15 Prill 2021

Kuvendi do të mblidhet në seanca plenare më 1 dhe 8 korrik

Prishtinë, 29 qershor - Kryesia e  Kuvendit të Republikës së Kosovës në mbledhjen e sotme të drejtuar nga dr. Jakup Krasniqi, kryetar i Kuvendit, në të cilën merrnin  pjesë edhe shefat e grupeve parlamentare, ka  përcaktuar rendin e ditës së seancës së radhës të Kuvendit të Kosovës.

Para kësaj seance, Kuvendi do të mblidhet në seanca plenare më 1 dhe 8 korrik. Kryesia vendosi që në rendin e ditës së seancës së 1 korrikut të radhiten për shqyrtim të dytë edhe dy projektligje: Projektligji për mbrojtjen nga dhuna në familje dhe ai për Klasifikimin e informatave dhe verifikimin e sigurisë. Ndërkaq, nga rendi i ditës së kësaj seance u hoq Projektligji për ndryshimin dhe plotësimin e Buxhetit për vitin 2010, i cili u bart në rëndin e ditës së seancës së 8 korrikut.

Pjesa e parë e seancës së radhës si rëndom është  e rezervuar për pikat e zakonshme të rendit të ditës së seancave të rregullta parlamentare: deklarime jashtë rendit të ditës dhe pyetje parlamentare për punën e Qeverisë së Kosovës.

Në vijim të seancës do të vazhdojë shqyrtimi i Raportit vjetor  të Avokatit të Popullit për vitin 2009, Raportit vjetor të Institutit Gjyqësorë të Kosovës për vitin 2009, Rekomandimit të Komisionit për Mbikëqyrje Financiare lidhur me pasqyrat e audituara të Trustit të Kursimeve  Pensionale për vitin 2009, Raportit vjetor të Autoritetit Rregullativ të Telekomunikacionit për vitin 2009, si dhe Rekomandimit të Komisionit për Programin Kombëtar të Shkencës.

Në kuadër të shqyrtimit të mocioneve, rekomandimeve dhe kërkesave u tha se në Kuvendin e Kosovës është parashtruar nga ana e Qeverisë së Kosovës Strategjia e  Sigurisë së Republikës së Kosovës, si dhe Strategjia e Privatizimit të Postës dhe Telekomunikacionit të Republikës së Kosovës.

Lidhur me  këtë Kryesia vendosi që të dy strategjitë të shqyrtohen nga ana e komisioneve përkatëse për t’ u proceduar pastaj për shqyrtim të mëtejmë në Kuvend. Po kështu do të veprohet edhe me Raportin vjetor të Bankës Qendrore të Republikës së Kosovës për vitin 2009. Në rendin e ditës së seancës do të radhitet edhe mocioni i Grupit Parlamentar të LDD-së, për debat parlamentar lidhur me privatizimin e Post-Telekomit të Kosovës, pasi ai të shqyrtohet në komisionin përkatës të Kuvendit.

Përkitazi me kërkesën e deputetit Emrush Xhemajli, mbështetur edhe nga disa deputetë të tjerë, për ndryshimin dhe plotësimin e Ligjit  nr. 02/L-2 për statusin e familjarëve të dëshmorëve, invalidëve, veteranëve,  pjesëtarëve të UÇK-së si dhe familjeve të viktimave civile të luftës, u tha se Qeveria e Kosovës e  ka në strategjinë e vet legjislative edhe këtë Ligj, ndaj kërkohet nga Qeveria të përshpejtojë punën në amendamentimin e këtij Ligji , në mënyrë që ai të procedohet për shqyrtim në Kuvend.

Kryesisë i kishte arritur edhe një njoftim i Komisionit për Arsim, Shkencë, Teknologji, Kulturë, Rini e Sport lidhur me vizitën që ka realizuar një delegacion i këtij komisioni  në Republikën e Turqisë.

 

Kalendari

Ngjarjet e datës 15 Prill 2021 - Handikos dhe The Balkan Forum tashmë kanë nisur kampanjën ‘Thuaj Jo Qeseve të Plastikës’  përmes një aktiviteti simbolik zyrtarisht do të prezantojmë strajcat e ri-përdorshme të punuara tash e disa muaj nga personat me aftësi të kufizuara. (Sheshi ‘Skënderbeu’ dhe ‘Nënë Tereza’, ora 10:00)

- Këshilli Gjyqësor i Kosovës mban mbledhjen e radhes. (Platforma Zoom, ora 10:00)

- Mbahet seanca gjyqësore kundër të pandehurit Agim Hamdija për vepren penale 'Organizimi i skemave piramidale'. (Gjykata Themelore në Ferizaj, ora 10:00)

- Agjencia Turke për Bashkëpunim dhe Koordinim nis shpërndarjen e pakove ushqimore dhe higjienike për familjet në nevojë, me rastin e muajit të Ramazanit. (Qendra për Promovimin e Drejtave të Grave në Drenas, ora 10:30)

- Zëvendësministri i Mjedisit, Planifikimit Hapsinor dhe Infrastrukturës  Hysen Durmishi do të mbajë konferencë per media. (Objekti i MMPHI-së, salla B201, oa ora 10:30,

- Kryeministri Albin Kurti dhe ministrja e Ekonomisë dhe Ambientit, Artane Rizvanolli, vizitojnë ekipin e kampanjës 'Thuaj jo Qeseve të Plastikës'. (sheshi ‘Skënderbeu’ , ora 12:00)

- Pronarët e sallave të dasmave mbajnë takim lidhur me masat anti-Covid. (Golden Imperial në Veternik, ora 14:00)

- Agjencia Turke për Bashkëpunim dhe Koordinim nis shpërndarjen e pakove ushqimore dhe higjienike për familjet në nevojë, me rastin e muajit të Ramazanit. (Palestra Sportive “Tota” në Vushtrri, ora 14:30)