13 Nëntor 2019

MD dhe UNDP nënshkruan marrëveshje bashkëpunimi

Prishtinë, 15 mars - Në marrëveshjen e nënshkruar sot në mes të ministres së drejtësisë, Nekibe Kelmendi dhe drejtorit të UNDP-së në Kosovë, Parviz Fartash, parashihet ndihmë në forcimin e sektorit të drejtësisë në këto fusha: organizimin e trajnimeve të kandidatëve për provimin e jurisprudencës dhe vlerësimin e nevojës për reformimin e provimit të jurisprudencës; mbështetje dhe financim të programit të praktikantëve në prokuroritë dhe gjykatat e Kosovës; organizimin e grupit punues për Ligjin mbi Detyrimet; organizimin e grupit punues për Ligjin mbi Ndihmën Juridike Falas dhe hartimin e Komentarit për Ligjin mbi Detyrimet.

Pas nënshkrimit të kësaj marrëveshje ministrja Kelmendi falënderoi drejtorin e UNDP-së për ndihmën që kjo organizatë ka dhënë nga vitit 1999.

“UNDP-ja prej kur është vendosur në Kosovë, ka ndihmuar në çdo pikëpamje sidomos në pikëpamje logjistike dhe profesionale. UNDP-ja e ka financuar edhe Doracakun për Provimin e Jurispodencës, si dhe vitin e kaluar ka financuar 100 praktikant, të cilët kanë bërë praktiken nëpër prokuroritë dhe gjykatat e Kosovës” tha ministrja Kelmendi.

Ndërsa, drejtori i UNDP-së, në Kosovë, Parviz Fartash tha: “ fusha e sundimit të ligjit dhe drejtësia janë fusha ku UNDP-ja dhe MD-ja bashkëpunojnë shumë afër. E dimë së prioritet i Kosovës është ndërtimi i kapaciteteve të drejtësisë, dhe për këtë jemi shumë të kënaqur që jemi pjesë e këtyre proceseve”. 

Kalendari

Ngjarjet e datës 13 nëntor 2019

- Save the Children në bashkëpunim me Minstrinë e Arsimit dhe Institutin Pedagogjik organizojnë konferencën ndërkombëtare ‘Fuqizimi i Kujdesit, Zhvillimit dhe Edukimit në Fëmijërinë e Hershme’ që ka për qëllim të ofrojë mundësi për hartuesit e politikave, ofruesit e shërbimeve, përfaqësuesit nga akademia dhe akterë të tjerë, për t’u informuar dhe ndarë praktikat më të mira mbi rëndësinë e investimeve në kujdesin dhe zhvillimin e fëmijërisë së hershme. (Hotel Sirius, ora 9:30)

- Instituti Demokratik i Kosovës organizon tryezën e diskutimit lidhur me dy projekte të mëdha të Ministrisë së Infrastrukturës siç janë, rehabilitimi i rrugës Prishtinë - Pejë dhe Prishtinë - Mitrovicë ku edhe do të bëhet edhe publikimi i hulumtimit mbi arsyet e vonesave në punime në këto dy rrugë, i titulluar “Rrugë pa fund”. (Hotel Sirius, ora 10:00)

- Organizata "Voice of Roma, Ashkali and Egyptians" VoRAE organizon Festivalin Multikulturorë i pari i këtij lloji në Kosovë. (Hotel Emerald, ora 10:00)

- Grupi për Studime Juridike dhe Politike organizon tryezën e diskutimit me temë “Roli i vendimeve të Gjykatës Supreme në luftën kundër krimit dhe korrupsionit: Një thirrje për disiplinim të gjyqtarëve që marrin vendime të kundërligjshme”. (Qendra e konferencave Orion, ora 10:30)

- Në kuadër të fushatës “Jo drogë tek të rinjtë”, Task Forca Anti Drogë tek të rinjtë dhe siguri në Shkolla do të organizoj pritje për student, ku do të shfaqin prezantimet me njohurit e tyre lidhur me narkotikët, si dhe do të bashkëbisedojnë me Shefin e Task Forcës Anti Drogë. (Ndërtesa e Qeverisë, salla P38, ora 11:00) 

- Drejtori i Drejtorisë së Shëndetësisë në Komunën e Prizrenti, Visar Shehu, do të mbajë konferencë për shtyp për ta njoftuar opinionin publik me më të rejat nga fusha e shëndetësisë. (Zyret e Shërbimit Urgjent, rruga Tirana në Prizren, ora 11:00)

- Ambasada e Francës në Kosovë mban konferencë për media në të cilën do të prezantojë edicionin e 19 - të Festivalit të Filmit Frankofon në Kosovë i cili organizohet në bashkëpunim me përfaqësitë diplomatike të Zvicrës, Belgjikës dhe Luksemburgut, Aleancën Franceze, Ministrinë e Punëve të Jashtme, si dhe Ministrinë e Kulturës, Rinisë dhe Sportit të Kosovës. (Salla e konferencave në Ministrinë e Punëve të Jashtme, ora 12:00)

- Teatri i Qytetit te Mitrovicës "Muharrem Qena" shfaq premierën teatrore “Kur treni vonohet”, me autor Osman Goranci dhe me regji të Artan Tmavës. (Qendra e Kulturës “Rexhep Mitrovica”, ora 19:00)