20 Nëntor 2019

Presidenti Sejdiu bëri homazhe te varri i Presidentit Rugova

Prishtinë, 17 shkurt - President i Republikës së Kosovës, dr. Fatmir Sejdiu, në dyvjetorin e pavarësisë së vendit, bëri homazhe te varri i arkitektit, ideologut të pavarësisë, Presidentit historik të Kosovës, dr. Ibrahim Rugova.

Presidenti Sejdiu tha se Ibrahim Rugova udhëhoqi procese të mëdha dhe me këtë edhe u dëshmua si një ndër personalitet më të fuqishme të botës shqiptare.

“Unë erdha në këtë ditë të shënuar sot, të piqem apo të takohem si gjithmonë me Presidentin Rugova, njeriun që asnjëherë nuk do të jetë jashtë vëmendjes dhe kujtesës së gjallë të qytetarëve të Kosovës, për punën e jashtëzakonshme që ka bërë deri në shkrirje për liri dhe pavarësi të vendit”, theksoi Presidenti Sejdiu.

Ibrahim Rugova është nga personalitetet më të fuqishme që pati bota shqiptare në fundshekullin e kaluar, që udhëhoqi proceset e mëdha për lirinë dhe gjithmonë e them në binomin e përbashkët me Adem Jasharin, paraqesin simbolikën më të fortë të luftës dhe rezistencës së përgjithshme të Kosovës për liri dhe pavarësi, vijoi tha Presidenti Sejdiu.

Mesazhet dhe amanetet e tyre duhet t’i kemi gjithmonë në mend t’i kemi parasysh, që shteti i Kosovës të jetë një shtet demokratik dhe i integruar instancat më të larta ndërkombëtare, në miqësi të përhershme më miqtë ndërkombëtar.

“Sot jemi në këtë ditë gëzimi për të kujtuar veprën e tyre, për të pasur në mend gjithmonë mesazhet dhe amanetet e tyre të pashkëputshme nga idealet që kemi për të ndërtuar Kosovën, si një shtet demokratik dhe të dashur për të gjithë qytetarët e saj.

Një shtet që do të lëviz shpejt në realizimin e vizionit të vet për të qenë i integruar në Bashkimin Evropian dhe në NATO, për të pasur miqësinë e pashkëputshme dhe të përhershme me të gjithë vendet që na kanë ndihmuar dhe na janë gjetur në orët më të vështira që i kemi pasur, me Shtet e Bashkuara të Amerikës, me vendet më të rëndësishme të Bashkimit Evropian dhe me vendet tjera të botës demokratike”, tha Presidenti Sejdiu.

President i Republikës së Kosovës, dr. Fatmir Sejdiu, më tej tha se në ne mbetet borxh që të nxisim zhvillimin ekonomik të vendit, të sigurojmë mirëqenie të qytetarëve, të jemi shumë të përgjegjshëm në punët tona.

Kalendari

Ngjarjet e datës 20 nëntor 2019

- Ambasada e Finlandës, UBT dhe UNDP organizojnë bashkërisht konferencën “Towards Small Scale Innovative Ecosystems in Kosovo”. (Kampusi Inovativ i UBT-së në Lipjan, ora 9:00)

- Kryeministri në detyrë, Ramush Haradinaj, merr pjesë në konferencën “Small-Scale Innovative Ecosystems in Kosovo”, organizuar nga ambasada e Finlandës në Prishtinë në bashkëpunim me UBT. (Magjistralja Prishtinë - Lipjan, kampusi i UBT-së, ora 9:00)

- Me rastin e shënimit të 20 nëntorit - Ditës Ndërkombëtare të Konventës për të Drejtat e Fëmijëve, Komuna e Gjilanit organizon vizitë nga Asambleja e Fëmijëve në tri shkollat fillore: Selami Hallaqi, Thimi Mitko, Rexhep Elmazi për nder të Ditës Ndërkombëtare të Konventës për të Drejtat e Fëmijëve. (Objektete e shkollave, ora 10:00)

- Koalicioni i OJQ-ve për Mbrojtjen e Fëmijëve hap dyert për fëmijët, prindërit dhe të gjithë qytetarët që dëshirojnë të vizitojnë ambientet e KOMF për të biseduar bashkë për të drejtat e fëmijëve. (Zyret e KOMF, ora 10:00)

- Fillon punimet Kongresi i parë ndërkombëtarë për trajtimin e hershëm të infarktit të miokardit. (Hotel International Prishtina, ora 10:00)

- Mbahet mbledhja e rregullt e Komitetit për Politikë dhe Financa i Komunës së Mitrovicës. (Salla e mediave të Komunës së Mitrovicës, ora 10:00)

- Mbahet mbledhja e gjashtë e rregullt e Këshillit Komunal për Siguri në Bashkësi në komunën e Rahovecit. (Salla e Kuvendit Komunal në Rahovec, ora 10:00)

- Zyra e UNICEF-it në bashkëpunim me Ministrinë e Arsimit, Shkencës dhe Teknologjisë si dhe Shtëpinë e Evropës në Kosovë organizojn aktivitetin kryesor për shënimin e 30 vjetorit të Konventës për të Drejtat e Fëmijës. (Holli i Bibliotekës Kombëtare të Kosovës, ora 11:00) 

- OQJ Integra organizon publikimin e raportit “Instituti i Vetizoluar - Vlerësim i Shoqërisë Civile për Institutin Albanologjik të Prishtinës”. (Hotel Sirius, ora 11:00)

- Fëmijët e çerdhës "Dardania" në Gjilan dhurojnë 120 pako dhurata për fëmijët me nevoja të veçanta. (Gjilan, ora 11:00) 

- Mbahen aktivitete argëtuese për fëmijët e zgjedhur nga Handikos, Asambleja e Fëmijëve, fëmijët nga komunitetet si dhe nga shkollat SHFMU, Gjilan mbështetur nga 'Albanica' dhe 'Kimi'. (Gjilan, ora 12:00)

- Komuna e Gjilanit organizon program nga Qendra e Vallëzimit Modern “Dancing House” Vallëzim Modern, Balet dhe Popullore. (Teatri i Qytetit, Gjilan ora 15:00)

- Qendra Multimedia shfaq "Pesë stinet e armikut te popullit" me regji të Blerta Nezirajt. (Teatri "Bekim Fehmiu" në Prizren, ora 20:00)