29 Mars 2024

Kosova në rrugën e duhur të integrimit evropian

Prishtinë, 19 korrik - Kryeministri i Republikës së Kosovës, Ramush Haradinaj, ka pritur sot në takim kryetarin e Subkomitetit për Politikë të Jashtme në Parlamentin e Australisë, Chris Crewther, me të cilin bisedoi për marrëdhëniet bilaterale dhe bashkëpunimin e gjithanshëm ndërmjet dy shteteve.

Kryeministri Haradinaj e njoftoi z. Crewther, për prioritetet e Qeverisë, orientimin properëndimor të Kosovës, si dhe për proceset e përgjithshme nëpër të cilat po kalon Kosova, duke filluar nga zhvillimi ekonomik, arsimi, shëndetësia, procesi i dialogut.

“Qeveria e Kosovës është e interesuar për rritjen e bashkëpunimit me Australinë, në shkëmbimin e përvojave të mira dhe në avancimin e këtyre raporteve në fushën e zhvillimit ekonomik. Kosova ka shumë për të ofruar si një partner serioz”, tha kryeministri Haradinaj.

Gjatë takimit, kryeministri Haradinaj vlerësoi se Kosova është në rrugën e duhur të integrimit evropian, ka përmbushur të gjitha kriteret e përcaktuara nga Bashkimi Evropian për liberalizimin e vizave, në të njëjtën kohë ka vlerësuar rekomandimin pozitiv të Komisionit Evropian për këtë proces, i cili është shumë i rëndësishëm për qytetarët e Kosovës.

“Kosova ka të miratuar Ligjin për Investime Strategjike dhe falë përkushtimit dhe punës së saj ka arritur të krijojë ambient të përshtatshëm për investimet e huaja, të cilat janë të mirëseardhura edhe nga shteti i Australisë”, tha kryeministri Haradinaj, duke vlerësuar edhe publikimin e raportit të fundit për Liritë Ekonomike në të cilin Kosova është ranguar mjaft lart.

Ndërkaq, kryetari i Subkomitetit për Politikë të Jashtme në Parlamentin e Australisë, Chris Crewther, vlerësoi të arriturat e Kosovës në një dekadë shtetësi dhe e përgëzoi kryeministrin Haradinaj për marrjen e rekomandimit pozitiv për liberalizimin e vizave, në të njëjtën kohë shprehu gatishmërinë e shtetit të tij për t’i ofruar ndihmë Kosovës në fusha konkrete.

 

Kalendari

Ngjarjet e datës 8 gusht 2023

 - Partia Demokratike e Kosovës, mban konferencë për media. (Selia Qendrore e PDK-së, ora 11:00)

 

 - Ministria e Kulturës, Rinisë dhe Sportit, organizon shfaqjen e filmave “I Pabesi” dhe “Heshtja Vret”. (Kino “Armata”, ora 20:00)