25 Shkurt 2020

Mbahet takimi i përbashkët ndërinstitucional te rajonit te Prizrenit

Prizren, 28 janar - Sot me ftese te drejtorit rajonal të policisë në Prizren Kolonel Faton Alija, është zhvilluar një takim i përbashkët ndërmjet institucioneve të sigurisë dhe komunave Prizren dhe Suharekë.

Takimi është mbajtur në ambientet e Drejtorisë Rajonale ne Prizren dhe temë kryesore ishte siguria dhe zhvillimet në lidhje me ngjarjet e fundit.

Për punën dhe aktivitetin e policisë kolonel Faton Alija i njoftoj të pranishmit duke theksuar se përkundër incidenteve të ndodhur situata e sigurisë është e qetë dhe stabile.

Nga të pranishmit në takim u theksuan se rastet e vrasjeve në javën e fundit janë incidente të izoluara dhe se tani me ato po merren organet e drejtësisë.

Gjithashtu për aspektin e sigurisë në Rajonin e Prizrenit një raporte të shkurtë e paraqiti Kryeprokurori Admir Shala i cili njoftoj se prokuroria e Shtetit është e përkushtuar të kryej dhe zbuloj të gjitha llojet e incidenteve dhe të marrë masat e nevojshme për ngritjen e aktakuzave për të gjithë ata persona që bien ndesh me ligjin.

Me theks të veçantë prokuroria themelore në Prizren është e përkushtuar të parandaloj rastet e korrupsionit si dhe fenomenin e fajdeve.

Po ashtu një raport mbi zhvillimet dhe punën e Gjykatës themelore në Prizren e paraqiti zv.Kryatri Artan Serjani, njëherë u zotua për bashkëpunim të ngushtë më te gjitha institucionet.

Pjesë e këtij takimi ishte Kryetari i Komunës së Prizrenit Prof.Dr Mytaher Haskuka, i cili falënderoj policinë për angazhimet profesionale si dhe informimin me kohë për të gjitha ngjarjet dhe i njëjti konfirmoj se shumë shpejt pritet të instalohen edhe kamerat e sigurisë në qytetin e Prizrenit si dhe do të shtojnë kapacitetet e parkingjeve në qytet.

Si pjesë e këtij takimi ishte edhe Kryetari i Komunës së Suharekës z.Bali Muharremi, i cili prezantoj kërkesat dhe ankesat e qytetarëve e sidomos rëndësi të veçante i kushtoj ruajtjes së ambientit si dhe dëmtimet e parqeve që kryhen nga qytetarë të pandërgjegjshme në atë zonë.

Palët ranë dakord që takime të tilla dhe me interes të qytetareve dhe institucioneve të mbahen më shpesh.

Kalendari

Ngjarjet e datës 25 shkurt 2020 - Konstituohet Komisioni për Mbikëqyrjen e Agjencisë së Kosovës për Inteligjencë. (Ndërtesa e Kuvendit, salla N 303, ora 10:00)

- Koalicioni i OJQ-ve për Mbrojtjen e Fëmijëve në Kosovë organizon konferencë të jashtëzakonshme për media për të shprehur shqetësimin lidhur me trajtimin e rasteve ku fëmijët janë viktima të formave të abuzimit dhe dhunës seksuale. (Ambientet e organizatës Forumi për Iniciativa Qytetare në lagjen Pejton, ora 10:00)

- Konstituohet Komisioni për Shëndetësi dhe Mirëqenie Sociale, Vendi: (Ndërtesa e Kuvendit, salla N302, ora 10:00)

- Demokracia Plus dhe Qendra për Avokim dhe Kulturë Demokratike në bashkëpunim me programin e USAID për Fuqizim të Sistemit të Drejtësisë organizojnë konferencën në cilën do të shpalosen rezultatet e Anketës me përdoruesit e shërbimeve të gjykatave. (Hotel Sirius, ora 10:00) 

- Konstituohet Komisioni për Buxhet dhe Transfere. (Ndërtesa e Kuvendit, salla C 203, ora 11:00)

- Konstituohet Komisioni për Punë të Jashtme dhe Diasporë. (Ndërtesa e Kuvendit, salla N 10, ora 11:00)

- Bibloteka Kombëtare e Kosovës dhe Shoqata e të Burgosurve Politik organizojnë hapjen e ekspozitës "Kujtesa e Kosovës, portrete të Adem Demaqit në pikturë dhe fotografi". (Bibloteka Kombëtare, ora 11:00)

- Konstituohet Komisioni për Arsim, Shkencë, Teknologji, Inovacion, KulturÑ‘, Rini dhe Sport. (Ndërtesa e Kuvendit, salla N 204, ora 11:00)

- ADMOVERE e mbështetur nga KFOS promovon raportin "Gjendja në Fakultetin e Gjeoshkencave të Universitetit të Mitrovicës". (Hapësirat e rektoratit të UMIB-it në Mitrovicë, ora 11:00)

- Komisioni për Ekonomi, Punësim, Tregti, Industri, Ndërmarrësi dhe Investime Strategjike mban diskutim lidhur me detyrat me prioritet dhe organizimin e punës së Komisionit. (Ndërtesa e Kuvendit, salla C 203, ora 12:00)

- Anibar Festivali Ndërkombetar i Animacionit organizon shfaqjen e filmave nga java e Kinematografisë afrikane. (Kinema Jusuf Gërvalla, 13:00)