04 Mars 2021

Ministri Hyseni ka udhëtuar për në Francë

Prishtinë, 28 maj - Ministri i Punëve të Jashtme të Kosovës, Skender Hyseni, ka udhëtuar sot drejt Francës, ku do të marrë pjesë në Konferencën ministrore të Organizatës Ndërkombëtare të Frankofonisë, e cila më 29-31 maj do të mbahet në qytetin e Nicës.

Pjesëmarrja e Ministrit Hyseni në këtë konferencë vjen pas ftesës që i është bërë atij nga Ministri i Jashtëm francez, Bernar Kushner, gjatë vizitës së Hysenit në Paris më 3 maj.

Në konferencën e Nicës, Ministri Hyseni pritet të takojë përfaqësues dhe homologë nga vende të ndryshme anëtare të organizatës ndërkombëtare të Frankofonisë, që nuk e kanë njohur ende Kosovën si shtet të pavarur dhe sovran.

Ministri Hyseni po ashtu do të takohet edhe me disa ministra nga vende anëtare të kësaj organizate që tashmë e kanë njohur Kosovën shtet të pavarur dhe sovran.

 

Kalendari

Ngjarjet e datës 4 Mars 2021

 - Guvernatori i BQK-së Femi Mehmeti takohet me përfaqësuesit e bankave. (Ndërtesa e BQK-së, ora 10:00 - mediat mund te marrin pamje)

- Oda e Mjekëve të Kosovës ndan mirënjohje për mjekët në pension dhe për institucionet shëndetësore që kanë kontribuar në luftën kundër Covid-19. (Amfiteatri i Telemjekësisë në QKUK, ora 10:00)

- Guvernatori i BQK-së Femi Mehmeti takohet me shoqatat e bizneseve. (Ndërtesa e BQK-së, ora 14:00 - mediat mund te marrin pamje)

- Dogana e Kosovës organizon konferencë për shtyp ku do të paraqiten rezultatet e doganës gjatë dy muajt e parë të vitit 2021 dhe luftimi i kontrabandës dhe informalitetit në muajt e fundit. (Drejtoria e doganës në lagjjen Emshir, ora 14:00)   

- Guvernatori i BQK-së Femi Mehmeti mban konferencë për media. (Ndërtesa e BQK-së, ora 15:00)