18 Nëntor 2019

Pomeroy shprehu përkrahjen e plotë të SHBA-ve për Kosovën

Prishtinë, 16 shkurt - Në takim është diskutuar për gjendjen aktuale politike në vend, me theks të veçantë për të arriturat dhe sfidat e Republikës së Kosovës.

Kryeministri i Republikës së Kosovës, Hashim Thaçi në takim ka theksuar se Kosova në këto dy vite të shtetësisë së saj ka shënuar një sërë të arriturash të mëdha në të gjitha fushat.

Duke potencuar suksesin e institucioneve dhe popullit të Kosovës në organizimin e zgjedhjeve të para lokale në Kosovën e pavarur, kryeministri Thaçi ka shtuar se çdo ditë e më shumë shteti ynë po konsolidohet, duke ndërtuar institucione stabile, efektive, me qeverisje të mirë, sundim të rendit dhe ligjit dhe respektim afirmativ të të drejtave të komuniteteve.

Në takimin e përzemërt me kongresmenin amerikan, Earl Pomeroy, kryeministri Thaçi ka theksuar suksesin e arritur me anëtarësimin e shtetit të Kosovës në Bankën Botërore dhe në Fondin Monetar Ndërkombëtar.

Ky do të jetë viti i vendimeve të mëdha për zhvillimin ekonomik të Kosovës, përfshirë vendimin për ndërtimin e autostradës Vërmicë-Prishtinë-Merdarë dhe ndertimit e termocentralit Kosova e Re, - është shprehur në takim kryeministri Thaçi.

Kryeministri Hashim Thaçi i ka shprehur kongresmenit amerikan, Pomeroi falënderimet më të sinqerta në emër të Qeverisë së Republikës së Kosovës për angazhimin e vazhdueshëm të tij në mbështetje të avancimit të procesve zhvillimore në Republikën e Kosovës.

Shteti dhe populli amerikan i kanë dalë në ndihmë Kosovës në të gjitha momentet vendimtare të ndërtimit të lirisë, të pavarësisë dhe konsolidimit të demokracisë së shtetit tonë të ri. Qeveria dhe populli i Republikës së Kosovës do të jenë mirënjohës përgjithmonë shtetit dhe popullit amerikan për këtë mbështetje të parezervë, - është shprehur në takim, kryeministri Thaçi.

Gjithashtu, kryeministri Thaçi e vlerësoi lartë rolin e 700 ushtarëve të Dakotës së Veriut të SHBA-ve në kuadër të forcave të KFOR-it në Kosovë.

Nga ana e tij, kongresmeni amerikan, Earl Pomeroy, në prag të shënimit të Ditës së Pavarësisë, i ka uruar kryeministrit Thaçi këtë ditë të madhe historike.

Pomeroy në takim me kryeministrin Hashim Thaçi e ka shprehur përkrahjen e plotë të SHBA-ve për shtetin e Kosovës dhe integritetin territorial të Kosovës.

Kongresmeni amerikan, Pomeroy në takim ka vlerësuar lartë përkushtimin e vazhdueshëm të Qeverisë së Republikës së Kosovës dhe të gjitha institucioneve kosovare për avancimin e proceseve pozitive në Kosovës, duke potencuar vendosmërinë e qeverisë për zhvillimin e qëndrueshëm ekonomik të vendit.

 

Kalendari

Ngjarjet e datës 18 nëntor 2019

- Oda Ekonomike e Kosovës do të mbajë konferencë për media në të cilën do të prezentojë hulumtimin rreth opinionit të bizneseve për marrëveshjen Kosovë-Serbi. (Objekti i Odës Ekonomike të Kosovës, ora 9:00)

- Organizata për Demokraci, Anti-korrupsion dhe Dinjitet, ÇOHU! me përkrahjen e Ambasadës së Mbretërisë së Holandës përmes Programit Matra organizon tryezë në të cilën do të publikohet raporti me titull Qasja në Drejtësi. (Hotel Sirius, ora 10:00)

- Qendra e Inovacionit të Kosovës dhe Oda Ekonomike Amerikane në Kosovë organizojnë ceremoninë e hapjes së Javës Globale të Ndërmarrësisë 2019 në Kosovë. (Menza "Ramiz Sadiku" në Prishtinë, ora 10:00)

- Grupi Tematik për të Drejtat e Fëmijëve në Shëndetësi në kuadër të Koalicionit te OJQ-ve për Mbrojtjen e Fëmijëve organizon konferencën për media në te cilën do të prezantojë një dokumet me të dhëna dhe rekomandime për mbrojtjen e ambientit në Kosovë. (Qendra e Resurseve për OSHC, Forumi për Iniciativa Qytetare në Lagjen Pejton, ora 10:00) 

- Instituti i Kosovës për Drejtësi me përkrahje të Departamentit të Shtetit Amerikan - Byrosë së Narkotikëve Ndërkombëtar dhe Çështjeve të Zbatimit të Ligjit dhe NED-it do të organizojë tryezë me titull “Pandëshkueshmëria e korrupsionit”. (Hotel Sirius, ora 10:00)

- Instituti Kërkimor për Çështje Evropiane dhe të Zhvillimit organizon prezantimin e studimit per Çështjen e Kompleksit të Trepçës dhe Çështjen e Reparacioneve për Krimet e Luftës të kryera në Kosovë në Kontekstin e ‘Finales së Madhe’ eventuale ndërmjet Kosovës dhe Serbisë. (Hotel Swiss Diamond, ora 10:00)

- Komuna e Prizrenit në bashkëpunim me PPSE Swisscontact dhe SHB Sharri përuron shtegun turistik të ri Via Ferrata "Panorama". (Gryka e Lumbardhit, 4.5 km nga qendra e qytetit, ora 11:00 - transporti i organizuar nga Komuna e Prizrenit, nisja nga Shtëpia e Bardhë, ora 10:30)

- Në kuadër të aktivitet kulturor kushtuar "Ditet e Alfabetit", promovohet botimi 'Levizja Protestante te shqiptaret 1818-1908" te autorit prof. dr. David Hosaflook. (Biblioteka Kombetare "Pjeter Bogdani", ora 10:30)

- Muzeu Kombëtar i Kosovës hap ekspozitën “Bienalen e Akuarelit Edicioni i 2-të” e cila sjellë vepra arti të artisëve nga 70 vende të botës me rreth 380 piktura. (Muzeu Kombëtar, ora 19:00)

 

- Në kuadër të projektit ' Tell Me More' të perkrahur nga MKRS dhe DKRS dhe të implementuar nga Kuvendi i të Rinjve të Prizrenit do të realizohet shfaqja teatrale në Shtepinë e Kulturës " Xhemajli Berisha ". (Shtëpia e Kulturës në Prizren, ora 20:00)