24 Shkurt 2019

MAPL organizon Forumin Rajonal

Prishtinë, 14 nëntor - Ministria e Administrimit të Pushtetit Lokal (MAPL) në bashkëpunim me programin "Ndërtimi i Institucioneve Ndërkufitare Plus (CBIB +)",  i cili financohet nga Bashkimi Evropian (BE) dhe zbatohet nga një konsorcium i udhëhequr nga Deutsche Gesellschaft für Internationale Zusammenarbeit (GIZ) GmbH organizon sot Forumin Rajonal.

Forumi i cili është një diskutimi dy-ditor do të fokusohet mbi koordinimin dhe harmonizimin rajonal në kontekstin e para-aderimit, si dhe shkëmbimin dhe transferimin e praktikave të mira të vendeve nga Ballkani Perëndimor.

Në kontekstin e Ballkanit Perëndimor, qëllimi i këtij Forumi Rajonal është të krijojë dhe të shkëmbejë njohuritë ndërmjet aktorëve që kontribuojnë në përmirësimin e procedurave dhe mjeteve për të arritur një nivel të lartë te cilësisë në zbatimin e programeve te Bashkëpunimit Ndërkufitar, përhapjen e qasjeve të qeverisjes së mirë në përputhje me objektivin e Bashkëpunimit Territorial Evropian (ETJ) dhe përgatitjen e palëve të interesuara për Politikën e Kohezionit të BE-së.

Fokusi i diskutimeve edhe analizës do jetë  në menaxhimin dhe zbatimin e tetë programeve IPA BNK

Ministria e Administrimit të Pushtetit Lokal është në implementim e sipër të tri programeve të BNK-se;  Kosovë-Maqedoni; Mali i zi-Kosovë; Shqipëri- Kosovë në partneritet me ministritë relevante të shteteve partnere.

Kalendari

Ngjarjet e datës 24 shkurt 2019 - Mbahet kampionati ekipor në pingpong Liga e Parë e Meshkujve. (Pallati i Rinisë dhe Sporteve në Prishtinë, ora 10:00)

- Komuna e Deçanit në bashkëpunim më OVL të UÇK-së, organizojnë mbledhje komemorative, me rastin e ndarjes nga jeta të ish-luftëtarit Halim Tolaj. (Salla e Asamblesë Komunale në Deçan, ora 11:00)

- Lëvizja Vetëvendosje! mban konferencë për media për çështjen e Lumbardhit në të cilën flasin nënkryetarja Fatmire Kollçaku dhe anëtari i Kryesisë në Pejë Taulant Kelmendi. (Takimi me gazetarë bëhet tek hotel "Dukagjini", ora 12:00)

 - Mbahet ceremonia e varrimit të ish-luftëtarit Halim Tolaj. (Kompleksi i Varrezave të Dëshmorëve të Kombit në fshatin Prejlep, ora 13:00)