04 Qershor 2020

Kryeministri Thaçi ka udhëtuar sot për një vizitë zyrtare në Estoni

Prishtinë, 15 mars - Në kryeqytetin Talin, kryeministrit Hashim Thaçi i është rezervuar pritje nga nivelet me të larta shtetërore të Republikës së Estonisë.

Nesër, kryeministri Thaçi do të fillojë agjendën e vizitës me takimin me homologun e tij, kryeministrin e Estonisë, Andrus Ansip, ndërsa do të pritet edhe nga Presidenti i Estonisë, Toomas Hendrik Ilves dhe nga kryetarja e Parlamentit, Ene Ergma.

Gjatë vizitës zyrtare në Estoni, kryeministri i Republikës së Kosovës, Hashim Thaçi do të zhvillojë një takim edhe me Drejtorin e Përgjithshëm të Odës Estoneze të Tregtisë dhe Industrisë, Siim Raie.

Kryeministrin Hashim Thaçi në vizitën e tij zyrtare në Republikën e Estonisë, e shoqërojnë ministrat Arsim Bajrami, Lutfi Zharku dhe Idriz Vehapi.

Vizita e kryeministrit Thaçi në Estoni është e ndërlidhur me thellimin e bashkëpunimit mes të dyja vendeve në fushën e Administratës Publike, të Tregtisë dhe Industrisë dhe të Buqësisë. Me këtë rast, nga ministrat përkatës të Kosovës dhe Estonisë, do të nënshkruhen marrëveshje bashkëpunimi në këto fusha.

 

Kalendari

Ngjarjet e datës 4 Qershor 2020

- Mbahet ceremonia e marrjes së detyrës nga Kryeministri i zgjedhur, Avdullah Hoti. (Ndërtesa e Qeverisë, ora 9:00)
   
- Kompanitë e auto-shkollave protestojnë për rifillimin e punës. (Para Ministrise se Infrastruktures, ish-pallati i Rilindjes, ora 10:00)

- Instituti i Kosovës për Drejtësi publikon raportin “Dështimi i gjykatave në mbushjen e Programit për Kompensimin e Viktimave të Krimit”. (Hotel “Sirius”, ora 10:30)
   
-  Mbahet seancë e Kuvendit në të cilën pritet të formohet Komisioni Hetimor Parlamentar për menaxhimin e pandemisë së virusit “COVID-19” nga ana e Qeverisë së Kosovës. (Kuvendi i Kosovës, ora 11:00)

- Në kuadër të Javës së Gjelbër, Komuna e Prishtinës do të organizojë mbjelljen e drunjëve në lagjen Lakrishte. (Lagja Lakrishte në Prishtinë, ora 11:00)

- Këshilli iniciues i punëtorëve të Korporatës Energjetike të Kosovës organizon protestë para mensës së Termocentralit Kosova B. (Termocentrali Kosova B, Obiliq, ora 12:00)