28 Shtator 2020

Mantika: Do t'i mbështesim në vazhdimësi insitucionet e Kosovës

Prishtinë, 2 shkurt - Ministri i Administrimit të Pushtetit Lokal, Sadri Ferati priti në takim me Zëvendësministrin e Punëve te Jashtme te Italisë, Alfredo Mantika dhe Michael Giffon ku  diskutua rreth progresit të zbatimit të procesit të decentralizmit në Kosovë. 

Qeveria italiane ka mirëpritur dhe vlerësuar lart pjesëmarrjen e qytetarëve të komunitete serb në zgjedhjet lokale, tha Zëvendësministri Punëve te Jashtme te Italisë, Alfredo Mantika, duke shtuar se është me rëndësi të veçante që këto zgjedhje për herë të parë janë organizuar nga institucionet e Kosovës.

Zëvendësministri Alfredo Mantika tha se shtetit Italisë që të bashkëpunojnë ngushtë me Kosovën në fushën e kulturës dhe investimeve. 

“Do t'i mbështesim në vazhdimësi insitucionet e Kosovës drejt ndërtimit të shtetit dhe do të punojmë gjithë bashkërisht për pavarësinë e Kosovës” tha Zëvendësministri i Punëve të Jashtme të Italisë, Alfredo Mantika . 

Duke i falënderuar për mbështetjen që i ka dhëna shteti italian Kosovës, Ministri Sadri Ferati tha se gjithë progresi i arritur në Kosovë është rezultat i përpjekjeve të përbashkëta insitucioneve të Kosovës bashkë me faktorin ndërkombëtar.

Ndërsa, për zhvillimet rreth procesit të Decentralizimit, Ministri Ferati tha se përveç themelimit të tri komunave të reja Kllokot, Garacanic dhe Ranillug, MAPL-ja tani është në fazën e përkrahjes së këtyre komunave në instalimin e një qeverisje lokale dhe efikase.

Po  ashtu Ministri Ferati theksoi se prioritet i MAPL vazhdon të jetë  fuqizimi i komunave drejt një qeverisje efektive për të krijuar shërbime sa më të mira për qytetarët

Ndër pikat sfiduese me të cilat po përballet procesi i decentralizmit, Ministri Ferati theksi gjendjen momentale në Veri të Mitrovicës, ndërsa theksoi se gjendja jo stabile atje nuk është pasojë e mungesës dhe vullnetit të institucioneve të vendit për të ofruar mundësi të barabarta për çdo qytetarë, por është ndikim i drejtpërdrejt tek qytetarët e komunitetit serb që vije nga Beogradi zyrtar.

“ Jemi të vetëdijshëm për sfidat dhe situatën e rënd atje, megjithatë dëshiroj të ju siguroj se do të angazhohemi gjithmonë në interes përmirësimit të jetës për të gjithë qytetarët pa dallime” tha Ministri Ferati. 

Pas takimit, Ministri Ferati bashkë me Ambasadorin Giffon dhe Zëvendësministrin Mantika vizatuan komunën e Gracanicës me ç’rast u pritën nga Kryetari i Komunës z. Bojan Stojanovic. Gjatë takimit me Kryetarin  Stojanovic u theksua rëndësia e zhvillimit të komunës me mundësitë për integrim dhe perspektivë të përbashkët që do të jetë një shembull për të gjithë qytetarët, përfshirë edhe veriun e Kosovës.

Në kuadër të planit të veprimit për decentralizmin dhe krijimin e komunave të reja, Komuna e Graçanicës u krijua nga zgjedhjet e fundit lokale të mbajtura më 15 të vitit të 2009, ku morën pjesë në votime 23% të qytetarëve të kësaj komune.

Konstituimi i Asamblesë Komunale të komunës së Graçanicës është bërë më 29 dhjetor të vitit të kaluar. 

Në vazhdimësi të përkrahjes së komunave, Ministria Administrimit të Pushtetit Lokal ka realizuar projektin e parë për Asfaltimi i rrugës Graçaniçë – Llapllasellë dhe gjithashtu janë planifikuar investime të tjera pasi komuna ti identifikoj nevojat për mbështetje dhe zhvillim.

Në  realizimin e procesit të Decentralizmit dhe Reformimit  të  Pushtetit Lokal Synimi strategjik i Qeverisë  së Kosovës është  krijimi i një sistemi të  qëndrueshëm dhe efektiv të  vetëqeverisjes lokale në të  gjithë territorin e Kosovës që do të sigurojë kushte të mira jetesa për të gjithë qytetarët e saj duke i kushtuar kujdes përkatës nevojave të posaçme dhe brengave të komuniteteve jo-shumicë në Kosovë.  

Objektivi Strategjik i Qeverisë është  krijimi i kushteve praktike për ushtrimin e kompetencave të decentralizuara me ligj që komunat nuk i kanë pasur më pare nëpërmjet bartjes së vazhdueshme të kompetencave si dhe resurseve të nevojshme. Gjatë bartjes së përgjegjësive në Komuna, prioritet mbetet ngritja dhe zhvillimi i vazhdueshëm i kapacitete njerëzore dhe administrative për të ushtruar përgjegjësitë dhe ofrimin e shërbimeve cilësore ndaj qytetarëve. 

Kalendari

Ngjarjet e datës 28 Shtator 2020 - Mbahet mbledhja e Qeverisë së Kosovës ku me pas do të ketë edhe konferencë për media. (Ndërtesa e Qeverisë, ora 8:30)

- Mbahet mbledhja e Komisionit për Mbikëqyrjen e Agjencisë së Kosovës për Inteligjencë në të cilën do të bëhët shqyrtimi dhe plotësimi i Planit të Punës së Komisionit për sesionin vjeshtor. (Ndërtesa e Kuvendit, ora N10, ora 9:30)

- Valbon Krasniqi, ud. drejtor i përgjithshëm i ShSKUK-së dhe Ministri i Shëndetësisë, Armend Zemaj mbajnë konferencë për medie, në lidhje me rikthimin e shërbimeve shëndetësore, përfshirë punën e ambulancave specialistike, operacioneve jo emergjente dhe shërbimeve tjera elektive. (Para objektit të  administratës së ShSKUK-së ora 10:00)

- Organizata për Rritjen e Cilësisë në Arsim organizon aksionin protestues "Kundër plagjiaturës të përbashkuar", për denoncimin e plagjiaturave të udhëheqësve të ministrive të Arsimit në Kosovë dhe në Shqipëri, ministrit Ramë Likaj dhe ministres Evis Kushi. (Rruga Radovan Zogoviq në lagjen Pejton, para Ambasadës së Shqipërisë në Kosovë, ora 10:00)

-  Mbahet mbledhja e Komisionit për Punë të Jashtme dhe Diasporë në të cilën do të bëhët shqyrtimi i Përfundimit të Kryesisë së Kuvendit dhe shqyrtimi i draft - Planit të Punës së Komisionit. (Ndërtesa e Kuvendit, salla N303, ora 10:00)

- Zëvëndësministri i Drejtësisë, njëherit Koordinatori Nacional për Mbrojtje nga Dhuna në Familje, Florian Dushi, ​mbnjë një takim koordinues në të cilën temë diskutimi do të jetë: "Trajtimi i rasteve të dhunës në familje në kohën e pandemisë". (ish-objekti i Rilindjes, kati IX, salla 914, ora 11:00)

- Komisioni Hetimor Parlamentar lidhur me procesin e privatizimit në Kosovë bën përzgjedhjen e ekspertëve të jashtëm si dhe cakton intervistat për dëshmitar. (Ndërtesa e Kuvendit, salla N302, ora 11:00)

- Vazhdimi i seancës plenare të Kuvendit në të cilën do të bëhet zgjedhja e Avokatit të Popullit. (Salla e Kuvendit, ora 12:00)

- Komisioni Parlamentar në lidhje me menaxhimin e pandemisë së virusit COVID-I9 nga ana e Qeverisë së Republikës së Kosovës dëgjon dëshmin e dëshmitarit Beqë Cufaj  – Ambasador i Republikës së Kosovës në Gjermani. (Ndërtesa e Kuvendit, salla N204, ora 14:00)

- Mbahet paraqitja e parë e Salih Mustafës. (Salla e  gjyqit të Dhomave  të  Specializuara të Kosovës  (DHSK) në Hagë ora 15:00 - mund  të  përcillet edhe përmes transmetimit në Internet, me një vonesë të shkurtër në https://www.scp-ks.org/sq/transmetim)

- Ministri i Punëve të Brendshme, Agim Veliu, ministri i Shëndetësisë, Armend Zemaj dhe drejtori EMCDDA do të nënshkruajnë marrëveshje pune. (Objekti i Ministrisë së Punëve të Brendshme, salla P-01, ora 16:00)

- Fillon java e tretë e programit publik në Festivalin e Arkitekturës në Kosovë. (Drejtperdrejt në faqen facebook-ut të Festivalin e Arkitektures, ora 18:30)