12 Dhjetor 2019

Kryeministri Haradinaj vizitoi Komunën e Fushë Kosovës

Fushë Kosovë, 18 korrik - Kryeministri i Republikës së Kosovës, Ramush Haradinaj, ka zhvilluar sot një vizitë pune në Komunën e Fushë Kosovës. Me këtë rast, kryeministri Haradinaj tha se është një mundësi e mirë që t’i shpreh respektin dhe përgëzimin për angazhimin në punë kryetarit të Fushë Kosovës, i cili siç tha kryeministri, është një kryetar veprues, dhe që njëkohësisht të bisedohen edhe temat që janë interes i qytetarëve të Fushë Kosovës.

“Kryetari  shpjegoi se popullsia është rritur shumë shpejt në Fushë Kosovë dhe kjo ka sjellë plot implikime të tjera, mirëpo është fat i madh që qeveria komunale dhe kryetari kanë arritur t’i përcjellin këto trende”, tha kryeministri Haradinaj.

Ndër tjerash, kryeministri Haradinaj, potencoi faktin se janë disa kërkesa që kërkojnë ndërhyrjen e Qeverisë nacionale siç janë hartat zonale që janë të nevojshme sepse siç theksoi ai, është presion i madh i prezencës  deri tash i bizneseve e i qytetarëve por edhe i kërkesave të reja.

“Pastaj çështja e komunikacionit dhe kalimit përmes qytetit për të cilin  është i nevojshëm edhe një rrethrrotullim, trafostacionin që është në proces dhe shpresoj se do të kryhet shpejt, trajtimit të ujërave të  zeza dhe çështjen e pronave, sepse Fushë Kosova vuan për mungesë të pronave që t’i ketë në shfrytëzim për interesa të komunës”, tha kryeministri Haradinaj duke bërë të ditur se i ka premtuar kryetarit Berisha se këto detyra që i mori prej së afërmi do t’i procedojë në kohën më të shpejtë të mundur.

Kryetari i Komunës së Fushë Kosovës, Burim Berisha, tha se ishte kënaqësi që sot kryeministri Haradinaj ishte në Komunën e Fushë Kosovës me të cilin tha se i biseduan hapur disa tema të rëndësishme për qytetarët dhe komunën.
 

Kalendari

Ngjarjet e datës 12 dhjetor 2019 - Zyrtarja për Demokraci dhe Qeverisje e USAID-it në Kosovë, Christina Davies, do të flasë në hapjen e konferencës së titulluar Rritja e Transparencës së Gjyqësorit. (Biblioteka Kombëtare, ora 9:30)

- Koalicioni i OJQ-ve për Javën Kundër Korrupsionit organizon tryezën e diskutimit me titull “Sinjalizuesit në luftën kundër korrupsionit në prokurim publik”. (Hotel Sirius, ora 10:00)

- Ojq ETEA dhe Kuvendi i të Rinjve të Prishtinës organizojn hapjen e minibibliotekës në Sheshi “Adem Jashari” në Prihtinë. (Sheshi “Adem Jashari”, ora 10:00)

- UBT dhe Radio Deutsche Welle, në kuadër të projektit “Balkan Booster”, organizojnë debatin më temë diskutimi: “Degradimi i mjedisit dhe qasja e medias ndaj mjedisit”, debat në të cilin shfaqet kontributi dhe qasja e medias ndaj këtij problemi. (Kampusi Inovativ i UBT-së në Lipjan, ora 11:00)

- Drejtori i Bujqësisë në Gjilan, Ramiz Ramadani dhe drejtoresha e organizatës për zhvillim rural “Mëshqerra”, Florentina Kida-Gërguri mbajnë konferencë për media më qëllim sqarimin lidhur me keqinformimin e opinionit nga disa media, rreth shpërndarjen e lopëve qumështore. (Zyra e Kryetarit të Komunës së Gjilanit, ora 11:00)

- RIT Kosova dhe Instituti për Trajnime Zhvillimore organizon ceremoninë e ndarjes së çertifikatave për studentët që i kanë përfunduar me sukses kurset të Koslift. (Objekti i RIT Kosova AUK, ora 11:30)

- Shoqata e të Drejtave të Pacientëve në Kosovë organizon tryezën “Sigurimet Shëndetësore po fillojnë ?!” (Hotel AFA, ora 12:00)

- Ojq ETEA dhe Kuvendi i të Rinjve të Prishtinës organizojn hapjen e minibibliotekës në Kampusi Universitar. (Kampusi Universitar në Prishtinë, ora 12:00)

- Aksionari i institucionit jo-bankar Monego organizon konferencë për shtyp, rreth vendimit të Bankës Qëndrore dhe revokimit të licencës së Monego. (Shoqëria e Avokatëve “Koci & Vokshi”, Rr. Robert Doll Nr.19, ora 13:00)

- Drejtoresha e misionit të USAID-it në Kosovë, Lisa Magno, do të flasë në ngjarjen e shënimit të sukseseve të aktivitetit të USAID-it Fuqizimi i Sektorit Privat, i cili filloi në vitin 2014. (Hoteli Emerald, ora 13:30)

- Grupi për Studime Juridike dhe Politike organizon konferencën për media me temë “Lufta kundër pastrimit të parave dhe konfiskimit të aseteve të fituara në mënyrë të kundërligjshme: Ku qëndron Kosova?”. (Qendra e Konferencave Orion, ora 14:00)

- Kolegji Heimerer organizon tryezë diskutimi me temën “E tashmja dhe e ardhmja e Sistemit Informative Shëndetësor në Kosovë”. (Kolegji Heimerer, ora 14:00)

- Prezantohet shfaqja multidisiplinore Alter..."Një rrugetim në vete të parë" , e cila do të mbahet për herë të parë në Prishtinë. (Salla e Kuqe në Pallatin e Rinisë, ora 19:30)