13 Nëntor 2018

Kuvendi miraton Projektligjin për Dhomën e Posaçme të Supremes

Prishtinë, 12 korrik - Kuvendi i Republikës së Kosovës në seancën e sotme me 46 vota për, dhe 16 kundër ka arritur ta miratojë Projektligjin për Dhomën e Posaçme të Supremes.

Ky projektligj ishte hedhur në votim edhe ditën e hënë por  aty nuk kishte marrë votat e mjaftueshme.

Në seancat e kaluara partitë opozitare e kishin kritikuar këtë Projektligj.

Kurse kryeministri Haradinaj më parë kishte vlerësuar se miratimi i Ligjit për DHomën e Posaçme është tejet i rëndësishëm.

Në këtë seancë u miratua edhe Ligji pëe aktet juridike dhe ai për automjete.

Shqyrtimi i dytë i Projektligjit për miniera dhe minerale, i paraparë të votohet sot në Kuvendin e Kosovës është hequr nga rendi i ditës.

Kjo është bërë siç ka thënë kryetari i Kuvendit, Kadri Veseli, cili ka thënë se duhet të zgjidhen edhe disa paqartësi.

Ai nuk ka dhënë ndonjë afat se kur ky projektligj do të jetë përsëri në Kuvend.
 

Kalendari

Ngjarjet e datës 13 nëntor 2018 - Mbahet seanca e jashtëzakonshme e Kuvendit të Republikës së Kosovës në të cilën do të behët shqyrtimi dhe miratimi i pakës së ligjeve për sundim të ligjit dhe agjendën integruese evropiane. (Kuvendi i Kosovës, ora 10:00)

- Ministri i Mjedisit dhe Planifikimit Hapësinor, raporton para Komisionit për Bujqësi, Pylltari, Zhvillim Rural, Mjedis e Planifikim Hapësinor lidhur me gjendjen e mjedisit në Kosovë. (Ndërtesa e Kuvendit, salla N 302, ora 10:00)

- Ta Pastrojmë Kosovën do të organizoj aksion pastrimi në Mitrovicë, në lagjen rome, afër stadiumit “Riza Lushta”, përkatësisht  te rruga “Adem Voca”. (Mitrovicë, ora 10:00)

- Misioni i OSBE-së në Kosovë, komuna e Obiliqit përurojnë mekanizmin koordinues kundër dhunës në familje. (Restorant Amazona, ora 10:00)

- Mbahet debati publik me temën “Narkomania dhe alkoholizmi në Kosovë - si të luftohet kundër veseve që po i shkatërrojnë të rinjtë?". (Qendra Mediale në Çagllavicë, ora 11:00)

- Këshilli për Mbrojtjen e Konsumatorit mban konferencë për media më temë "Të gjithë bashkë kundër dëmeve që vijnë nga Serbia". (Holli i Ministrisë së Tregtisë dhe Industrisë, ora 11:00)

- Komuna e Gjilanit bëb prezantimin e projektit “Të rinjtë në Agrobiznes - Regjioni Ekonomik Lindor”. (Shtëpia e Rinisë, ora 11:00)

- Mbahet mbledhja e Komisionit për Integrime Evropiane në të cilën do të behët shqyrtimi Projekt-kodit Penal nga aspekti i përputhshmërisë me legjislacionin e BE-së, shqyrtimi i Projektligjit për përgjegjësinë disiplinore të gjyqtarëve dhe prokurorëve nga aspekti i përputhshmërisë me legjislacionin e BE-së dhe shqyrtimi i Projektligjit për dhënien në shfrytëzim dhe këmbim të pronës së paluajtshme të komunës, nga aspekti i përputhshmërisë me legjislacionin e BE-së. (Ndërtesa e Kuvendit, salla N204, ora 11:00)

- Lëvizja Vetëvendosje mban konferencë për media. (Oborri i Postës dhe Telekomit të Kosovës, ora 12:00)

- Mbahet mbledhja e rregullt e Qeverisë së Republikës së Kosovës. (Ndërtesa e Qeverisë, ora 14:00)