28 Janar 2021

Nënshkruhet memorandumi për rritjen e transparencës dhe llogaridhënies

Prishtinë, 25 nëntor – Këshilli Prokurorial i Kosovës (KPK), Fol, Internews Kosova dhe Debate Center sot kanë nënshkruar memorandum mirëkuptimi.

Ky memorandum u nënshkrua me qëllim të zbatimit të projektit “Sistemi i Drejtësisë në Kosovë i Përgjegjshëm, i Besueshëm dhe Transparent”, i cili është financuar nga INL (Byroja e Narkotikëve Ndërkombëtar dhe Çështjeve të Zbatimit të Ligjit) dhe do të zbatohet nga Fol, Internews Kosova dhe Debate Center.

Qëllimi i këtij memorandumi është të përcaktojë veprimet e përbashkëta ndërmjet KPK-së dhe FOL, Internews Kosova dhe Debate Center për zbatimin e  projektit i cili ka për qëllim rritjen e transparencës dhe llogaridhënies në Sistemin Drejtësisë në Kosovë.

Memorandumi ka paraparë shumë aktivitete që duhet ndërmarrë nga palët nënshkruese me qëllim të realizimit të projektit të lartcekur.

Ky memorandum është në vazhdën e aktiviteteve të Këshillit Prokurorial të Kosovës për ngritjen dhe fuqizimin e komunikimit dhe bashkëpunimit me shoqërinë civile.

Kryesuesi i KPK-së, Bahri Hyseni, pas nënshkrimit të memorandumit tha se institucioni që ai kryeson e vlerëson kontributin e shoqërisë civile në fushën e sundimit të ligjit dhe mbeten përherë të gatshëm për fuqizim të bashkëpunimit.​

 

Kalendari

Ngjarjet e datës 28 Dhjetor 2020

- Drejtori i Përgjithshëm i ATK-së Ekrem Hysenaj do të mbaj konferencë për media, në të cilën do të prezantoj aktivitetet e zhvilluara, si dhe rezultatet e arritura të ATK-së gjatë vitit 2020. (Zyra qendrore e ATK-së, ora 10:00)

- KDI organizon konferencën për media ku do të shpaloset “Indeksi për Perceptimin e Korrupsionit” për vitin 2020 përgatitur nga Transparency International. (Zyret e KDI-së, ora 10:00)  

- Mbahet mbledhja e parë e rregullt për vitin 2021 të Kuvendit Komunal të Prizrenit. (Shtëpia e Bardhë, ora 10:00)

- Promovohet libri “Krime serbe në Kosovë”, i autorit Çerçiz Loloçi. (Qendra Mediale të Kolegjit AAB, ora 11:00)

- Ministri në detyrë i Shëndetësisë, Armend Zemaj, merr pjesë në prezantimin e pullës postare, dedikuar personelit shëndetësor që kanë humbur jetën gjatë ballafaqimit me COVID-19. (Ministria e Shëndetësisë, ora 11:00)

- Universiteti "Fehmi Agani" në Gjakovë organizon ngjarjen kushtuar Ditës Ndërkombëtare të Përkujtimit të Holokaustit, e cila këtë vit i është kushtuar albanologut austriak - hebre Norbert Jokl. (Ambientet e Fakultetit të Edukimit-Filologjisë në Gjakovë, ora 12:00)

- Ministri në detyrë i Shëndetësisë, Armend Zemaj, merr pjesë në përurimi i fillimit të punimeve për ndërtimin e Qendrës së Mjekësisë familjare në Strellc të Deçanit. (Strellc – Deçan, ora 12:30)

- Partia Socialdemokrate do të mbaj aktivitet afër Ministrisë së Shëndetësisë. (Afër Ministrisë së Shëndetësisë, ora 13:00)

- Kandidati për deputet i AAK-së, Shemsedin Dreshaj, mban konferencën për medie. (Zyra e AAK-së, ora 13:00)

- Kryetari i Nismës Socialdemokrate Fatmir Limaj merrë pjesë në takimin në mbështetje të nominuarëve për deputet në Skenderaj. (Lokali 'Te Mixha' në fshatin - Polac, Skënderaj, ora 16:30)