21 Nëntor 2018

Një shtet normal do të lëshonte urdhër arrest për Hashim Thaçin

Prishtinë, 8 nëntor - Lëvizja Vetëvendosje! mbajti konferencë për media në lidhje me takimin Thaçi-Vuçiq që mbahet sot, për të cilin është njoftuar vetëm disa orë para.

Drejtuesi i Grupit Parlamentar të Lëvizjes Glauk Konjufca foli për praktikën e re të takimeve Thaçi-Vuçiq për organizimet e shpejta dhe të paparalajmëruara që nuk janë të rastësishme.

“Kjo është një praktikë e cila nuk ka ndodhur më herët, së paku takimet Thaçi-Vuçiq  janë paralajmruar disa ditë më herët, kjo është një praktikë e re dhe nuk është e rastësishme. Këto takime po ndodhin kështu për dy arsye: së pari që të mos ketë kohë për organizim parlamentar dhe institucional dhe reagim të opozitës dhe, së dyti, për të pamundësuar reagimin qytetarë siç ishte protesta e 29 shtatorit”, tha Glauk Konjufca.

Ai po ashtu theksoi se presidenti është duke shkuar pa mandat në këtë takim me Vuçiqin. Kjo është shqetësuese për të gjithë qytetarët e Republikës së Kosovës, por edhe më shqetësuese është gatishmëria e Thaçit për marrëveshje me Serbinë e cila ka vetëm një kuptim: Presidenti Thaçi është në gjendje të paguajë me territor të Kosovës njohjen e Serbisë. Ndërkaq, Kosova lindore po përdoret nga Thaçi vetëm si justifikim për takimet e tij me presidentin e Serbisë.

Prej vitit 2011, presidenti Thaçi, atëherë si kryeministër, ka qenë figura udhëheqëse në negociatat me Serbinë. Nga gjitha këto pazare të tij janë tre produkte kryesore të këtij dialogu:

Së pari, krijimi i Listës serbe që merr drejtpërdrejt direktiva nga Vuçiqi dhe bllokon proceset më ekzistenciale për shtetin e Kosovës;

Së dyti, marrëveshja për Asociacionin e komunave me shumicë serbe, që dëmton funksionim unitar të Republikës së Kosovës, të cilën marrëveshje Gjykata Kushtetuese e ka hedhur poshtë.

Së treti, legalizimi e pushtetit të Serbisë në Kosovë duke i ndarë institucionet e Kosovës në fushën e drejtësisë, në Polici duke e propozuar Komandantin rajonal, pastaj në AKI duke integruar agjentët e saj brenda këtij institucioni, si dhe në fushën e energjetikës dhe atë telekomunikacionit.

Dhe tash presidenti Thaçi, që i ka bërë të gjitha këto kompromise, shitet si shpëtimtar i kombit dhe sillet sikur të jetë njeriu i vetëm ku ne do t’i varim shpresat për bashkimin e shqiptarëve. Është pik֝ërisht ky që më së shumti ka dëmtuar perspektivën e shqiptarëve.

Duke marrë parasysh që presidenti Thaçi ka shkuar atje pa mandat dhe që Qeveria e Kosovës deklarohet që nuk e di se për çka po bisedon presidenti, por edhe gatishmërinë e tij që të flasë për territore, atëherë në një shtet normal, jo të kapur, Kryeprokurori do të lëshonte urdhërarrest për Hashim Thaçin për shkeljet që po i bënë Kushtetutës së vendit.

Të gjithë ata që përfaqësojnë institucionet e Republikës së Kosovës, e veçanërisht presidenti, nuk ka të drejtë e as mandat që të shkojë me armikun e Kosovës e të deklarohet se nuk ka vija të kuqe dhe se është e diskutueshme gjithçka.

Kalendari

Ngjarjet e datës 21 nëntor 2018 - Ministri i Financave Bedri Hamza dhe udhëheqësi i Delegacionit të Qeverisë Gjermane Dirk Schattschneider nënshkruajnë Protokollin ndërmjet Qeverisë së Kosovës dhe Qeverisë së Gjermanisë, ku me këtë rast konfirmohen zotimet e Qeverisë Gjermane për Bashkëpunim Teknik dhe Financiar për vitet 2018-2019, në vlerë prej 60.05 milionë euro. (Ndërtesa e  Qeverisë, salla P-32, ora 9:30)

-  Koordinatori Nacional për Kulturë, Rini dhe Sport në Qeverinë e Kosovës, Rexhep Hoti, do të nënshkruajë marrëveshje bashkëpunimi me Kryetarin e Komunës së Vitisë, Sokol Haliti. (Objekti i Komunës së Vitisë, ora 9:30) 

- Zyra Ligjore e Zyrës së Kryeministrit në bashkëpunim me International Finance Corporation lansojnë versionin e përditësuar të Regjistrit Qendror të Lejeve dhe Licencave. (Swiss Diamond Hotel, ora 9:45) 

- Ministri i Punës dhe Mirëqenies Sociale z. Skender Reçica raporton para Komisionit për Shëndetësi, Punë dhe Mirëqenie Sociale lidhur me vonesat në përmbushjen e agjendës legjislative, rojeksionet buxhetore të Ministrisë së Punës si dhe zatimi i Ligjit për personat e dhunuar gjatë luftës. (Ndërtesa e Kuvendit, salla 302, ora 10:00)

- Organizata ndërkombëtare e të drejtave të njeriut, Civil Rights Defenders organizon Samitin e Romëve të Ballkanit Perëndimor 2018. (Hotel Sirius, ora 10:00)

- Kryetari Shpend Ahmeti do ta vizitojë ndermarrjen "Horrikultura". (Objekti i Hortikulturës pranë brigades se zjarrfikësve në rrugën "Tahir Zajmi", ora 10:00)

- Komisioni për Buxhet dhe Financa shqyrton Projektligjin mbi Ndarjet Buxhetore për Buxhetin e RepublikÑ‘s së KosovÑ‘s për vitin 2019. (Ndërtesa e Kuvendit, salla C 203, ora 10:00)

- Në kuadër të Fushatës “Ta Pastrojmë Kosovën”,  Let’s Do It do të organizoj tryezë me qëllim të diskutimit të të arriturave të komunave të rajonit të Gjilanit në fushatën e pastrimit nga data 15 shtator e deri më tani. (Restorant “Vali Ranch” në Gjilan, ora 10:00)

- Komisioni Hetimor Parlamentar në lidhje me ndriçimin e rastit të dëbimit të gjashtë shtetasve turq më datë 29 mars 2018 interviston Ministrin e Infrastrukturës, Pal Lekaj, ish-UD Drejtorit të Departamentit të Aviacionit Civil, Ismail Berisha, Drejtorin e Agjencisë së Shërbimeve të Navigacionit Ajror Bahri Nuredini dhe Inspektorin e Përgjithshëm të Agjencisë së Kosovës për Inteligjencë, Shkelzen Sopjani. (Ndërtesa e Kuvendit, salla N 10, ora 11:00)

- Lëvizjes Vetëvendosje mban konferencë për media. (Zyret e Vetëvendosjes në lagjën Arbëria, ora 11:00)

- Kryesia e LDK-së bën homazhe te varri i Xhavit Ahmetit, në 22 vjetorin e vdekjes së tij. (Varrezat e Prishtinës, lagjja Arbëri, ora 11:00)

- Koordinatori Nacional për Kulturë, Rini dhe Sport në Qeverinë e Kosovës, Rexhep Hoti, do të nënshkruajë marrëveshje bashkëpunimi me Kryetarin e Komunës së Podujevës, Agim Veliu. (Objekti i Komunës së Podujevës, ora 11:30)

- Promovohet libri me titull "Roli i Drejtorisë së Arsimit në Reformimin e Shkollës dhe Arsimit në Klinë 1999-2017” i autores Suzan Gjergji. (Qendra e Kulturës” Jehona e Dukagjinit” në Klinë, ora 13:00)

- Mbahet ceremonia e përbashkët e përurimit të vënies në zbatim të Sistemit të Menaxhimit Informativ të Lëndëve në gjykatat dhe prokuroritë e Republikës së Kosovës. (Objekti i Gjykatës Themelore të Ferizajt, ora 13:00)

- Bëhet promovimi i librit të historianit,Valon Jashari “Kryengritja Çlirimtare në Kosovë Lindore gjatë viteve 1999-2001". (Biblioteka Kombëtare ‘Pjetër Bogdani”,  ora 15:00)

- Galeria Kombëtare e Kosovës organizon hapjen e ekspozitës "Nën Presion - Fakte nga arkitektura socialiste në Shqipëri" nga Gjergj Islami dhe Denada Veizaj. (Galeria Kombëtare e Kosovës, ora 20:00)

- Qendra e Lëvizjes Vetëvendosje! në Prishtinë, mbanë konferencë për media. (Objekti i çerdhës në Kodrën e Trimave, )