22 Tetor 2020

Grupi i Grave Deputete mbajti dëgjim publik për Projekt Kodin Civil

Prishtinë, 22 shtator  - Grupi i Grave Deputete në bashkëpunim me Komisionin për Legjislacion, Mandate, Imunitete, Rregulloren e Kuvendit dhe Mbikëqyrjen e Agjencisë Kundër Korrupsionit, sot ka mbajtur dëgjim publik me temën “Mbrojtja e të drejtave të njeriut përmes Projekt Kodit Civil”.  

Në këtë dëgjim publik, në të cilin ishin të pranishëm edhe përfaqësues nga shoqëria civile, u theksua nevoja e miratimit sa më të shpejtë të Kodit Civil në Kuvendin e Kosovës, por edhe përfshirja e të gjitha palëve në amendamentimin e tij.

Kryetarja e Grave Deputete, Vlora Limani-Hajnuni, tha se prioritet i Kuvendit është miratimi sa më parë i Kodit Civil.

Ndërsa kryetari i Komisionit për Legjislacion, Mandate, Imunitete, Rregullore të Kuvendit dhe Mbikëqyrjen e Agjencisë Kundër Korrupsionit, Shkëmb Manaj tha se pas Kushtetutës së Republikës së Kosovës, Kodi Civil është akti më i rëndësishëm që nxjerr Kuvendi i Republikës së Kosovës.

Në anën tjetër përfaqësues nga shoqëria civile janë shprehur të pakënaqur me mos përfshirjen dhe mos marrjen parasysh të sugjerimeve të tyre nga ana e Grupit punues qeveritar, i cili hartuar Kodin Civil.

Në lidhje me këtë, deputetët u zotuan se do të marrin parasysh të gjitha vërejtjet dhe sugjerimet e tyre në lidhje me përmbajtjen e Kodit Civil.

Kryetari i Komisionit për Legjislacion, Shkëmb Manaj, tha se të gjithë anëtarët e Komisionit janë të përkushtuar që të bëjnë më të mirën e mundshme në lidhje me Kodin Civil, me qëllim që i njëjti sa më parë të dërgohet në seancë për votim.

Në korrik të vitit 2020, Qeveria e Republikës së Kosovës, përkatësisht Ministria e Drejtësisë ka bërë prezantimin e Projekt Kodit Civil, përmes të cilit synohet të bëhet rregullimi dhe harmonizimi i dispozitave ligjore të së drejtës civile, si Ligjit të marrëdhënieve të detyrimeve, Ligjit të Pronësisë dhe të drejtave tjera sendore, Ligjit të Familjes dhe Ligjit të Trashëgimisë.

Në këtë dëgjim publik kanë marrë pjesë përfaqësues nga NDI-së, OSBE-së, UN Women, Zyrës së Bashkimit Evropian në Kosovë etj.​

 


 

Kalendari

Ngjarjet e datës 22 Tetor 2020  - Kryeministri Avdullah Hoti viziton Ministrinë e Shëndetësisë. (Ministria e Shëndetësisë, ora 9:30)

- Lëvizja Vetëvendosje organizon tryezën virtuale më temë 'Sa do të ndikojë moratorimumi një vjeçar për anëtarësimin e Kosovës në organizata ndërkombëtare, në pozicionin ndërkombëtar të Kosovës?' (Online, ora 10:00)  

 - Admovere organizon promovimin e publikimit 'Të Damkosurit e Ballkanit - Shqiptarët dhe Kosova në tekstet alternative gjithëballkanike të historisë'. (Hapësirat e KultPlus Caffe Gallery te Fontana në Ulpianë, ora 10:00)  

- Kryeministri Avdullah Hoti pret në takim deputetët e komunitetit joshumicë. (Ndërtesa e Qeverisë, ora ‪10:30 - vetëm pamje)

- Ministria e Tregtisë dhe Industrisë i njofton mediat se nesër do të lansohet data-baza per tregtinë në shërbime. (Ndërtesa e MTI-së, ora 11:00)

- Ministrja e Financave znj.Hykmete Bajrami dhe Auditori i Pergjithshëm i ZKA-së, Besnik Osmani raportojn para Komisionit për Mbikëqyrjen e Financave Publike lidhur me Raportin Vjetor i Auditimit. (Ndërtesa e Kuvendit, salla C301, ora 11:00)

-  Komisioni për të Drejtat e Njeriut, Barazi Gjinore, për Persona të Pagjetur dhe Peticione takohet me përfaqësues të kompanisë “Kërveshi Partneres” dhe përfaqësuesi te OJQ, “Ngritja e Zërit”. (Ndërtesa e Kuvendit, salla N302, ora 11:00)

- Ministrja e Punëve të Jashtme dhe Diasporë, Meliza Haradinaj - Stublla raporton para Komisionit për Integrim Evropian. (Ndërtesa e Kuvendit, salla N303, ora 12:00)

- Kryetari i Komunës së Prizrenit, Mytaher Haskuka do të merr pjesë në përurimin e adaptimit të rrugës për Komunitetin RAE në rrugën “Rexhep Karaqi”. (Prizren, ora 12:00)

- Fondi për të Drejtën Humanitare dhe KOMRA Rrjeti i Pajtimit organizon debatin mbi Politikat e Kujtesës dhe Praktikat e Përkujtimit në Evropën Juglindore. (Debati do të transmetohet direkt në Facebook dhe Youtube kanalin e KOMRA Rrjeti për Pajtim, ora 17:00)

- Komisioni Parlamentar në lidhje me menaxhimin e pandemisë së virusit COVID-I9 nga ana e Qeverisë së Republikës së Kosovës dëgjon dëshmitë e Hidajete Pireva, Mjeke, Qendra Kryesore e Mjekësisë Familjare-QKMF, Fushë Kosovë, Vlora Maholli, Mjeke, QKMF, Fushë Kosovë dhe Hajrie Hoti, Mjeke, QKMF, Prishtinë. (Ndërtesa e Kuvendit, salla N204, ora 14:00)

- Lëvizja Vetëvendosje!, mban konferencë për media në lidhje me skandalin e vjedhjes së më shumë se 2 milion euro nga Thesari i Shtetit. (Zyret e LV-së në Arbëri, ora 15:00)