25 Shtator 2020

Presidenti Sarkozy dhe Mbreti Gustaf uruan Presidentin Sejdiu

Prishtinë, 11 shkurt - Presidenti i Republikës së Kosovës, dr. Fatmir Sejdiu, me rastin e përvjetorit të dytë të pavarësisë së Kosovës, ka marrë mesazhe urimi nga Presidenti i Republikës së Francës, Nicola Sarkozy, dhe Mbreti i Suedisë Carl Gustaf.


Në mesazhin e Presidentit Sarkozy thuhet:

Zotëri President,

Me rastin e festës kombëtare të vendit tuaj dhe ditëlindjes së dytë të pavarësisë së tij, ju prezantoj, në emrin tim dhe në emër të popullit francez, urimet e mia më të ngrohta.

Gëzohem shumë për përparimet e konsiderueshme të realizuara prej Kosovës gjatë vitit që shkoi, si në skenën ndërkombëtare ashtu edhe në planin e brendshëm. Vendi juaj e ka përforcuar integrimin e tij në bashkësinë ndërkombëtare. Numri i rritur i njohjeve të marra dhe aderimi në shumë institucione financiare prestigjioze e nënvizon karakterin e pakthyeshëm të pavarësisë së tij.

Vendosja e marrëdhënieve diplomatike me të gjithë fqinjët tuaj, përveç Serbisë, ju mundëson të luani një rol regjional më të madh. Përparime substanciale janë realizuar gjithashtu nën udhëheqjen tuaj për t’u dhënë një hapësirë të gjitha komuniteteve në demokracinë e re dhe dinamike kosovare. Zgjedhjet e fundit lokale e kanë dëshmuar këtë me elokuencë.

Kam tërë besimin në ju, Zotëri President, në vazhdimin e bartjes së mesazhit të hapjes dhe të dialogut të domosdoshëm në konsolidimin e paqes në regjionin tuaj dhe në forcimin e lidhjeve ndërmjet komuniteteve të vendit tuaj.

E di gjithashtu se mund të llogaris në aksionin tuaj të vendosur përball sfidave ekonomike dhe sociale me të cilat Kosova, siç edhe tërë Evropa, është e ballafaquar.

Franca do të vazhdojë të veprojë në mënyrë që tërë Ballkani Perëndimor, duke përfshirë Kosovën, t’i bashkohet Unionit Evropian sa më shpejt të jetë e mundur. Ju mund të llogarisni në përkrahjen tonë të plotë.

Ju lus të pranoni, Zotëri President, shprehjen e konsideratës time më të lartë.

Nicolas Sarkozy

President i Republikës së Francës



Ndërsa në telegramin e Mbretit të Suedisë Carl Gustaf thuhet:

Shkëlqesisë së tij  Dr. Fatmir Sejdiu,

President i Republikës së Kosovës

Me rastin e Ditës Kombëtare të Republikës së Kosovës, dua t’i përcjell Shkëlqesisë suaj, urimet e mia të sinqerta dhe urimet më të mira për prosperitetin e popullit të Kosovës.

Carl Gustaf,

Mbret i Suedisë 

Kalendari

Ngjarjet e datës 25 Shtator 2020 - Zyra e Koordinatorit për Zhvillim të Kombeve te Bashkuara në bashkëpunim me Kryesinë e Kuvendit ri themelojn Këshillin SDG në Kuvendin e Kosovës. (Kuvendi i Kosovës, oborri para hyrjes kryesore, ora 9:00)

- Vazhdon seanca plenare e Kuvendit te Republikës së Kosovës. (Salla e Kuvendit, ora 10:00)

- Shefi i Grupit Parlamentar të PDK-së, Bedri Hamza, mban konferencë për media. (Hyrja e Kuvendit nga sheshi, ora 10:00)

- Drejtoria për Turizëm dhe Zhvillim Ekonomik, në vazhdën e aktiviteteve të realizuara me rastin e Ditës Botërore të Turizmit do të bëjë prezantimin e raportit të punës së kësaj drejtorie, që nga viti 2018 e deri më sot. (Salla e mbledhjeve të Kuvendit Komunal në Shtëpinë e Bardhë, ora 10:00)  

- Drejtoresha për Kulturë në Komunën e Prishtinës, Blerta Basholli dhe artisti Sislej Xhafa do të mbajnë konferencë për shtyp. (Ndërtesa e vjetër të Komunës, ora 11:00)

- Instituti i Kosovës për Drejtësi me përkrahje të Departamentit të Shtetit Amerikan - Byrosë së Narkotikëve Ndërkombëtar dhe Çështjeve të Zbatimit të Ligjit dhe NED-it do të mbajë konferencë për media, në të cilën do të prezantoj raportin analitik të aplikimit të Konventës Evropiane për të Drejtat e njeriut dhe jurisprudencës së Gjykatës Evropiane për të Drejtat e Njeriut nga Gjykatat e Republikës së Kosovës. (Hotel Sirius, ora 11:00)

- Mbahet mledhja e jashtëzakonshme e Kuvendit të Shoqatës së ndërmarrjeve që merren me qarkullimin e naftës, derivative të naftës, gazrave dhe lubrifikanteve “SHQNGL”, i ftuar është edhe Ministri i Tregtisë dhe Industrisë Vesel Krasniqi. (Objekti i Odës Ekonomike të Kosovës, ora 11:00)

- Bëhet inaugurimi i veprës "trëndafili i bardhë" nga Sislej Xhafa, që është vepra e parë e projektit "Art në Hapësirë Publike". (Rruga "Andrea Gropa", te "Klubi i Pëllumbave" ora 11:45)

- Konstituohet Komisioni Hetimor Parlamentar mbi procesin e licencimit, operimit, mbikëqyrjes dhe aplikimit për lejet e hidrocentraleve në Republikën e Kosovës. (Ndërtesa e Kuvendit, salla C203, ora 12:00)

- Partia Socialdemokrate do të mbaj një aktivitet afër bankës "Pro Credit Bank". (Përballë rektoratit të UP-së, lagjia "Tre Sheshirat", ora 13:00)

- Mbahet seanca plenare e Kuvendit te Republikës së Kosovës. (Salla e Kuvendit, ora 13:00)

- Platforma Bashkë-krijuese GërrGërr prezanton programin, “Kuzhina Anasjelltas”. (Kino Bahçe, te Lumbardhi në Prizren, ora 18:00)

- Fillon edicioni i dytë i festivalit Lahuta, Okarina Polifionia. (Ambientet e Qendrës për zhvillimin e kultures tradicionale në Prishtinë, ora 18:30)