19 Shtator 2020

Pahor: Konferenca në Bërdo do të rezultojë e suksesshme

Prishtinë, 08 mars - Kryeministri i Qeverisë së Republikës së Kosovës, Hashim Thaçi priti sot pas dite në takim kryeministrin e Qeverisë së Republikës së Sllovenisë, z. Borut Pahor, me të cilin ka biseduar për bashkëpunimin  bilateral mes Kosovës dhe Sllovenisë.
 
“Qëllimi Kosovës është që të jetë pjesë e NATO-s dhe BE-së dhe të njëjtën kohë të punojmë me gjitha vendet e rajonit. Tanimë ne kemi ndërtuar raportet të shkëlqyeshme edhe me Maqedoninë edhe me Shqipërinë edhe me Malin e Zi. Duam të kemi fqinjësi të mirë edhe me Serbinë”, tha kryeministri Thaçi duke shtuar se edhe përkushtimi i kryeministrit Pahor dhe i shtetit Slloven gjithmonë ka qenë për paqe, për stabilitet në mënyrë që të ecim drejtë strukturave euroatlantike.
 
Kryeministri Thaçi u shpreh se Qeveria e Kosovës, institucionet e Kosovës do të jenë në krye të përgjegjësive për stabilitetin dhe bashkëpunimin në rajon, dhe idenë dhe iniciativën për konferencën që do të mbahet në Brdo të Sllovenisë. Kosova do të jetë jashtëzakonisht e përgjegjshme në këtë drejtim dhe do ti përgjigjet sfidave dhe të vlerave që i afrojnë vendet tona, popujt tonë.                                
 
Duke folur për konferencën që do të mbahet në Bërdo të Sllovenisë,  kryeministri slloven Borut Pahor tha se ideja është që të gjithë liderët e rajonit të bashkohemi me përfaqësuesit e Bashkimit Evropian  dhe të flasim për perspektivën evropiane të këtyre vendeve. Z. Pahor tha se me gjithë vështirësitë e organizimit ky takimi do të rezultojë i suksesshëm.
 
Më tutje kryeministri Pahor vlerësoi arritjet dhe progresin e madh që është bërë këto vitet e fundit në Kosovë. “Si çdo qeveri tjetër edhe  ju kritikoheni, por si vëzhgues i cili ka qenë këtu edhe para disa vitesh, sot unë po shoh një përparim të madh këtu” u shpreh z. Pahor , duke shtuar se është krenar për marrëdhëniet e mira midis Sllovenisë dhe Kosovës.
 

Kalendari

Ngjarjet e datës 19 Shtator 2020

- Për nder të 100 vjetorit të shpalljes së Tiranës Kryeqytet, “Muzeu Lëvizës”, Komuna e Prishtines bashkë me Muzeun e mirëpresim edhe nënkryetaren e Bashkisë së Tiranës, Anuela Ristani dhe drejtoreshën ekzekutive të Unioni i Bashkive Shqiptare të Rajonit, Andriola Kambo hapin 'Muzeu Lëvizës'. (Sheshi 'Ibrahim Rugova', ora 10:00)

- Let’s Do It Kosova në kuadër të Lëvizjes Globale “Let’s Do It World” sjell përsëri në Kosovë “Ditën e Pastrimit të Botës 2020” ku do të fillojë me aktiviteti te pastrimin e qytetit nga mbeturinat. (Në afërsi të stadiumit “Fadil Vokrri”, lokacioni te parkingu i autobusëve, ora 11:00)

- Udhëhqës të Komunës së Prishtinës bashkë me Unionin e Bashkive Shqiptare të Rajonit, Andriola Kambo zhvillojnë një vizitë në Muzeun e Kosovës. (Muzeu i Kosovës, ora 11:30)

- Let’s Do It Kosova vazhdon me aktivitetin e dytë qëndror për shënimin e “Ditës së Pastrimit të Botës 2020”. (Parku i Qytetit të Prishtinë, ora 13:00)

- Lëvizja Vetëvendosje mban konferencë për media në të cilën flasin Kryetari i LV-së, Albin Kurti dhe Sekretari për Marrëdhënie me Jashtë, Kreshnik Ahmeti. (Zyret e LV-së në Arbëri, ora 14:00)

- Udhëhqës të Komunës së Prishtinës bashkë me Unionin e Bashkive Shqiptare të Rajonit, Andriola Kambo zhvillojnë një vizitë në Kopshtin me Bazë në Komunitet “Cicërimat”. (Kopshtin “Cicërimat”, ora 14:00)

- Udhëhqës të Komunës së Prishtinës bashkë me Unionin e Bashkive Shqiptare të Rajonit, Andriola Kambo zhvillojnë një vizitë në Parku Germia. (Parku Germia, ora 15:00)