkanit Perëndimor drejt zbatimit të zotimeve të tyre që nga Samiti i Ballkanit Perëndimor në Londër (2018) dhe Poznań (2019), të zhvilluara në kuadër të Procesit të Berlinit të nisur në vitin 2014. (Zyret e Forumit Ballkanik Rr. Tirana, C4/2 LAM B-N2 11-1, banesat e bardha të Prime Group, afër Euro Printy, ora 13:00)
 
- Lëvizja Vetëvendosje mban konferencë për media. (Zyret e LV-së në Arbëri, ora 14:00)