04 Mars 2021

Kryeparlamentari Krasniqi kthehet sot nga Kuvajti

Prishtinë, 28 maj - Kryetari i kuvendit të Republikës së Kosovës, Jakup Krasniqi ka përfunduar vizitën zyrtare në shtetin e Kuvajtit dhe gjate dites se sotme kthehet ne Kosovë.

Gjatë kësaj vizite, Krasniqi ka realizuar takime të rëndësishme me kryetarin e Asamblesë Nacionale të Kuvajtit, Jassim Mohammad Al-Kharafi, me kryeministrin e Kuvajtit, Sheik Naser Al Mohammad-Al-Ahmad Al-Sabah, si dhe me zyrtarë të tjerë të lartë të shtetit të Kuvajtit.

Kryetari i parlamentit, Krasniqi, është shoqëruar nga anëtarët e Kryesisë së Kuvendit: Xhavit Haliti, Ibrahim Gashi dhe Naim Maloku, si dhe nga Mehmet Hajrizi, shef i kabinetit dhe Skënder Reçica, këshilltar për protokoll dhe marrëdhënie ndërkombëtare.

Udhëheqësit kuvajtianë, kane shprehur kënaqësinë për vizitën dhe për të arriturat e Kosovës e për njohjen e saj ndërkombëtare, duke premtuar se edhe Kuvajti do ta bëjë shpejt atë. Por siç thanë ata, deri atëherë marrëdhëniet dhe bashkëpunimi midis dy vendeve tona duhet të thellohen. 

Delegacioni parlamentar i Kosovës kthehet sot në Kosovë, ndërsa në Aeroportin e Prishtinës do të mbajë një konferencë për media.
 

Kalendari

Ngjarjet e datës 4 Mars 2021

 - Guvernatori i BQK-së Femi Mehmeti takohet me përfaqësuesit e bankave. (Ndërtesa e BQK-së, ora 10:00 - mediat mund te marrin pamje)

- Oda e Mjekëve të Kosovës ndan mirënjohje për mjekët në pension dhe për institucionet shëndetësore që kanë kontribuar në luftën kundër Covid-19. (Amfiteatri i Telemjekësisë në QKUK, ora 10:00)

- Guvernatori i BQK-së Femi Mehmeti takohet me shoqatat e bizneseve. (Ndërtesa e BQK-së, ora 14:00 - mediat mund te marrin pamje)

- Dogana e Kosovës organizon konferencë për shtyp ku do të paraqiten rezultatet e doganës gjatë dy muajt e parë të vitit 2021 dhe luftimi i kontrabandës dhe informalitetit në muajt e fundit. (Drejtoria e doganës në lagjjen Emshir, ora 14:00)   

- Guvernatori i BQK-së Femi Mehmeti mban konferencë për media. (Ndërtesa e BQK-së, ora 15:00)