28 Janar 2020

Lansohet punimi për të ardhmen e raporteve BE - Kosovë

Prishtinë, 11 dhjetor - Dështimi i hapjes së negociatave për anëtarësim me Maqedoninë e Veriut dhe Shqipërinë në tetor të këtij viti shënoi një kthesë për perspektivën evropiane të Ballkanit Perëndimor.

Më pak se një muaj më vonë, Parisi ndau me vendet antarë të BE-së një nonpaper jo-zyrtar përmes të cilit propozon një reformim “të thellë” të procesit të zgjërimit të BE-së.

Ky dokument i shkurtër propozon që procesi aktual i integrimit në BE i cili deri më tash ka qenë i ndarë në 35 kapituj të ndërlidhur me acquis, të transformohet në një proces shtatë fazor nëpër të cilat shtetet kandidate për anëtarësim duhet të kalojnë një pas një.
 
Përderisa shtyerja e hapjes së negociatave me dy vendet e Ballkanit Perëndimor që kishin kaluar nëpër reforma të mëdha (në Maqedoni, ndryshimin e emrit, në Shqipëri vetingun e gjyqësorit), u kritikua edhe nga Parlamenti edhe nga Komisioni i kaluar Evropian (i cili ishte ende në fuqi në atë kohë), propozimi francez së paku mund të shihet si një hap për nxitjen e debatit për procesin e zgjërimit dhe nevojës për të reformuar atë.
 
Për të diskutuar këto zhvillime, në kuadër të ciklit “Biseda të Hapura”, Fondacioni organizon bisedën e titulluar “Metodologjia e re per zgjërim: pengesë apo inspirim”
 
Gjatë këtij diskutimi  znj. Gjeraqina Tuhina dhe Augustin Palokaj do të prezantojnë analizën e tyre mbi propozimin për ndryshimin e metodologjisë, të titulluar “Metodologjia e re në zgjerim: pengesë apo inspirim?”
 
Për të biseduar në këtë temë Fondacioni ka ftuar edhe Shkëlqesinë e Saj Ambasadoren Marie-Christine Butel, ambasadore e Francës në Kosovë, e cila do t’i bashkëngjitet dy autorëve në panelin e moderuar nga znj. Lura Limani.
 
Me këtë rast Fondacioni do të lancojë edhe punimin tjetër “E ardhmja e raporteve BE-Kosovë pas zgjedhjeve evropiane 2019”.
 

Kalendari

Ngjarjet e datës 27 janar 2020  - Oda Ekonomike e Kosovës dhe Shoqata e Zejtarëve dhe Afaristëve ESNAF nga Prizreni organizojn takim për mundësitë e bashkëpunimit në përkrahje të sektorit privat. (Objekti i Odës Ekonomike të Kosovës, ora 10:00)

- Këshilli Gjyqësor i Kosovës mban mbledhjen e 229-të. (Ndërtesa e KGJK-së, salla e takimeve, rruga “Luan Haradinaj”, ora 10.00)

- Kryeshefi I Telekomit të Kosovës, Bedri Istrefi pret në takim ministrtin e Inovacionit, Muszafer Shala, ku pas takimit do të ketë konferencë për media. (Ndërtesa kryesore të Telekomit të Kosovës, në katin e pestë, ora 10:00)

- Kuvendi Komunal i Prizrenit do të mbajë mbledhjen e jashtëzakonshme të thirrur nga kryetari i Komunës së Prizrenit, Mytaher Haskuka. (Salla e Kuvendit në Shtëpinë e Bardhë, ora 10:00)

- Kryeministri në detyrë, Ramush Haradinaj bashkë me kabinetin qeveritar, bëjnë homazhe te obelisku i Hebrenjve, në shënimin e Ditës Ndërkombëtare të Përkujtimit të Holokaustit. (Oborri i Qeverisë së Kosovës, ora 11:00)

- Plaformë e Grupit për Studime Juridike dhe Politike organizon konferencën për media me temë “Sfidat në sundimin e ligjit në Kosovë: Performanca e sistemit gjyqësor dhe prokurorial dhe vlerësimi qytetarë ndaj këtyre institucioneve”. (Qendra e Konferencave Orion, ora 11:00)

-  Universiteti i Gjakovës "Fehmi Agani" organizon manifestimin e kushtuar Ditës Ndërkombëtare të Përkujtimit të Holokaustit. (Hapësirat e Fakultetit të Edukimit -Filologjisë, Gjakovë, ora 11:00)

-  Misioni i OSBE-së dhe Bashkësia Hebraike e Kosovës do të shënojnë Ditën Ndërkombëtare të Kujtimit të Holokaustit. (Dokukino në Kompleksin Europa në Prizren, ora 12:30)

- Presidenti i Republikës së Kosovës, Hashim Thaçi, merr pjesë në shënimin e Ditës Përkujtimore të Holokaustit. (DokuKino, Kompleksi Europa në Prizren, ora 12:30)

- Rinia Demokratike e Kosovës shënon 20 vjetorin e themelimit. (Menza "Ramiz Sadiku", Prishtinë, ora 18:30)

- Ministria e Kulturës, Rinisë dhe Sportit, në bashkëpunim me Qendrën Kinematografike të Kosovës dhe AS Film, për nder të Ditës Përkujtimore të Holokaustit, do të organizojnë shfaqjen e filmit dokumentar “Përqafimi i fatit”, me regji të Jakov Sedlar. (Teatri Kombëtar i Kosovës, ora 19:00)