Prishtinë, 7 nëntor - Komisioni Qendror i Zgjedhjeve (KQZ) ka bërë të ditur se sot do të shpall rezultatet përfundimtare të zgjedhjeve të parakohshme për Kuvendin e Republikës së Kosovës që u mbajtën më 6 tetor 2019.

Edhe Kryetarja e KQZ-së, Valdete Daka ka theksuar do t’i shpallin rezultatet përfundimtare të zgjedhjeve të 6 tetorit.

Ajo ka theksuar se sipas të gjitha informacioneve që i kanë nga QNR dhe Sekretariati, të enjten do të jenë në gjendje t’i shpallin rezultatet përfundimtare.

Daka ka sqaruar se pas shpalljes së rezultateve, është periudha që partitë politike, apo kandidatët mund t’i bëjnë së pari në PZAP dhe pastaj në Gjykatën Supreme, dhe nëse ka të tilla, kjo fazë mund të zgjasë 7 deri në 8 ditë.

“Nga PZAP-i dhe Gjykata Supreme mund të ketë vendime për rinumërim, por unë mendoj se nuk ka më vend për ankesa, kjo varet nga partitë apo kandidatët që mund të mendojnë se u janë bërë padrejtësi”, tha ajo.