01 Qershor 2020

Kuçi kemi nevojë për të pasur një udhëzues të qartë nga BE

Prishtinë, 9 shkurt - Në takim, zëvendëskryeministri Hajredin Kuçi dhe Lawrence Meredith kanë biseduar për bashkëpunimin e Qeverisë së Kosovës dhe Komisionit Evropian si dhe për proceset zhvillimore në Kosovë.

Zëvendëskryeministri Kuçi ka falënderuar për mbështetjen që Komisioni Evropian po i jep Kosovës dhe ka falënderuar për angazhimin që ka Zyra Ndërlidhëse e Komisionit Evropian në bashkëpunim me institucionet e Kosovës.

“Qeveria e Republikës së Kosovës ka caktuar sundimin e ligjit, zhvillimin ekonomik si dhe perspektiven Evropiane si prioritete kryesore për ketë viti, mirëpo, kemi nevojë për të pasur një udhëzues të qartë dhe konkret nga BE-ja në mënyrë që ti përmbushim obligimet tona me afate kohore të caktuara”, ka thënë zëvendëskryeministri Hajredin Kuçi.

Ndihmësi i drejtorit gjeneral në Drejtorinë për Zgjerim të Komisionit Evropian, Lawrence Meredith ka njohur zëvendëskryeministrin Hajredin Kuçi  se brenda disa javësh, z. Catherine Ashton, Përfaqësuesi i Lartë i Politikës së Përbashkët të Jashtme dhe të Sigurisë dhe nënpresident i Komisionit Evropian do të vizitojë Kosovën për të shprehur gatishmërinë e Bashkimit Evropianë për bashkëpunim.

Zoti Meredith po qëndron në Kosovë, me qëllim të informimit për aktivitetet në procesin e liberalizimit të vizave, tregtisë së lirë, marrëveshjeve të ri-athtësimit dhe në përgjithësi për procesin e dialogut të SAP-it.

Në takim është biseduar edhe për zgjedhjet e kaluara në Kosovë, të cilat z.Meredith i ka vlerësuar si të suksesshme për imazhin e Kosovës, ndërsa zëvendëskryeministri ka shprehur qëndrimin se Qeveria e Kosovës është e gatshme të udhëheqë procesin e reformës së sistemit zgjedhor në Kosovë dhe për këtë do të ketë nevojë edhe për mbështetjen e ekspertëve të BE-së

Kalendari

Ngjarjet e datës 1 Qershor 2020

- Për nder të Ditës Ndërkombëtare të Fëmijëve 1 qershorit, kompania ndërtimore “Qami Construction” do të dhurojë gjak në Qendrën e Transfuzionit të gjakut dhe bën shpërndarjen e dhuratave për fëmijët të cilat janë të shtrirë në Klinikën e Pediatrisë. (Qendra e Transfuzionit të gjakut në QKUK, ora 9:00)

- Në Ditën Ndërkombëtare të Fëmijëve, KOMF organizon konferencën për media për publikimin e Raportit të Monitorimit “Komuna Ime, e Drejta Ime Sociale”. (Hotel Sirius, ora 10:00)

- Në kuadër të Javës së Gjelbër, Komuna e Prishtinës do të organizojë mbjelljen e drunjëve. (Kampusi Universitar të Universitetit të Prishitnë, ora 11:00)

- Komisioni për Ekonomi, Punësim, Tregti, Industri, Ndërmarrësi dhe Investime Strategjike, shqyrton Raportin vjetor të Agjencisë Kosovare të Privatizimit – AKP për vitin 2019. (Ndërtesa e Kuvendit, salla N10, ora 11:00)
 
- Instituti për Zhvillimin e Politikave Sociale (IZHPS), me financimin nga FES, publikon hulumtimin “Qasja në mësimin online dhe kushtet e jetesës për familjet përfituese të Skemës së Asstencës Sociale gjatë Covid-19. (Hotel Sirius, ora 11:45)

- Qendra për Këshillim, Shërbime Sociale dhe Hulumtime prezanton hulumtimit “A po ndryshon koncepti i atësisë në Kosovë?”. (https://docs.google.com/forms/d/e/1FAIpQLSdlUfSJPvTqynWzbxg2lXiq2Csq7vFeKnBg_kVgfvyHCkfpkQ/viewform,  ora  16:00)