23 Janar 2019

Përceptimi mbi Ofrimin e Shërbimeve Administrative në vendet e BP-së

Prishtinë, 12 qershor - Anketa "Matja e përceptimit publik të shërbimeve administrative në Ballkanin Perëndimor" është anketa e parë rajonale kushtuar ofrimit të shërbimeve  administrative e cila përfshin Shqipërinë, Bosnjën dhe Hercegovinën, Kosovën, Maqedoninë, Malin e Zi dhe Serbinë. Rezultatet e anketës tregojnë një perceptim publik përgjithësisht pozitiv ndaj shërbimeve administrative; 43% e publikut të përgjithshëm në 6 vendet e Ballkanit Perëndimor mendojnë se ndërveprimi me administratën e tyre publike është bërë më i lehtë. Kjo pikëpamje ndahet nga shumica e qytetarëve në Kosovë (79%).

Sa i përket burokracisë në administratën publike, 48% e qytetarëve në të gjithë Ballkanin Perëndimor mendojnë se ka pasur përpjekje apo nisma nga qeveritë e tyre për të thjeshtuar procedurat administrative për qytetarët dhe bizneset në dy vitet e fundit. Kështu janë shprehur shumica e qytetarëve të Kosovës (57%) dhe Serbisë (55%), ndërsa vetëm rreth 1/3 (28%) e qytetarëve në Bosnjë dhe Hercegovinë.

Në përgjithësi, të dhënat e anketës tregojnë dallime të mëdha ndërmjet vendeve të Ballkanit Perëndimor në lidhje me perceptimet e qytetarëve mbi ofrimin e shërbimeve administrative. Një sfidë e përbashkët e shumicës së vendeve është mungesa e mekanizmave që u mundësojnë qytetarëve të japin mendimin e tyre mbi kualitetin e shërbimeve të ofruara.  Mesatarisht, vetëm një e treta e qytetarëve në të gjithë rajonin konfirmojnë se administrata e tyre u ka kërkuar atyre të japin propozime dhe sugjerime për përmirësimin e shërbimeve administrative në dy vitet e fundit. – përqindja më e ulët është shënuar në Bosnje dhe Hercegovinë (13%), kurse më e larta në Shqipëri (44%).

Për më tepër, një e treta e përdorueseve të shërbimeve administrative pohojnë të kenë  mundësi që në mënyrë aktive të japin vlerësimet e tyre mbi cilësinë e shërbimeve që marrin nëpërmes mekanizmave të ofruara. Duket se qeveritë në rajon nuk kanë prioritizuar mekanizmat e reagimit që u lejon qeverive të përmirësojnë shërbimet në përputhje me rrethanat.  Sidoqoftë, Kosova shënon nivelin më të lartë të kënaqshmërisë në këtë mes, me 38%. Kjo mund të jetë reflektim i nismës së qeverisë për vendosjen e kutive elektronike nëpër institucione që lejojnë qytetarët të japin mendimin e tyre mbi cilësinë e shërbimeve që marrin nga institucionet publike, të nisur në fillim të vitit 2017.

59% e qytetarëve në të gjithë Ballkanin Perëndimor pajtohen se qeveritë e tyre po lëvizin drejt digjitalizimit dy vitet e fundit përkundër 22%. Në nivel kombëtar, niveli më i lartë i pajtueshmërisë vërehet në Maqedoni (72%), pasuar nga Serbia (70%). Kurse  vetëm 28% e qytetarëve në Bosnjë dhe Hercegovinë pajtohen se qeveria e tyre po lëviz drejt digjitalizimit. Për vendet e tjera të rajonit, niveli i pajtueshmërisë lëviz nga 55% në Shqipëri në 64% në Kosovë dhe Mal të Zi. Të dhënat e anketës gjithashtu tregojnë një nivel të ulët të vetdijësimit publik mbi egzistencën e shërbimeve elektronike në të gjithë rajonin, duke filluar nga Bosnja dhe Hercegovina me 19% deri te Maqedonia me 53%.

Është shqetësues fakti që sipas të dhënave egziston një hendek midis gatishmërisë për të përdorur shërbimet e internetit dhe marrjes së shërbimit. Mesatarisht, 35% e Ballkanasve që kanë njohuri mbi  shërbimet elektronike në vendet e tyre pohojnë se kanë arritur të marrin “gjithmonë" shërbimin që kanë kërkuar në internet në dy vitet e fundit. Ky proporcion ndryshon nga 23% në Shqipëri në 47% në Serbi.

Sa i përket përfshirjes në monitorim të ofrimit të shërbimeve, vetëm një e katërta (26%) e të aketuarve pajtohen që qytetarët ose shoqëria civile janë përfshirë në monitorimin e shërbimeve. Niveli i pajtueshmërisë është më i larti në Shqipëri (35%) dhe Kosovë (32%) ndërsa më i ulëti në Bosnjë dhe Hercegovinë (11%).

Ky studim është një burim shumë i dobishëm informacioni për qeveritë në të gjitha vendet e Ballkanit Perëndimor. Në mënyrë shumë të qartë vihen në dukje pikat e ndjeshme të administratave publike në të gjithë rajonin. Ndër të tjera, thekson nevojën që qeveritë të shtojnë përpjekjet e tyre drejt përmirësimit të ofrimit të shërbimeve dhe si dhe përfshirje më të madhe nga shoqëria civile dhe qytetarët në monitorimin e ofrimit të shërbimeve .

Kalendari

Ngjarjet e datës 24 janar 2019 - Projekti i financuar nga Bashkimi Evropian “Mbështetje Kodit Civil – faza 2”, i cili po mbështetë Ministrinë e Drejtësisë organizon ngjarjen “Rruga drejt një Kodi Civil modern të Kosovës,”. (Amfiteatri i Madh në ndërtesën e re të Qeverisë, ora 9:30)

- Shefja e Zyrës së BE-së në Kosovë, Nataliya Apostolova do të marrë pjesë në ceremoninë e dorëzimit të Kodit të ri Civil për Kosovën në Ministrinë e Drejtësisë. (Amfiteatri i Madh në ndërtesën e re të Qeverisë, ora 10:00)

- Ministria e Mbrojtjes dhe Ushtria e Kosovës organizojnë aksionin humanitar për dhurimin vullnetar të gjakut për nevojat e Qendrës Kombëtare të Kosovës për Transfuzion të Gjakut. (Komanda e  Forcave Tokësore të FSK-së, kazerma “Adem Jashari” në Prishtinë, ora 10:00)

- Ministri i Infrastrukturës dhe Transportit, Pal Lekaj pret në takim kryetarin e komunës së Prishtinës, Shpend Ahmeti, me të cilin do të nënshkruaj marrëveshje bashkëpunimi. (Kabineti i ministrit te Infrastrukturës dhe Transportit, ora 10:00)

- Lëvizja Vetëvendosje! shënon 100 vjetorin e vdekjes së Ismail Qemalit me homazhe tek shtatorja në Prishtinë. (Prishtinë, ora 10:30)

- Mbahet mbledhja e Komisionit për Arsim, Shkencë, Teknologji, Kulturë, Rini, Sporte, Inovacion dhe Ndërmarrësi në të cilën do të diskutohet lidhur me kërkesën e Rektorëve të Universiteteve Publike rreth programeve të pa akredituara. (Ndërtesa e Kuvendit, salla N 303, ora 11:00)

- Me rastin e 90 vjetorit të lindjes së regjisores së mirënjohur të kinemasë shqiptare Xhanfise Keko, nën patronatin e Ministrisë së Kulturës dhe Ambasadës së Shqipërisë, do të shfaqet premierë filmi dokumentar "Koha e pelikulës" i regjisorit Mevlan Shanaj, dedikuar artistes që ia kushtoi krijimtarinë, botës së madhe të fëmijëve të vegjël. (Kino ABC, ora 11:00)
 
- Kryeministri Ramush Haradinaj vizitë pune në ndërmarrjen “Fox Marble”. (Fshati Poturovc në Lipjan, ora 12:30)

- Komisioni për Punë të Jashtme, Diasporë dhe Investime Strategjike, do të mbajë mbledhjen e radhës, në të cilën do te shqyrtohet draft-Planit të punës së Komisionit për vitin 2019. (Ndërtesa e Kuvendit, salla N-302, ora 13:00)

- Mbahet takimi i përbashkët i Këshillit Gjyqësor të Kosovës dhe Këshillit Prokurorial të Kosovës. (Objekti i Sekretariatit të Këshillit Gjyqësor të Kosovës, Rr. “Luan Haradinaj”, ora 14:30)