22 Janar 2020

Kryeministri Haradinaj takoi përfaqësues të komunitetit malazez të Kosovës

Prishtinë, 14 qershor - “Ne jemi bashkë për ta përkrahur njëri tjetrin, për ta zhvilluar njëri tjetrin dhe për ta përmirësuar mirëqenien tonë”, kështu tha Kryeministri i Republikës së Kosovës, Ramush Haradinaj, pasi priti në takim përfaqësues të komunitetit malazez në Kosovës, të kryesuar nga Slobodan Vujiqiq, Kryetar i Shoqatës së Malazezëve të Kosovës.

Kryeministri Haradinaj vlerësoi lartë marrëdhëniet e shkëlqyeshme ndërmjet shqiptarëve dhe malazezëve si dhe marrëdhëniet ndërmjet dyja shteteve, Republikës së Kosovës dhe asaj të Malit të Zi.

Kryeministri Haradinaj gjatë takimit, gjithashtu theksoi nevojën e avancimit të marrëdhënieve ekonomike ndërmjet dyja vendeve dhe përkushtimit për përmirësimin e të drejtave dhe përfshirjes së këtij komuniteti në shoqërinë kosovare.

“Në muajin korrik ne do të hapim edhe Qendrën e zhvillimit të malazezëve të Kosovës, e cila do të jetë adresë qendrore dhe mekanizëm kyç, përmes së cilës do të implementohet strategjia e integrimit të malazezëve dhe fuqizimit të marrëdhënieve Kosovë – Mali i Zi”, kështu tha Kryeministri Haradinaj, duke i dhënë mbështetje afirmimit të mëtejshëm të vlerave të popullit malazezë që jeton në Kosovë.

Nga ana e tyre, përfaqësuesit e këtij komuniteti, falënderuan kryeministrin Haradinaj për mbështetjen e vazhdueshme që po i jep  komunitetin malazez, me përkrahjen në projekte të ndryshme.

 

 

 

Kalendari

Ngjarjet e datës 22 janar 2020 - Agjencia për Mbrojtjen e Mjedisit të Kosovës organizon diten e dytë të takimit rajonal për Ndryshime Klimatike dhe Integrime Evropiane “Zhvillimi i një propozim projekti për ngritjen e kapaciteteve në sektorin e Mjedisit, Integrimeve Evropian dhe Ndryshimeve Klimatike”. (Hotel Sirius, ora 9:30)

- Me rastin e 22 vjetorit të sulmit të dytë të forcave serbe mbi familjen Jashari, Komuna e Skenderajt në bashkëpunim me Shoqatat e dala nga lufta e UÇK-së,  do të organizojnë homazhe në Kompleksin Memorial “Adem Jashari” në Prekaz, në shenjë kujtimi e nderimi të luftës së shenjtë çlirimtare të familjes Jashari. (Prekaz, ora 10:00)

- Mbahet mbledhja e rregullt e Komitetit për Politikë dhe Financa në Komunën e Mitrovicës. (Sallën e Mediave të Komunën se Mitrovicës, ora 10:00)

- Klubi i Prodhuesve organizon tryezën e diskutimit për diskutimin e efekteve të tarifës 100% në ekonominë  e vendit një vit pas vendosjes së kësaj takse. (Orion Conference Centre, ora 10:00)

- Koordinatori Nacional për Kulturë, Rini dhe Sport, Rexhep Hoti, do të bëjë shpërndarjen e librave për nxënësit fitues të nivelit komunal të garës nacionale në Dituri dhe Kreativitet Kulturor e Mendim Kritik në komunën e Vushtrrisë. (Qendr Rinore në Vushtrri, ora 11:00)

- Kryetari Shpend Ahmeti do të nënshkruajë Marrëveshjen e Mirëkuptimit me USAID për zbatimin e Programit per trajtimin e ndertimeve pa leje. (Komuna e Prishtinës, ora 11:00)

- Mbahet mbledhja e Qeverisë së Kosovës në detyrë. (Ndërtesa e Qeverisë, ora 13:00)

- Koordinatori Nacional për Kulturë, Rini dhe Sport, Rexhep Hoti, do të bëjë shpërndarjen e librave për nxënësit fitues të nivelit komunal të garës nacionale në Dituri dhe Kreativitet Kulturor e Mendim Kritik në komunën e Kaçanikut. (Shtëpia e Kulturës "Xheladin Kurtaj" në Kaçanik, ora 14:00)

- Mbahet Festivali i Dramës Origjinale Shqipe “Talia e Flakës 2020”, ku do të marrin pjesë teatrot me shfaqjet më të mira dhe dramat e tyre origjinale shqipe nga Kosova. (Teatri i Qytetit të Gjilanit, ora 19:00)