28 Mars 2024

LDK nuk e mbështet Presidentin që të zhvillojë dialogun me Serbinë

Prishtinë, 25 qershor - Lidhja e Demokratike e Kosovës ka deklaruar se si parti beson se dialogu është e vetmja rrugë për të zgjidhur çështjet me fqinjit tonë verior, Serbinë.

Nënkryetari i LDK-së Avdullah Hoti ka thënë së përshëndesin angazhimin e miqve tanë ndërkombëtar në këtë proces, BE-së dhe SHBA-së. 

Hoti ka thënë se sipas Kushtetutës, Kuvendi i Kosovës është organi i vetëm që vendos se kush e përfaqëson Kosovën në dialog me Serbinë. 

"Kuvendi i Kosovës nuk ka vendosur ende për këtë çështje, pasi platforma për dialog me Serbinë, që ishte në rend ditë në Kuvend, u tërhoq nga Qeveria, ndërkaq, platforma e vitit 2011 e autorizon Qeverinë të dialogojë me Serbinë", theksoi Hoti. 

Rrjedhimisht, Presidenti Thaçi sipas LDK-së nuk ka asnjë autorizim për të negociuar në emër të qytetarëve të Kosovës. 

Kështu që sipas Hotit çdo marrëveshje që arrihet në Bruksel mund të jetë vetëm marrëveshje e tij private, por jo në emër të Kosovës. 

LDK-ja nuk e mbështet Presidentin që të zhvillojë dialogun me Serbinë. Ai  sipas Hotit nuk e përfaqëson vullnetin politik të Kosovës. 

LDK-ja, si partia kryesore në vend, është e gatshme të marrë përsipër këtë proces të rëndësishëm për të ardhmen e vendit.

"Këtë përgjegjësi ne do ta marrim përmes votës së qytetarëve, në zgjedhje të lira", ka pohuar në fund Hoti.

 

Kalendari

Ngjarjet e datës 8 gusht 2023

 - Partia Demokratike e Kosovës, mban konferencë për media. (Selia Qendrore e PDK-së, ora 11:00)

 

 - Ministria e Kulturës, Rinisë dhe Sportit, organizon shfaqjen e filmave “I Pabesi” dhe “Heshtja Vret”. (Kino “Armata”, ora 20:00)