10 Korrik 2020

Presidenti Sejdiu ngushëlloi Mbretin e Belgjikës, Alberti II

Prishtinë, 16 shkurt - Presidenti i Republikës së Kosovës, Fatmir Sejdiu i ka dërguar një telegram ngushëllimi Lartmadhërisë së Tij, Alberti II, Mbret i Belgjikës, të cilit ia ka shprehur ngushëllimet më të sinqerta për fatkeqësinë e djeshme hekurudhore në qytetin Halle afër Brukselit, në të cilën humbën jetën 18 persona.

Më poshtë po e japim tekstin e këtij telegrami:

Lartmadhërisë së Tij, Alberti II,

Mbret i Belgjikës

Në emër të popullit dhe të institucioneve të Republikës së Kosovës, ju shpreh ngushëllimet më të sinqerta për jetët e humbura të 18 qytetarëve të vendit tuaj në fatkeqësinë tragjike që ndodhi dje në qytetin Halle si pasojë e përplasjes së trenave.

Lajmi për këtë tragjedi është përjetuar me dhembje të thellë kudo në Kosovë.

Ju lus, Lartmadhëria juaj, që ngushëllimet tona t’ua përcillni edhe familjeve të viktimave dhe të gjithë popullit mik belg.


Zoti i bekoftë viktimat e kësaj tragjedie!

Me respekt,

Dr. Fatmir Sejdiu

President i Republikës së Kosovës

Kalendari

Ngjarjet e datës 10 Korrik 2020

- Drejtoria e Turizmit dhe Zhvillimit Ekonomik do të bëjë hapjen e Qendrës Artizanale në Prizren, ku do të mbahen pesë kurse të ndryshme si: Djegie ne Dru, Reliev në letër, Rrobaqepje, Punim të Shajakut si dhe Dizajnimi i Veshjeve Moderne. (ish objektin e Megasportit në qendër të Prizrenit, ora 11:00)

- Ministri i Ekonomisë dhe Ambientit, Blerim Kuçi do të vizitojë Komunën e Gjakovës ku do të takohet me Kryetarin e Komunës së Gjakovës Ardian Gjini. (Komuna e Gjakovës, ora 11:00)

- Vazhdimi i seancës plenare të Kuvendit të Republikës së Kosovës. (Salla e Kuvendit, ora 11:00)

- Ministri i Ekonomisë dhe Ambientit, Blerim Kuçi dhe Kryetari i Komunës së Gjakovës Ardian Gjini vizitojnë Ndërmarrjen publike ‘’KRU Gjakova’’. (Gjakovë, ora 11:30)

- Ministri i Ekonomisë dhe Ambientit, Blerim Kuçi dhe Kryetari i Komunës së Gjakovës Ardian Gjini vizitojnë Impiantin e Trajtimit të Ujërave të Ndotura projekt që është duke u realizuar në Komunën e Gjakovës. (Gjakovë, ora 11:50)

- Ministri i Ekonomisë dhe Ambientit, Blerim Kuçi dhe Kryetari i Komunës së Gjakovës Ardian Gjini vizitojnë ndërmarrjen publike Ngrohtorja e Qytetit – ndërtimi i Ngrohtores së re të qytetit Impianti I koogjenerimit me biomasë, projekt që është duke u realizuar në Komunën e Gjakovës. (Gjakovë, ora 12:20)

- Mbahet seanca plenare e Kuvendit të Republikës së Kosovës në të cilën raporton Kryeministri lidhur me menaxhimin e pandemisë COVID-19. (Salla e Kuvendit, ora 16:00)