25 Maj 2020

Hyseni: Kosova anëtare e BE-së para vitit 2020

Prishtinë, 16 shkurt - Ministri kosovar i Punëve të Jashtme, Skënder Hyseni ka thënë se priten njohje të reja për pavarësinë e Kosovës, pas deklarimit të Gjykatës Ndërkombëtare të Drejtësisë.

Në një intervistë për gazetën austriake “Standard”, ministri kosovar ka shprehur bindjen se Republika e Kosovës do të pranohet në strukturat e Bashkimit Evropian përpara vitit 2020.

I pyetur nëse pret njohje edhe nga shtetet e BE-së që ende nuk e kanë njohur Kosovën, Hyseni ka thënë se pret një “presion miqësor ndaj këtyre shteteve nga shtetet e tjera anëtare të BE-së, dhe ka shtuar se Greqia po ecën në këtë drejtim.

Lidhur me deklaratat e zyrtarëve serbë se pas vendimit të GJND-së do të ketë bisedime të reja për statusin e Kosovës, Hyseni ka thënë se Serbia po e humbet kohën e saj dhe të Serbisë me këto veprime.

Sipas shefit të diplomacisë kosovare, Serbia në Bruksel paraqitet shumë evropiane, ndërsa në Ballkan nuk është aspak e tillë.

Kalendari

Ngjarjet e datës 25 Maj 2020

- Presidenti i vendit, Hashim Thaçi, në shenjë nderimi për të burgosurit shqiptarë të vrarë para 21 vjetësh viziton Burgun e Dubravës në Komunën e Istogut. (Burgu i Dubravës ora 10:30)