05 Gusht 2020

Hillary Clinton brenda kёtij viti viziton Kosovёn

Uashington, 4 shkurt - Gjatё qёndrimit tё tij nё Uashington, ku mori pjesё nё ngjarjen tradicionale “Lutjet e Mёngjesit”, Ministri i Punёve tё Jashtme i Republikёs sё Kosovёs, Skender Hyseni, ka pasur njё takim shumё tё pёrzemёrt dhe shumё pёrmbajtёsor me Sekretaren Amerikane tё Shtetit, Hillary Clinton.

Pёrkundёr pranisё sё madhe tё zyrtarёve dhe pёrfaqёsuesve tё lartё nga vende tё ndryshme qё po merrnin pjesё nё Lutjet e Mёngjesit, Sekretarja Amerikane e Shtetit ka ndarё njё kohё tё mirё pёr takim me Ministrin Hyseni. Takimi ka qenё i mbyllur dhe ёshtё zhvilluar “nё katёr sy”.

Nё kёtё takim, Ministri Hyseni dhe Sekretarja Clinton kanё biseduar gjerёsisht pёr proceset nё Kosovё dhe rreth Kosovёs, sidomos pёr njohjet, pёr procesin nё Gjykatёn Ndёrkombёtare tё Drejtёsisё, si dhe pёr hapat qё duhet tё merren pёr tё çuar proceset nё Kosovё edhe mё pёrpara.

Ministri e ka shfrytёzuar kёtё takim pёr ta njoftuar Sekretaren Clinton me pёrpjekjet e mёdha qё po bёhen pёr shtetndёrtim. Por, gjithashtu, kёtё takim e ka shfrytёzuar edhe pёr tё ndarё disa nga brengat e Kosovёs qё lidhen me bashkёpunimin rajonal, me theks tё posaçёm bllokadat qё Kosovёs po i bёhen nё rrafshe tё ndryshme, pёr tё cilat Sekretarja e Shtetit kishte njohuri tё thella.

Ka qenё konstatim i pёrbashkёt i tё dy bashkёbiseduesve, Ministrit Hyseni dhe Sekretares Clinton, se ka pasur tё arritura tё shumta nё shumё plane, dhe se duhet tё vazhdohet me angazhime qё ky pёrparim i bёrё tё çohet edhe mё pёrpara.

Nё kёtё rast, Ministri Hyseni e ka ftuar Sekretaren Amerikane tё Shtetit qё tё vizitojё Kosovёn, ftesё tё cilёn Sekretarja Clinton e ka pranuar me kёnaqёsi. Vizita e Sekretares Hillary Clinton pritet tё realizohet gjatё kёtij viti.  

Kalendari

Ngjarjet e datës 5 Gusht 2020

- Oda Ekonomike e Kosovës, Ministria e Drejtësisë dhe USAID-Programi për Drejtësi Komerciale do të mbajë forum virtual me temë 'Ekonomia gjatë pandemisë COVID-19. Si do të ndihmojë Gjykata Komerciale?'. (Objekti i Odës Ekonomike të Kosovës, ora 10:00)

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit voton raportin vjetor të Akademisë së Drejtësisë, Agjencisë Kundër Korrupsionit dhe Komisionit Qendror të Zgjedhjeve si dhe diskuton lidhur me Raportin e Punës së Këshillit Gjyqësor dhe të Këshillit Prokurial të Kosovës. (Salla e seancave plenare, ora 10:00)

- Grupi i Aktorëve të Prishtinës mban konferencën për media e cila organizohet me rastin e adresimit të kërkesës se aktoreve në Drejtorinë e Kulturës në Komunën  e Prishtinës, për krijimin e trupës artistike të Teatrit të qytetit në Prishtinë. (Para Komunes te Prishtines, ora 10:00)

- Komisioni Hetimor Parlamentar lidhur me procesin e privatizimit në Kosovë miraton planin e punës së Komisionit. (Ndërtesa e Kuvendit, salla N10, ora 10:00)

- Ministri i Infrastrukturës, Arban Abrashi, do t’i vizitojë punimet në hekurudhën e Kosovës, linjën 10, në stacionin hekurudhor në Miradi. (Miradi, ora 10:30 - Nisja për media nga parkingu i Ministrisë së Infrastrukturës, ora 10:00)