15 Prill 2021

Kryeministri Thaçi takohet me Ashton dhe Leterme

Prishtinë, 18 qershor - Kryeministri i Republikës së Kosovës, Hashim Thaçi në ditën e dytë të vizitës zyrtare në Bruksel, është pritur nga përfaqësuesja e lartë e BE-së për politikë të jashtme dhe siguri, baronesha Catherine Ashton.

Në një drekë pune të organizuar me këtë rast, kryeministri Thaçi dhe përfaqësuesja e lartë e BE-së për politikë të jashtme dhe siguri, baronesha Catherine Ashton, kanë diskutuar për thellimin e përkushtimeve për perspektivën evropiane të Kosovës.
 
Në takim është diskutuar për përshpejtimin e proceseve të reformës në Kosovës për të përshpejtuar proceset integruese. Është folur edhe për proceset e bashkëpunimit rajonal, të marrëdhënieve të mira fqinjësore dhe progresin e mëtutjeshëm në procesin e liberalizimit të vizave dhe për nënshkrimin e marrëveshjes për tregti të lirë.

Kryeministri Thaçi në këtë kontekst theksoi se Republika e Kosovës është e përkushtuar fuqishëm për thellimin e bashkëpunimit rajonal, me qëllim të avancimit të proceseve pozitive në rajon, të stabilitetit dhe zhvillimit të qëndrueshëm ekonomik. Kosova ka ndërtuar raporte të mira fqinjësore me Shqipërinë, Maqedoninë dhe Malin e Zi, si dhe është e interesuar të ndërtojë raporte të mira ndërshtetërore edhe me Serbinë, - theksoi kryeministri Thaçi.

Kryeministri Thaçi në Bruksel është pritur edhe nga homologu i tij, kryeministri i Belgjikës Yves Leterme, shteti i të cilit që nga data 1 korrik do t’a marrë udhëheqjen e presidencës së radhës të Bashkimit Evropian.

Në këtë takim miqësor, mes dy kryeministrave, që ishte vazhdimësi e takimit të mëhershëm, që është mbajtur në Prishtinë, është diskutuar për thellimin e bashkëpunimit mes dy qeverive në të gjitha fushat.

Në takim me kryeministrin e Republikës së Kosovës, Hashim Thaçi, kryeministri belg, Yves Leterme edhe një herë e ka konfirmuar mbështetjen për zhvillimin e Kosovës dhe për perspektivën evropiane të Kosovës.

Me këtë rast, janë nënshkruar edhe dy marrëveshje bilaterale mes Qeverisë së Republikës së Kosovës dhe Qeverisë së Belgjikës, Marrëveshja në fushën e transportit rrugor dhe Marrëveshja për tranferimin e të burgosurve.

Kryeministri Hashim Thaçi në ditën e parë të vizitës zyrtare në Bruksel, është pritur nga komisionari për zgjerim i BE-së, Stefan Fule dhe nga sekretari i përgjithshëm i NATO-s, Andres Fog Rasmusen.

Në të gjitha takimet e kryeministrit Thaçi me udhëheqësit e lartë të BE-së, është rikonfirmuar thellimi i përkushtimeve për perspektivën evropiane të Kosovës, me theks të veçantë çështjet që kanë të bëjnë me liberalizimin e vizave, për marrëveshjen tregtare me BE-në dhe çështje tjera me interes.

Pas pyetësorit për Marrëveshje Tregtare me BE-në, në muajt në vijim Kosova pret marrjen e udhërrëfyesit për liberalizimin e vizave.

Kalendari

Ngjarjet e datës 15 Prill 2021 - Handikos dhe The Balkan Forum tashmë kanë nisur kampanjën ‘Thuaj Jo Qeseve të Plastikës’  përmes një aktiviteti simbolik zyrtarisht do të prezantojmë strajcat e ri-përdorshme të punuara tash e disa muaj nga personat me aftësi të kufizuara. (Sheshi ‘Skënderbeu’ dhe ‘Nënë Tereza’, ora 10:00)

- Këshilli Gjyqësor i Kosovës mban mbledhjen e radhes. (Platforma Zoom, ora 10:00)

- Mbahet seanca gjyqësore kundër të pandehurit Agim Hamdija për vepren penale 'Organizimi i skemave piramidale'. (Gjykata Themelore në Ferizaj, ora 10:00)

- Agjencia Turke për Bashkëpunim dhe Koordinim nis shpërndarjen e pakove ushqimore dhe higjienike për familjet në nevojë, me rastin e muajit të Ramazanit. (Qendra për Promovimin e Drejtave të Grave në Drenas, ora 10:30)

- Zëvendësministri i Mjedisit, Planifikimit Hapsinor dhe Infrastrukturës  Hysen Durmishi do të mbajë konferencë per media. (Objekti i MMPHI-së, salla B201, oa ora 10:30,

- Kryeministri Albin Kurti dhe ministrja e Ekonomisë dhe Ambientit, Artane Rizvanolli, vizitojnë ekipin e kampanjës 'Thuaj jo Qeseve të Plastikës'. (sheshi ‘Skënderbeu’ , ora 12:00)

- Pronarët e sallave të dasmave mbajnë takim lidhur me masat anti-Covid. (Golden Imperial në Veternik, ora 14:00)

- Agjencia Turke për Bashkëpunim dhe Koordinim nis shpërndarjen e pakove ushqimore dhe higjienike për familjet në nevojë, me rastin e muajit të Ramazanit. (Palestra Sportive “Tota” në Vushtrri, ora 14:30)