11 Dhjetor 2018

Kosova duhet të ketë unitet e konsensus në bisedimet me Serbinë

Prishtinë, 17 maj -  Sonte në emisionin “n’Kuvend”, të Radio Televizionit të Kosovës (RTK), është diskutuar për rolin e Kuvendit të Kosovës në bisedimet Kosovë-Serbi.

“Është momenti të shihen se ku janë ngecjet për mosimplementim të disa marrëveshje që të kemi një normalizim për të pasur një rrugë të drejtë”, tha Beqaj.

Sipas tij, nëse do të ketë skenim objektiv do të arrihet të kemi një platformë reale dhe të ketë krijim të një ekipi të ri. Ai tha se Asociacioni i Komunave Serbe në Kosovë, mund të jetë edhe element që do të jetë në duart e Listës Serbe. “Kosova duhet të ketë një ekip tjetër konsensual e profesional”, tha Beqaj.

Ai tha se deri më tani ka pasur mangësi që Kuvendi i Kosovës të merret më shumë më bisedimet me Serbinë. “Nëse do të kemi një platformë konsensuale, ajo duhet të miratohet në Kuvend”, tha ai.

Kurse analisti Ramush Tahiri, deklaroi se në Kosovë nuk ka pasur komplet raportim në Kuvendin e Kosovës për bisedimet me Serbinë. “Është mirë që marrëveshja për Asociacionin e Komunave Serbe në Kosovë është dërguar në Kushtetuese, ajo e vlerësoi se ka shkelje të Kushtetutës”, tha Tahiri.

Sipas tij, Kuvendi i Kosovës ka fuqi të anulojë marrëveshje. “Kosova dhe Serbia nuk po bisedojnë si dy palë të barabarta. Serbisë i është dhënë një status special në bisedimet me Serbinë”, deklaroi ai.

Tahiri tha se është dashur që të ketë bisedime me serbët lokal. Tahiri përmendi edhe dokumentacionin që Serbia i ka kthyer Kosovës e që nuk është origjinal, por i fotokopjuar dhe sipas tij kjo nuk është e drejtë.

Kalendari

Ngjarjet e datës 11 dhjetor 2018 - Organi Shqyrtues i Prokurimit fillon me transmetim të drejtpërdrejtë “live stream” të sesioneve të tij, një hap ky në drejtim të një qasjeje më transparente nga ana e këtij institucioni. (Zyra e Organit Shqyrtues të Prokurimit, ish-Banka e Lubjanës, kati i 5-të, ora 10:00)

- Koalicioni i OJQ-ve “Java Kundër Korrupsionit 2018” do të mbajë tryezën e diskutimit me temë “Zbatimi i Ligjit për Parandalimin e Konfliktit të Interesit në ushtrimin e funksionit publik në pushtetin legjislativ”. (Hotel Sirius, ora 10:00)

- Shoqata “Miqtë e Amerikës” dhe Komuna e Gjakoves hapin Librin e Zisë, në nderim të Presidentit George H.W. BUSH. (Pallati i Kulturës "Asim Vokshi" në Gjakovë, ora 10:00)

- Në kuadër të Fushatës “Ta Pastrojmë Kosovën” do të organizohet aksion pastrimi në Komunën e Rahovecit. (Rruga kryesore në fshatin Zaqisht të Rahovecit, ora 10:00)

- Shefi i Zyrës së BE-së, Nataliya Apostolova, do të diskutojë me nxënësit e shkollave të mesme me temë "Të mbështesë ndryshimin kulturor: roli i gjeneratave të reja për formësimin e vlerave të së nesërmes".  (Kafiteria Dit' e Nat', ora 10:00)

- Kompania vendore 'Produktet Natyrale të Kosovës' organizon ceremoninë e inaugurimit të linjës së re me teknologji të avancuar për përpunimin e farave të kungullit. (Fabrika 'Produktet Natyrale të Kosovës' në fshatin Loxhë në Pejë, ora 11:00)

- Sindikata e Pavarur e Sektorit Privat të Kosovës të mbajë konferencë për shtyp lidhur me gjendjen e punëtorëve të sektorit privat. (Zyret te BSPK, së ora 11:00)

- Instituti Demokraci për Zhvillim organizon ngjarjen vjetore të shpërblimeve në kuadër të projektit “Leja prindërore për barazi gjinore” që financohet nga Qendra Ndërkombëtare Olof Palme dhe mbështetet nga Qeveria Suedeze. (Libraria Dukagjini, ora 11:00)

- Mbahet tryeza në të cilën do të diskutohet për pakon ligjore kundër korrupsionit, si dhe për punën e institucioneve të drejtësisë në luftën ndaj krimit të organizuar dhe korrupsionit. (Ndërtesa e Kuvendit, salla C-405, ora 11:00)

- Asociacioni i Arkitektektëve të Kosovës dhe Komunës së Gjilanit bën prezantimin e “Bienales së Arkitekturës 2018”, ku do të marrin pjesë edhe përfaqësuesit e Komunës së Gjilanit dhe arkitektët në nivel Kosove dhe ata regjional. (Gjilan, ora 13:00)

- Instituti për Politika Zhvillimore organizon konferencën për shtyp me temë “Standardizimi i produkteve vendore: Shpërndarja dhe shitja e standardeve. (Resource Center Kosovo, në lagjen Pejton, në zyre të Forumit për Iniciativa Qytetare, ora 13:00)

- Koalicioni i OJQ-ve “Java Kundër Korrupsionit 2018” do të organizoj tryezen e diskutimit me temë “Zbatimi i Ligjit për Parandalimin e Konfliktit të Interesit në ushtrimin e funksionit publik në pushtetin ekzekutiv”. (Hotel Sirius, ora 14:00)

- Partia Socialdemokrate mban konferencë për media lidhur me çështjen e dialogut me Serbinë, për të cilën do të flasin nënkryetarët Visar Ymeri dhe Dukagjin Gorani. (Zyrat e PSD-së, në lagjen "Arbëria", ora 14:00)

- Ministria e Administrimit të Pushtetit Lokal në prag të përfundimit të vitit 2018, organizon ngjarjen vjetore për shënimin e të arriturave në vetëqeverisjen lokale në Kosovë si dhe të prezantojë orientimet për vitin e ardhshëm. (Sheshi 21, ora 18:00)