09 Dhjetor 2022

Këshillat Lokale mekanizma kyç për forcimin e demokracisë në Komuna

Prishtinë, 31 janar - Instituti Kosovar për Qeverisje Lokale (KLGI) mbajti sesionin trajnues me temën “Roli i Këshillave të Fshatrave dhe Lagjeve Urbane në Zhvillimin e Demokracisë Lokale”, në të cilin u trajtuan forma e funksionimit të këshillave të fshatrave dhe lagjeve urbane, baza ligjore dhe roli i tyre në demokratizimin e nivelit lokal.

Pjesëmarrës në këtë sesion trajnues ishin koordinatorët e Këshillave të Fshatrave dhe Lagjeve Urbane nga Komunat e Kosovës dhe përfaqësues nga shoqëria civile, përcjell InfoKomuna.

Për gjatë takimit u diskutua për përbërjen dhe rolin e këtyre këshillave në zhvillimin e demokracisë lokale në procesin e zhvillimit të politikave lokale, përfshirjen e tyre në diskutimet rreth temave që prekin interesin e tyre, zgjidhjen e problemeve të komunitetit, dhe ofrimin më të mirë të shërbimeve për qytetarët.

Në mënyrë që komunat t’i realizojnë funksionet dhe përgjegjësitë e tyre të rregulluara sipas legjislacionit në fuqi (Ligjit për Vetëqeverisje Lokale) duhet të mbështesin themelimin dhe konsolidimin e Këshillave Lokale, të cilat përfaqësojnë fshatrat, vendbanimet dhe lagjet urbane. Pra, Këshillat Lokale janë trupat e zgjedhura që përfaqësojnë në mënyrë të organizuar komunitetin e një apo më shumë fshatrave, vendbanimeve apo lagjeve urbane.

Megjithëse, një prej lirive thelbësore për zhvillim të demokracisë lokale është e drejta e qytetarëve për të qenë aktivë në proceset e vendimmarrjes. Mirëpo, shpeshherë qytetarët nuk arrijnë të ushtrojnë ndikimin e tyre si rezultat i mungesës së informimit.

Pjesëmarrësit dhanë sugjerimet e tyre lidhur me plotësim ndryshimin e mundshëm të Udhëzimit Administrativ që përcakton formën e organizimit, dhe mënyrën e themelimit të bashkëpunimit të komunës me fshatrat, vendbanimet dhe lagjet urbane, respektivisht Këshillat Lokale.

Instituti KLGI mbetet i përkushtuar që nëpërmes programeve edukative të punojë në ngritjen e kapaciteteve të komunave të vendit.

Ky aktivitet u realizua në kuadër të projektit ‘Mbështetje për Komuna më të Forta dhe më të Qëndrueshme (SSSM)’ i financuar nga Ambasada e Mbretërisë së Norvegjisë në Kosovë.

Kalendari

Ngjarjet e datës 9 dhjetor 2022 - Kryeministri i Republikës së Kosovës, Albin Kurti, presidentja Vjosa Osmani-Sadriu dhe kryetari i Kuvendit, Glauk Konjufca, marrin pjesë në dëgjimin publik për Projektligjin për Liritë Fetare. (Ndërtesa e Qeverisë, ora 9:00)

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit shqyrton Raportit për Projektligjin Agjencinë Kosovare për Krahasim dhe Verifikim të Pronës, Projektligjin për Bujqësi dhe Zhvillim Rural, etj. (Ndërtesa e Kuvendit, salla N302, ora 9:30)

- Komisioni për të Drejtat dhe Interesat e Komuniteteve dhe Kthim shqyrton Projektligjin për parandalimin dhe kontrollin e integruar të ndotjes, me raport amendamente të Komisionit funksional për Mjedis, Ushqim, Bujqësi, Planifikim dhe Zhvillim, etj. (Ndërtesa e Kuvendit, salla N10, ora 9:45)

- Instituti i Kosovës për Drejtësi organizon konferencë për media, ku do të publikohet raporti me titull “Qeverisja me duar të pastërta”, raport ky mbi deputetët, ministrat dhe kryetarët e komunave, të cilët kanë probleme me ligjin. (Hotel Sirius, ora 10:00)

- Gjykata Kushtetuese organizon “Ditën e Gjykatës së Hapur” në shënim e Ditës Ndërkombëtare të të Drejtave të Njeriut. (Gjykata Kushtetuese, ora 10:00)

- Për të shënuar 9 dhjetorin, Ditën Ndërkombëtare kundër Korrupsionit, Koalicioni i Organizatave të Shoqërisë Civile dhe Mediave, do të mbajnë një konferencë me temën “Fuqizimi i Kapaciteteve të Shoqërisë Civile për luftimin e korrupsionit”. (Hotel Sirius, ora 10:00)

- Kuvendi i Republikës së Kosovës vazhdon seancën plenare. (Kuvendi i Kosovës, ora 10:00)

- Ministrja e Drejtësisë, Albulena Haxhiu bashkëbisedon me studentët e Kolegjit AAB për temën mbi dhunën në bazë gjinore. (Kolegji AAB, ora 10:30)

- Rreth 60 punëtor teknik dhe ata te sigurimit fizik qe punojnë në Qendrat e Mjekësisë Familjare disa shkolla te Prishtinës  do te protestojnë me kërkesën për rritje të pagave. (Para komunës se Prishtinës, ora 11:00)

- Këshilli Rinor Kosovar organizon Kuvendin Zgjedhor të Këshillit të Nxënësve të Kosovës në nivel vendi. (Amfiteatri i Ministrisë së Drejtësisë, ora 13:00)

- Instituti i Kosovës për Drejtësi organizon aktivitet me studentët e Klinikës Ligjore të IKD– së, ku do të bëhet prezantimi i shpalljes së simuluar të një aktgjykimi të një rasti të korrupsionit. (Sheshi Skënderbeu në Prishtinë, ora 13:30)

- Lidhja Demokratike e Kosovës mban konferencë për medie. (Selia qendrore e LDK-së, ora 13:30)

- Ministrja e Drejtësisë, Albulena Haxhiu merr pjesë në një tryezë me gratë në Komunën e Mitrovicës. (Restaurantin "Va Piano", ora 15:00)

- Me rastin e 5 vjetorit të ndarjes nga jeta të artistit, Blerim Peci, Komuna e Mitrovicës, në bashkëpunim me artistë, familjarë e miq të ish të ndjerit organizojnë takimin përkujtimor për të ndarë së bashku kujtime të bukura e të pashlyeshme për të. (Qendra e Kulturës "Rexhep Mitrovica", ora 17:00)

- Ministrja e Drejtësisë, Albulena Haxhiu merr pjesë në shfaqjen e filmit "Zgjoi". (Kino Armata, ora 17:00)