19 Shtator 2020

Kosova s'duhet nxitohet me paralajmërime për njohje të reja

Prishtinë, 24 shkurt - Komisioni Parlamentar për Punë të Jashtme, i drejtuar nga Sabri Hamiti, kryetar i komisionit, kishte ftuar në mbledhjen e sotme ministrin e Punëve të Jashtme, Skender Hyseni, për të bashkëbiseduar me të për nivelin e afirmimit ndërkombëtar të Kosovës, për aktivitetet e MPJ-së në planin e njohjeve të reja për Kosovën dhe për vështirësisë me të cilat ballafaqohet koji ministri.


Ministri Hyseni ka theksuar në fillim të fjalës së tij se politika e jashtme e Kosovës, gjatë vitit të kaluar, krahas përpjekjeve për shtimin e njohjeve për Kosovën, ishte përqendruar në argumentimin e ligjshmërisë së shpalljes së Pavarësisë së Kosovës në Gjykatën Ndërkombëtare të Drejtësisë, duke e vlerësuar të suksesshëm këtë veprimtari, e mbështetur fuqimisht nga miqtë e dëshmuar të Kosovës.

 

Ai është shprehur i bindur se pas bërjes publike të qëndrimit të GJND-së (në qershor të këtij viti) do të fillojë një tempo e përshpejtuar e njohjeve të reja për Kosovën, duke theksuar se tashmë ka marrë premtimin për së paku njëzet njohje të reja.


Hyseni në vazhdim e ka quajtur të rëndësishëm numrin e njohjeve për Kosovën edhe për hir të anëtarësimit të vendit në mekanizma të ndryshëm ndërkombëtarë. Ai ka pohuar se institucionet e Kosovës janë në dijeni të një varg veprimesh të regjimit të Serbisë për ta penguar afirmimin ndërkombëtar të Kosovës. 


Prandaj, ka thënë Hyseni, duhet të punojmë shumë seriozisht, të mbështetur edhe nga miqtë tanë, që t’i pamundësojmë këto veprime të Serbisë e të sponsorizuesëve të saj.

 

Gjithsesi, suksesi diplomatik i Kosovës varet shumë edhe nga zhvillimet pozitive në vend, ka thënë Hyseni, i cili është zotuar se MPJ-ja do t’i plotësojë dhe funksionalizojë misionet diplomatike dhe konsullare të Kosovës në vende të ndryshme të botës.

 

Ai ka theksuar se si ministër ka agjendë të ngjeshur të takimeve dhe aktiviteteve, të cilat, për efikasitet të punës, shpeshherë nuk bëhen publike. Në këtë mes, ka pohuar ministri, çështja e liberalizimit të vizave është temë e pakapërcyeshme në të gjitha takimet me përfaqësues të BE-së dhe të vendeve anëtare të saj.


Anëtarët e Komisionit e kanë vlerësuar paraqitjen e ministrit Hyseni në takim, si dhe punën e deritashme të tij dhe të ministrisë, të cilën e drejton, por kanë pasur edhe një varg vërejtjesh dhe sugjerimesh për punë më të suksesshme.

 

Anëtarët e Komisionit, madje edhe nga radhët e pozitës, kanë pasur vërejtje për deklarimet disonante të pjesëtarëve të institucioneve të Kosovës, lidhur me politikat e jashtme të vendit, mosshfrytëzimin e diplomacisë parlamentare për lobim (për njohjet), mofunksionalizimin e duhur të misioneve tona diplomatike dhe kosullare, si dhe raportimin e mangët i tyre për punën që bëjnë etj.


Ministri Hyseni i ka garantuar anëtarët e Komisionit për Punë të Jashtme se Kosova shihet me sy të mirë për qëndrueshmërinë e saj dhe rolin që ka manifestuar për paqen dhe sigurinë në rajon. 

 

Ai ka sugjeruar që të mos nxitohemi me paralajmërime për njohje të reja dhe përmendjen e emrave të përveçëm, në këto raste, sepse ato janë treguar kontraproduktive. Ministri është shprehur i prerë se, në asnjë çast, nuk do të ketë bisedime për çështjen e statusit të Kosovës, qëndrim ky që, siç është shprehur ministri, është ngritur në nivel nacional.
 

Kalendari

Ngjarjet e datës 19 Shtator 2020 - Për nder të 100 vjetorit të shpalljes së Tiranës Kryeqytet, “Muzeu Lëvizës”, Komuna e Prishtines bashkë me Muzeun e mirëpresim edhe nënkryetaren e Bashkisë së Tiranës, Anuela Ristani dhe drejtoreshën ekzekutive të Unioni i Bashkive Shqiptare të Rajonit, Andriola Kambo hapin 'Muzeu Lëvizës'. (Sheshi 'Ibrahim Rugova', ora 10:00)

- Let’s Do It Kosova në kuadër të Lëvizjes Globale “Let’s Do It World” sjell përsëri në Kosovë “Ditën e Pastrimit të Botës 2020” ku do të fillojë me aktiviteti te pastrimin e qytetit nga mbeturinat. (Në afërsi të stadiumit “Fadil Vokrri”, lokacioni te parkingu i autobusëve, ora 11:00)

- Udhëhqës të Komunës së Prishtinës bashkë me Unionin e Bashkive Shqiptare të Rajonit, Andriola Kambo zhvillojnë një vizitë në Muzeun e Kosovës. (Muzeu i Kosovës, ora 11:30)

- Let’s Do It Kosova vazhdon me aktivitetin e dytë qëndror për shënimin e “Ditës së Pastrimit të Botës 2020”. (Parku i Qytetit të Prishtinë, ora 13:00)

- Lëvizja Vetëvendosje mban konferencë për media në të cilën flasin Kryetari i LV-së, Albin Kurti dhe Sekretari për Marrëdhënie me Jashtë, Kreshnik Ahmeti. (Zyret e LV-së në Arbëri, ora 14:00)

- Përfaqësues të lartë nga Prokuroria Themelore në Gjilan, Inspektorati Policor i Kosovës dhe Policia e Kosovës mbajn konferencë për media, të organizuar nga Prokuroria Themelore në Gjilan, lidhur me aksionin e realizuar mbrëmë në fshatin Karaçevë, komuna e Kamenicës dhe rajone tjera. (Prokuroria Themelore në Gjilan, rruga ‘’Marie Shllaku’’, ora 14:00)

- Udhëhqës të Komunës së Prishtinës bashkë me Unionin e Bashkive Shqiptare të Rajonit, Andriola Kambo zhvillojnë një vizitë në Kopshtin me Bazë në Komunitet “Cicërimat”. (Kopshtin “Cicërimat”, ora 14:00)

- Udhëhqës të Komunës së Prishtinës bashkë me Unionin e Bashkive Shqiptare të Rajonit, Andriola Kambo zhvillojnë një vizitë në Parku Germia. (Parku Germia, ora 15:00)