24 Shtator 2020

Presidenti i Shqipërisë Ilir Meta dekoron njësitet e kërkim-shpëtimit të FSK-së

Prishtinë, 4 dhjetor - Presidenti i Republikës së Shqipërisë, Ilir Meta, i cili shoqërohej nga kryeministri në detyrë, Ramush Haradinaj, qëndroi sot në kazermën "Adem Jashari" të FSK-së në Prishtinë, për të dekoruar njësitin e kërkim-shpëtimit të FSK-së, për kontributin e dhënë; në shpëtimin e njerëzve, pas tërmetit të 26 nëntorit në Shqipëri.

Presidenti Ilir Meta u prit nga komandanti i FSK-së gjenerallejtënant Rrahman Rama, e ku merrnin pjesë edhe gjeneralë, oficerë, nënoficerë të FSK-së dhe Njësia e Kërkim-Shpëtimit. 

Me këtë rast, presidenti i Shqipërisë, Ilir Meta, ka falënderuar FSK-në, për reagimin e shpejtë për t’iu ardhur në ndihmë qytetarëve të prekur nga tërmeti i 26 nëntorit, në Durrës dhe Thumanë.

„Të dashur shpëtimtarë të Forcës së Sigurisë të Kosovës dhe Policisë të cilët u paraqitën në orët e para të një beteje midis jetës dhe vdekjes, nuk ka vlerësim më të mirë se sa t’ju quaj shpëtimtarë të gjithë juve“- ka thënë presidenti Meta.

Presidenti Meta, u shpreh se Kosova duhet të jetë krenare për Forcat e Sigurisë, për të shtuar se çdo vend i NATO-s, do të ishte i kënaqur me atë që ka shfaqur FSK-ja gjatë ditëve të kërkim-shpëtimit në Shqipëri, pas tërmetit të fuqishëm që goditi vendin. Presidenti Meta, shprehu konsideratë edhe për qenin hero të FSK-së, i cili shpëtoi jetë pas tërmetit.

Presidenti i Shqipërisë z. Ilir Meta, ka ndarë Dekoratën e Artë të Shqiponjës për Task-Forcën e FSK-së dhe Dekoratën për Merita  të Veçanta  për njësitin K-9 të FSK-së.

Ndërsa, kryeministri në detyrë i Kosovës, Ramush Haradinaj, tha: „Ne jemi unik si kurrë më parë, sepse të bashkuar s’ka tërmet që na ligështon! Sot, jemi të gjithë të nderuar nga Presidenti shqiptar Ilir Meta, me ndarjen e dekoratave për njësitet e kërkim- shpëtimit të Kosovës që shërbyen për t’i dalë në ndihmë Shqipërisë pas tërmetit tragjik."

"Këtë nder na e krijoi Ushtria jonë, e cila me profesionalizëm e në heshtje, pa mburrje e vet-reklamë kreu misionin e saj të shenjtë kushtetues dhe patriotik, që ia ka besuar populli i Kosovës“.

Kurse komandanti i FSK-së, gjenerallejtënant Rrahman Rama, pasi i dëshiroi mirëseardhje presidentit të Shqipërisë z. Ilir Meta, në emër të FSK-së dhe Ministrisë së Mbrojtjes, tha se: „Angazhimi i njësisë së kërkim-shpëtimit na ka bërë që të ndihemi krenarë jo vetëm si FSK dhe Ministri e Mbrojtjes por edhe të gjithë Kosovën."

"Vlerësimi i sotëm së bashku me mirënjohjen dhe vlerësimin që na kanë dhënë qytetarët e zonës dhe tërë Shqipërisë, na kanë bërë që të ndihemi mirë dhe krenarë.“

Komandanti i FSK-së, gjeneral Rama, në fund tha se FSK-ja është e gatshme të merr edhe përgjegjësi të reja. „Ky mision dëshmoi pjekurinë e FSK-së, që është e gatshme për të marrë pjesë në misione humanitare jashtë vendit, duke treguar nivel të lartë të koordinimit dhe bashkëveprimit me ushtrinë shqiptare dhe njësitë emergjente të shteteve tjera të pranishme në këtë mision“.
 

Kalendari

Ngjarjet e datës 25 Shtator 2020 - Zyra e Koordinatorit për Zhvillim të Kombeve te Bashkuara në bashkëpunim me Kryesinë e Kuvendit ri themelojn Këshillin SDG në Kuvendin e Kosovës. (Kuvendi i Kosovës, oborri para hyrjes kryesore, ora 9:00)

- Vazhdon seanca plenare e Kuvendit te Republikës së Kosovës. (Salla e Kuvendit, ora 10:00)

- Shefi i Grupit Parlamentar të PDK-së, Bedri Hamza, mban konferencë për media. (Hyrja e Kuvendit nga sheshi, ora 10:00)

- Drejtoria për Turizëm dhe Zhvillim Ekonomik, në vazhdën e aktiviteteve të realizuara me rastin e Ditës Botërore të Turizmit do të bëjë prezantimin e raportit të punës së kësaj drejtorie, që nga viti 2018 e deri më sot. (Salla e mbledhjeve të Kuvendit Komunal në Shtëpinë e Bardhë, ora 10:00)  

- Drejtoresha për Kulturë në Komunën e Prishtinës, Blerta Basholli dhe artisti Sislej Xhafa do të mbajnë konferencë për shtyp. (Ndërtesa e vjetër të Komunës, ora 11:00)

- Instituti i Kosovës për Drejtësi me përkrahje të Departamentit të Shtetit Amerikan - Byrosë së Narkotikëve Ndërkombëtar dhe Çështjeve të Zbatimit të Ligjit dhe NED-it do të mbajë konferencë për media, në të cilën do të prezantoj raportin analitik të aplikimit të Konventës Evropiane për të Drejtat e njeriut dhe jurisprudencës së Gjykatës Evropiane për të Drejtat e Njeriut nga Gjykatat e Republikës së Kosovës. (Hotel Sirius, ora 11:00)

- Mbahet mledhja e jashtëzakonshme e Kuvendit të Shoqatës së ndërmarrjeve që merren me qarkullimin e naftës, derivative të naftës, gazrave dhe lubrifikanteve “SHQNGL”, i ftuar është edhe Ministri i Tregtisë dhe Industrisë Vesel Krasniqi. (Objekti i Odës Ekonomike të Kosovës, ora 11:00)

- Bëhet inaugurimi i veprës "trëndafili i bardhë" nga Sislej Xhafa, që është vepra e parë e projektit "Art në Hapësirë Publike". (Rruga "Andrea Gropa", te "Klubi i Pëllumbave" ora 11:45)

- Konstituohet Komisioni Hetimor Parlamentar mbi procesin e licencimit, operimit, mbikëqyrjes dhe aplikimit për lejet e hidrocentraleve në Republikën e Kosovës. (Ndërtesa e Kuvendit, salla C203, ora 12:00)

- Partia Socialdemokrate do të mbaj një aktivitet afër bankës "Pro Credit Bank". (Përballë rektoratit të UP-së, lagjia "Tre Sheshirat", ora 13:00)

- Mbahet seanca plenare e Kuvendit te Republikës së Kosovës. (Salla e Kuvendit, ora 13:00)

- Platforma Bashkë-krijuese GërrGërr prezanton programin, “Kuzhina Anasjelltas”. (Kino Bahçe, te Lumbardhi në Prizren, ora 18:00)

- Fillon edicioni i dytë i festivalit Lahuta, Okarina Polifionia. (Ambientet e Qendrës për zhvillimin e kultures tradicionale në Prishtinë, ora 18:30)