12 Nëntor 2019

Kryeministri i Belgjikës anulon viziten, shkak aksidentit tragjik në Bruksel

Prishtinë, 15 shkurt - Takimi i kryeministrit të Republikës së Kosovës, Hashim Thaçi me Kryeministrin e Belgjikës, Yves Leterme, i paraparë të mbahet sot është anuluar për arsye të aksidentit tragjik, që ka ndodhur në afërsi të Brukselit në orët e sotme të mëngjesit, ku sipas të dhënave të deritanishme humbën jetën së paku 20 persona.

Avioni me të cilin ka mbërritur kryeministri belg në Prishtinë, është kthyer për në Belgjikë.

Me këtë rast, kryeministri Hashim Thaçi i ka telefonuar homologut të tij belg, Yves Leterme dhe i ka shprehur atij ngushëllimet më të thella.

Me dhembje të thellë morëm lajmin për humbjen e jetëve të qytetarëve në aksidentin tragjik, që ndodh në afërsi të Brukselit. Ju lutem pranoni ngushëllimet më të thella në emër të Qeverisë së Republikës së Kosovës, të populli i Kosovës dhe në emrin tim – është shprehur kryeministri Thaçi në bisedën telefonike që ka zhvilluar sot me kryeministrin belg, Leterme.

Qeveria dhe populli i Kosovës në këto momente të vështira për vendin tuaj, ndajnë me ju, me qeverinë dhe me familjarët e viktimave dhembjen dhe në të njejtën kohë shprehim solidaritetin më të lartë – ka thënë kryeministri Thaçi.

 

Kalendari

Ngjarjet e datës 12 nëntor 2019 - Mbahet takimi vjetor i ministrave të Bujqësisë së vendeve të Evropës Juglindore me c'rast  Ministria e Bujqësisë, Pylltarisë dhe Zhvillimit Rural e Republikës së Kosovës, do të marrë edhe presidencën për udhëheqjen e Grupit Drejtues të Punës për Zhvillimin Rural Rajonal në Evropën Juglindore për një vit. (Hotel Emerald, ora 9:00)

- Universiteti i Shkencave të Aplikuara në Ferizaj në bashkëpunim me Universitetin e Shkencave të Aplikuara në Salzburg, organizon Konferencën Ndërkombëtare “Bashkëpunimi Universitet – Industri në Inovacion”. (Lokalet e Universitetit  të Shkencave të Aplikuara në Ferizaj. ora 9:00)

- Mahet takimi i 174-të i Këshillit Prokurorial të Kosovës. (Ojekti i Prokurorisë së Shtetit, ora 10:00)

- Zyra Kombëtare e Auditimit bën prezantimin e raportit të auditimit të performancës “Sistemi i kontrollit dhe monitorimit të cilësisë së derivateve të naftës”. (Salla e konferencave “Orion”, ora 10:00)

- Oda e Afarizmit të Kosovës organizon konferencë për media lidhur me pProblemet e bizneseve me bankat komerciale. (Zyret e OAK-së, ora 11:00)

- Lansohet projekti 'Subvencionet për Efiçiencë të Energjisë në Kosovë' të mbështetur nga MCC dhe MFK i cili synon të ofrojë stimuj financiarë dhe teknik për sektorin residencial që mundësojnë investime në masat e efiçencës së energjisë, si dhe të mbështesë gratë ndërmarrëse në energji dhe sektorë të tjerë. (Hoteli Swiss Diamond, ora 11:00)

- Administratori i Agjencisë së ShBA-ve për Zhvillim Ndërkombëtar Mark Green i cili po  qëndron në Kosovë do të marrë pjesë në lançimin e pilot projektit Nxitjet e Efiçencës Energjetike i cili implementohet nga Fondacioni Milenium Kosova dhe financohet nga Korporata e Sfidave të Mijëvjeçarit në bazë të Marrëveshjes “Threshold” të MCC-së në Kosovë. (Hoteli Swiss Diamond, ora 11:00)

- Organizata për Rritjen e Cilësisë në Arsim publikon raportin “Borgjezia” e Akademisë, ku do të paraqitet hulumtimi mbi të ardhurat e stafit akademik menaxherial në universitetet publike të Kosovës. (Para objektit të Qeverisë së Kosovës, në sheshin Skënderbeu, ora 11:00)

- Administratori i Agjencisë së ShBA-ve për Zhvillim Ndërkombëtar Mark Green do të kalojë kohë edhe me të rinjtë me rastin e lançimit të platformës së internetit “Të Rinjtë Prijnë” për t’u krijuar mundësi bartësve të rinj të ndryshimeve të lidhen me rrjete të të rinjve me interesime të ngjashme, mentorë, resurse dhe ngjarje të ndryshme. (Qendra e Rinisë, salla atele, përballë Sallës së Kuqe, ora 15:00) 

- Zhvillohet stërvitja e Kombëtares së Kosovës. (Stadiumi ‘Fadil Vokrri’, ora 18:00)

- OSBE organizon shfaqjen premierë të dokumentarit “Above the Fold” i cili ofron një tregim narrativ të vështirësive me të cilat përballen gazetarët në sjelljen e informacionit në publik. (Kino ABC, ora 19:00)