23 Shtator 2020

Miliband: Në Kosovë ka rënë shkalla e rrezikshmërisë

Londër, 5 mars - Vendimi i Gjykatës Ndërkombëtare të Drejtësisë do të konsolidojë faktet ekzistuese në rajon, vlerëson sekretari i Jashtëm britanik, David Miliband, në një intervistë ekskluzive për radion Deutsche Welle.


Vendimi i Gjykatës  Ndërkombëtare të Drejtësisë do të konsolidojë faktet ekzistuese në rajon, ka theksuar sekretari i Jashtëm britanik, David Miliband.

Në një intervistë për radion Deutsche Welle, Miliband thotë se dy vjet pas shpalljes së pavarësisë, Kosova ka zbritur në shkallën e rrezikut. “Kur është fjala për njohjen deri tani nga rreth 64-65 vende, mund të thuhet se ky është një zhvillim qendror”, deklaroi Miliband, duke shtuar se derisa një zhvillim i këtillë nuk është i shkëlqyeshëm, ai është zhvillim qendror.

Lidhur me qeverisjen dhe korrupsionin, sekretari i Jashtëm britanik thotë se në këtë drejtim mbeten për t’u trajtuar ende disa çështje kyçe. Sa i përket ekonomisë, Miliband thekson situatën globale ekonomike. “Viti 2008 ndoshta nuk ishte viti më i mirë për të shpallur pavarësinë, duke pasur parasysh ngjarjet në ekonominë globale”, thotë ai.

Mbi marrëdhëniet me Serbinë, Miliband thekson edhe rolin e qeverisë serbe. Ai thotë se qeveria e Tadiçit ka ecur në një rrugë mjaft të kujdesshme, gjë që është e mirëseardhur.

Miliband shpreh rëndësinë e zhvillimeve në Gjykatën Ndërkombëtare të Drejtësisë, që sipas tij do të jetë një moment kyç. “Mendimi ynë legal është absolutisht i qartë. Nuk ka arsye që njerëzit të presin vendimin. Është shumë me rëndësi se faktet, që ekzistojnë tani në Ballkanin Perëndimor do të konsolidohen pas vendimit të Gjykatës Ndërkombëtare të Drejtësisë”, thekson Miliband.

Sekretari i Jashtëm britanik thotë se Kosova është ulur në shkallën e matjes së rrezikut, kurse Bosnje-Hercegovina është ngritur. Miliband shton se në vitin 2008 ai dhe ish-ministri i Jashtëm çek paraqitën shqetësimet e veta lidhur me Bosnjën në një letër drejtuar ministrave të jashtëm të Bashkimit Evropian.

I pyetur lidhur me të ardhmen e Kosovës dhe Ballkanit, sekretari Jashtëm britanik, David Miliband thekson rëndësinë e Bashkimit Evropian për rajonin. “Nëse Bashkimi Evropian dëshiron të jetë efektiv, ai duhet të jetë në gjendje të kujdeset për fqinjët e vet. Bashkimi Evropian duhet të jetë. Nëse politika e jashtme evropiane do të jetë efektive, ajo duhet filluar me fqinjët e vet. Vizioni i të gjitha vendeve të Ballkanit Perëndimor për të hyrë në Bashkimin Evropian është vizion i drejtë, shumë i rëndësishëm dhe një ndër çështjet e rralla, që i bashkon shumicën e njerëzve në Ballkanin Perëndimor”, thotë Miliband.

Kalendari

Ngjarjet e datës 23 Shtator 2020

- Mbahet mbledhja e komisionit për Buxhet dhe Transfere në të cilën do të shqyrtohet raporti vjetor i punës të Fondit të Kursimeve Pensionale të Kosovës, pastaj i Autoritetit Kosovar Konkurrencës, i Komisionit Pavarur për Miniera dhe Minerale dhe raporti i shpenzimeve të Kuvendit. (Ndërtesa e Kuvendit, ora C203, 10:00)

- Java Evropiane e Sportit me konferencën “Forumi për Sportin” në të cilën do të merr pjesë  Ministrja e Kulturës, Rinisë dhe Sportit, Vlora Dumoshi. (Hotel Emerald, ora 10:00)

- Mbahet mbledhja e komisionit për Çështje të Sigurisë dhe Mbrojtjes në të cilën shqyrtohet projektligji për ndryshimin dhe plotësimin e Ligjit nr.04-L-089 për dominimin humanitar si dhe shpallet konkursi për përzgjedhjen e Komisionerit të Agjencisë për Informim dhe Privatësi. (Ndërtesa e Kuvendit, salla N303, ora 10:00)

-  Komisioni për të Drejtat e Njeriut, Barazi Gjinore, për Persona të Pagjetur dhe Peticione shyqrton drafti Projektligjin për mbrojtje nga dhuna në familje. (Ndërtesa e Kuvendit, salla N225, ora 10:00)

- Nëpërmjet video konferencës do të mbahet takimi i 185-të i Këshillit Prokurorial të Kosovës. (Pa praninë e mediave, ora 10:30)

-  Komisionit Hetimor Parlamentar në lidhje me menaxhimin e pandemisë së virusit "COVID-I9" nga ana e Qeverisë së Republikës së Kosovës degjon dëshminë e dëshmitarit Izet Sadiku, ish zëvendës ministër i shëndetësisë. (Ndërtesa e Kuvendit, salla N302, ora 11:00)  
 
- Instituti i Kosovës për Drejtësi me përkrahje të Departamentit të Shtetit Amerikan - Byrosë së Narkotikëve Ndërkombëtar dhe Çështjeve të Zbatimit të Ligjit dhe NED-it do të mbajë konferencë për media, në të cilën do të prezantoj raportin analitik si rezultat i monitorimit dhe hulumtimit sistematik të trajtimit të rasteve nga Prokuroria e Apelit e Republikës së Kosovës. (Hotel Sirius, ora 11:00)

- Kryetari i PDK-së dega në Prizren Shaqir Totaj, mban konferencën e radhës me gazetarë. (Zyret e degës në Prizren, ora 11:00)

- Ministrja e Kulturës, Rinisë dhe Sportit, Vlora Dumoshi do të merrë pjesë në Çertifikimi i të rinjve në fushën e ndërmarrësisë - OJQ Etri. (Pejë, ora 12:00)

- Organizata  “Replikë” organizon protestë me biçikleta si reagim ndaj institucioneve për mosreagim në mbrojtje të të drejtave të grave. (Protesta fillon nga sheshi “Zahir Pajaziti”, ora 12:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport diskuton lidhur me reformat në arsim në Komunë të Kamenicës me të ftuar Ramë Likaj, ministër i Ministrisë së Arsimit dhe Shkencës dhe  Qëndron Kastrati, kryetar i Komumës së Kamenicës. (Ndërtesa e Kuvendit, salla C225, ora 13:00)

- Partia Demokratike e Kosovës mban konferencë për media. (Selia e Partisë Demokratike të Kosovës, ora 13:00)

-  Komisionit Hetimor Parlamentar në lidhje me menaxhimin e pandemisë së virusit "COVID-I9" nga ana e Qeverisë së Republikës së Kosovës degjon dëshminë e dëshmitarit  Arben Vitia, ish ministër i shëndetësisë. (Ndërtesa e Kuvendit, salla N302, ora 14:00)

- Për nder të Javës Evropiane të Sportit, Federata e Hendbollit e Kosovës do të organizojë turnirit ‘Të gjithë së bashku’ me sportin e Hendbolit në të cilën do të marrin pjesë fëmijët me nevoja të veçanta dhe fëmijët tjerë. (Prizren, ora 13:00 - Istog, ora 15:00)

- Ministrja e Kulturës, Rinisë dhe Sportit, Vlora Dumoshi do të merrë pjesë në Çertifikimi i të rinjve në fushën e ndërmarrësisë - OJQ REA Prishtinë. (Gjakovë, ora 15:00)

- Ambasadori Thomas Szunyog do të marrë pjesë në mbylljen e Shkollës Verore të BE-së 2020. (aqja në Facebook @EuropeanUnionInKosovo, ora 16:15)

- Vazhdon java e dytë e ligjeratave publike në Festivalin e Arkitektures në Kosovë. (Ligjeratat transmetohen drejtperdrejt ne kanalin e facebook-ut "Kosovo Architecture Festival", ora 18:30)