06 Shkurt 2023

Lansohet indeksi i parë i cenueshmërisë në Kosovë ndaj dezinformimit

Prishtinë, 29 nëntror - Instituti Kombëtar Demokratik (NDI) në Kosovë mban konferencën për Integritetin e Informacionit, DISICON.

Konferenca organizohet nën temën e përgjithshme “Cenueshmëritë e qytetarëve ndaj dezinformimit: Si navigojnë demokracitë në hapësirën informuese në internet?”.

Edicioni i katërt i DISICON do të fokusohet në lansimin e Indeksit të parë të Cenueshmërisë së Kosovës ndaj Dezinformimit të realizuar nga Demokraci Plus, rëndësinë e përdorimit të mjeteve të mediave sociale për monitorimin dhe luftimin e dezinformimit dhe keqinformimit në hapësirat online,  ndikimin e  gjeneratave të reja të teknologjisë në transformimin e komunikimit, si dhe nevojën për qasje gjithpërfshirëse në luftimin e ndikimeve dixhitale antidemokratike që vijnë nga jashtë në Ballkanin Perëndimor.

Kjo konferencë do t’i bëjë bashkë pjesëmarrësit e Forumit Rajonal për Integritetin e Informacionit që vijnë nga Kosova, Shqipëria, Serbia, Maqedonia e Veriut, Mali i Zi, Bosnja dhe Hercegovina, si dhe folës nga Tajvani, BE-ja dhe SHBA-të për të diskutuar për sfidat në hapësirën e informacionit dhe praktikat më të mira për adresimin e tyre.

 

Kalendari

Ngjarjet e datës 6 shkurt 2023

- Forumi Rinor i Lidhjes Demokratike të Kosovës do të organizoj një aksion si reagim ndaj skandalit të fundit me vende të punës në Arsim dhe akuzave publike për shitjen e vendeve të punës. (Para Komunës së Prizrenit, ora 9:30)
    
- Ministria e Financave, Punëve dhe Transfereve lanson Platformën për Punësim të të rinjve ku pjesëmarrës do të jenë Kryeministri, Albin Kurti, Ambasadori i Zvicrës, Thomas Kolly dhe Ministri, Hekuran Murati. (Hotel Sirius, ora 10:00)
    
- Mbahet mbledhja e Kryesisë së Kuvendit ku në rend dite është Interpelanca e Kryeministrit të Republikës së Kosovës, Albin Kurti. (Kuvendi i Kosovës, salla C301, ora 11:00)

- Kryesia e Parlamentit Studentor mban konferencë për media lidhur me organizimin e marshit kundër asociacionit. (Para Bibliotekës Kombëtare në Prishtinë, ora 11:00)

    Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione, takohet me përfaqësues të Komisionit Qeveritar për Persona të Zhdukur dhe Këshillit Koordinues të Familjarëve të Personave të  Zhdukur gjatë luftës në Kosovë. (Kuvendi i Kosovës, salla N302, ora 12:00)

 

- Kryeministri i Republikës së Kosovës, Albin Kurti dhe ministri i Financave, Punës dhe Transfereve, Hekuran Murati vizitojnë ndërmarrjen “Liri”, në Prizren. (Ndërmarrja "Liri", Prizren, ora 16:00)

 

- Kryetari i Kryeqytetit Përparim Rama së bashku me përfaqësuesit e grupeve të qytetarëve organizojnë ceremoninë e nënshkrimit të Agjendës për Kontratën Sociale për Kryeqytetin që është zotim i përbashkët ndërmjet zyrtarëve të komunës dhe qytetarëve për të përmirësuar komunikimin, bashkëpunimin dhe veprimet kolektive. (SHFMU “Ismail Qemajli”, Bregu i Diellit, ora 19:00)