21 Prill 2021

"Modeli qeverisë Thaçi, larg proceseve integruese në Evropë"

Prishtinë, 8. qershor - Nënkryetari i LDD-së dr. Naser Rugova vlerësoj sot se Qeveria e vendit vazhdon të jetë mjaft pasive dhe pa objektiva të qarta sa i takon procesit shumë të rëndësishëm të integrimit të vendit në mekanizmat e BE-së dhe se me këtë model qeverisës do të jemi larg procese integruese ne Evropë.

Në konferencën për media në selinë e LDD-së, Rugova tha se mungesa e vizionit qeverisës papërgjegjësia,neglizhenca dhe jo profesionalizmi i këtij koalicioni qeverisës po e privon vendin dhe qytetarin e Kosovës që njerëzit, idetë dhe kapitali të qarkullojnë lirshëm. Me këtë logjikë qeverisëse Kosova ka mbetur vendi më i izoluar i Evropës që çdo ditë e më tepër po i zbehet perspektiva.

“Vendimi i BE-së për liberalizimin e vizave për Shqipërinë dhe Bosnjën e Hercegovinën dhe në të njëjtën kohë letra e Komisionit Evropian drejtuar Qeverisë së vendit që mos të fillojë me procedimin e pasaportave biometrike është një nga lajmet e këqija dhe dekurajuese për Kosovën dhe qytetarët e sajë. Kjo qeveri edhe në vitin e tretë të qeverisjes nuk ka qenë në gjendje që të bëjë azhurnimin e duhur të regjistrit civil që është parakusht themelor për fillimin e procesit të prodhimit të pasaportave biometrike”, tha Rugova.

Ai vlerësoi se për ligjet e nevojshme,kriteret teknike,marrëveshjet për riatdhesim me të gjitha vendet anëtare të BE-së,menaxhimin e integruar të kufijve as që behët fjalë.

“Deklarimet e disa zyrtarëve qeveritar se jemi afër në procesin e liberalizimit të vizave janë të mjera, janë mashtrime dhe gënjeshtra të kulluara”.

Rugova theksoi se mungesa e sundimit të rendit dhe ligjit,shkelja e kushtetutës së vendit për çdo ditë, krimi i organizuar dhe korrupsioni, ekonomia informale, keq menaxhimi dhe vjedhja e buxhetit të taksapaguesve të varfër kosovar,rritja e papunësisë dhe shkallës së varfërisë, jo stabiliteti politik dhe social, keqqeverisja dhe zhvatja e pasurive kombëtare të vendit janë emërues i përbashkët i Qeverisë aktuale.

“Me këtë model dhe logjikë qeverisëse nuk ka liberalizim të vizave dhe do jemi edhe për shumë kohë larg BE-së. Këto konstatime të LDD-së që janë edhe brenga të qytetarëve të vendit tonë i vërteton edhe raporti i misionit Eulex lidhur me funksionimin e gjyqësisë, policisë dhe doganave. Konstatimet e këtij misioni se nuk ka koordinim mes prokurorisë së shtetit dhe policisë, si dhe ndikimi direkt i politikës në gjyqësorin na bën me kuptua se kjo qeveri po e fundos vendin, po krijon sistem të ngjashëm me regjimet e disa vendeve amerikano latine ku qeveria, mafia, krimi i organizuar dhe sistemi i drejtësisë dirigjohen nga një qendër e vetme”.

Lidhja Demokratike e Dardanisë inkurajon prokurorinë e shtetit,gjyqësorin dhe mekanizmat relevant të policisë që të qëndrojnë,të respektojnë kushtetutën, ligjin dhe mos të ndikohen nga këta qeveritar të korruptuar të cilët shumë shpejt do përballen me drejtësinë dhe vullnetin e qytetarëve të vendit, tha nënkryetari i LDD, dr. Naser Rugova .

Kalendari

Ngjarjet e datës 22 Prill 2021

- Ministri i Mjedisit, Planifikimit Hapesinor dhe Infrastrukturës, Liburn Aliu mban konferencë për media për hidrocentralet. (Tek ura në Brezovicë, 100m para kthesës kryesore për qendër të skijimit, ora 9:15)

- Komisioni për Ekonomi, Industri, Ndërmarrësi dhe Tregti takohet me kryetarin e Odës Ekonomike të Kosovës Berat Rukiqi. (Ndërtesa e Kuvendit, salla N204, ora 10:00)

- Me moton "Shpëtoni Planetin" shënohet Dita e Tokës për të rritur ndërgjegjësimin për rëndësinë e përgjegjësisë kolektive për të mbrojtur mjedisin për brezat e ardhshëm. (Mitrovicë, ora 10:00)

- Organizata ETEA dhe biblioteka “Hivzi Sulejmani” organizojnë panelin e diskutimit “Libri mes ofertës dhe kërkesës”, me rastin e Ditës Ndërkombëtare të Librit. (Biblioteka “Hivzi Sulejmani” në lagjen Dardania, ora 10:00)

-  Ministria e Mjedisit, Planifikimit Hapesinor dhe Infrastrukturës organizon aktivitetet me rastin e shënimit të 22 Prillit, Ditës Ndërkombëtare të Tokës. (Hapësira e Shkollës Fillore “Hasan Prishtina” në Prishtinë, ora 10:00)

- Komisioni për Ekonomi, Industri, Ndërmarrësi dhe Tregti takohet me kryetarin e Odës Ekonomike Amerikane në Kosovës Arian Zeka. (Ndërtesa e Kuvendit, salla N204, ora 11:00)

- Lëvizja FOL organizon debatin FOL Hapur me ministrin e Administrimit të Pushtetit Lokal, Elbert Krasniqi. (Hotel Sirius, ora 11:00)

- Programi i Kombeve të Bashkuara për Zhvillim së bashku me UN-Habitat dhe agjencitë e tjera të Ekipit të Kombeve të Bashkuara në Kosovë, do të organizojnë inaugurimin e Sistemit Solar Fotovaltaik në ndërtesen e Kuvendit Komunal të Prizrenit. (Ndërtesa e Kuvendit Komunal në Prizren, ora 11:00)

- Komisioni për Ekonomi, Industri, Ndërmarrësi dhe Tregti takohet me kryetare e Odës Ekonomike Gjermano-Kosovare Nora Hasani. (Ndërtesa e Kuvendit, salla N204, ora 12:00)

- Koordinatori i Qendrës së vaksinimit në sallën “1 Tetori”, Niman Bardhi mban konferencë për medie. (Sallla “1 Tetori”, ora 12:00)

- Ministrja e Punëve të Jashtme dhe Diasporës, Donika Gërvalla do ta pres në aeroport Ministrin e Jashtëm te Gjermanisë, Heiko Maas. (Aeroportin e Prishtinë, ora 14:00 - vetëm pamje)

- OJQ Projekti 5 Cent organizon ngjarjen për "Ditën e Tokës", ku do të bëhet mbjellja e 51 fidaneve me rastin e shënimit të kësaj dite. (Oborri i SHFMU “Ibrahim Rugova” në Obiliq, ora ora 14:00)

- Presidentja e Kosovës, Vjosa Osmani, pret në takim ministrin e Punëve të Jashtme të Gjermanisë, Heiko Maas. (Kabineti i Presidentës, ora 15:00)

- Kryeministri i Kosovës, Albin Kurti, pret në takim ministrin e Punëve të Jashtme të Gjermanisë, Heiko Maas. (Ndërtesa e Qeverisë, ora 16:30)

- Ministrja e Punëve të Jashtme dhe Diasporës, Donika Gërvalla dhe Ministri i Jashtëm i Gjermanisë, Heiko Maas do të zhvillojnë takimin bilateral. (Kabineti i ministres Gervalla, ora 17:00) vetëm pamje)