Prishtinë, 14 tetor - Ambasadori i Holandës në Kosovë Robert Eduard Bosch ia dorëzoi letrat kredenciale Ushtruesi i Detyrës së Presidentit të Republikës së Kosovës, Jakup Krasniqi gjatë një takimi që zhvilluan.

Krasniqi tha se synim i përhershëm i popullit dhe institucioneve të Kosovës është integrimi euroatlantik, synim drejt të cilit shteti i Kosovës punon në vazhdimësi dhe pret që të ndodhë sa më shpejt.

Krasniqi e falënderoi shtetin e Holandës për ndihmën e vazhdueshme që i ka dhënë dhe po vazhdon t’i japë Republikës së Kosovës.

Ambasadori Bosch tha se shteti i tij mbështet integrimin sa më të shpejtë të Kosovës në strukturat euroatlantike. Ai theksoi interesin për vazhdimin e bashkëpunimit shumë të mirë që kanë Kosova dhe Holanda.