27 Shtator 2020

Osmani e njoftoi diplomatët për ecurinë e bisedimeve LDK-LVV

Prishtinë, 5 dhjetor - Nënkryetarja e LDK-së, Dr. Vjosa Osmani e shoqëruar nga anëtari i Kryesisë, Besian Mustafa ka pritur në takim Drejtorin e Përgjithshëm për Euroazi dhe Evropë në Ministrinë e Punëve të Jashtme të Kanadasë, David Sproule, Ambasadorin e Kanadasë, Alan Bowman dhe Komisioneren për Tregti në Ambasadën e Kanadasë, Synthia Dodig. 

Nënkryetarja Osmani falënderoi shtetin kanadez për përkrahjen që i ka dhënë Kosovës përmes projekteve të ndryshme zhvillimore.

Poashtu znj. Osmani e njoftoi diplomatët për zhvillimet politike në vend dhe ecurinë e bisedimeve LDK-LVV për arritjen e marrëveshjes për bashkëqeverisje.

Njëkohësisht, znj. Osmani potencoi rëndësinë për thellimin e bashkëpunimit me qeverinë kanadeze në anëtarësimin e Kosovës në organizata ndërkombëtare si dhe rritjen e bashkëpunimit ekonomik në mes të dy shteteve.

Ambasadori Bowman uroi znj. Osmani për mbarëvajtjen dhe rezultatet e zgjedhjeve të 6 tetorit, dhe shprehu përkushtimin e Kanadasë për bashkëpunimin dhe përkrahjen e Kosovës në proceset e ardhshme.

Kalendari

Ngjarjet e datës 27 Shtator 2020

- Kryetari i Komunës së Prizrenit, Mytaher Haskuka do të merr pjesë në aktivitetin “Race for the Cure” të organizuar nga OJQ “Renesansa”, në mbështetje të të mbijetuarve nga kanceri i gjirit, ku të pranishëm do të jenë edhe kryetarja e Kuvendit të Kosovës, Vjosa Osmani dhe përfaqësuesit nga misione të huaja në Kosovë. (Sheshin e Dëshmorëve në Prizren, ora 10:00)

- Organizata X40 dhe Fondacioni Kosovar për Shoqëri Civile organizojnë tryezën e diskutimit “Lum Lumi” në të cilën do të diskutohet për dëmtimin e lumenjëve nga hidrocentralet në Kosovë. (Kino Lumbardhi Prizren, ora 11:00)
 
- Për nder të Ditës Botërore të Turizmit, nën organizimin e Drejtorisë së Turizmit dhe Zhvillimit Ekonomik të Komunës së Prizrenit do të bëhet përurimi i projektit “Shenjëzimi i 10 shtigjeve të ecjes”, projekt i bashkëfinancuar nga Bashkimi Evropian. (Në afërsi të fshatit Mushnikovë, afër Hotel Gold në Prizren, ora 13:00)

- Në ditën e tretë të edicionit të festivalit Lahuta, Okarina Polifionia mbahet kongresi i Lahutareve te trojeve shqiptare. (Ambientet e Qendrës për zhvillimin e kultures tradicionale në Prishtinë, ora 15:00)

- Platformës Bashkë-krijuese organizon ekspediten e gastronimise shqiptare. (Kino Bahçe, te Lumbardhi në Prizren, ora 18:00)