19 Prill 2019

Gjilani, shembull i bashkëpunimit me shoqërinë civile

Gjilan, 28 shtator – Nën organizimin e Institutit GAP, në Gjilan është mbajtur sot konferenca me temen “Zbatimi i MSA’së në nivel komunal”, ku përpos kryetarit Lutfi Haziri, kanë marrë pjesë edhe zyrtarët komunal.

“Po e them në hapje të takimit se Gjilani është shembull në nivel të Kosovës sa i përket bashkëpunimit me shoqërinë civile. Edhe kur jemi pajtuar, e edhe kur s’jemi pajtuar në pika të ndryshme, kryetari i Komunës gjithmonë ka qenë i gatshëm për bashkëpunim”, ka thënë përfaqësuesit i GAP, Bekim Salihu.

Të arriturat më të mëdha të kësaj komune, sipas Salihut, në përmbushjen e obligimeve që dalin nga MSA llogariten të jenë hartimi i buxhetit me pjesëmarrje të qytetarëve, ngritja e kapacitetetev të One Stop Shop, hapja e zyrës së avokatit të popullit, buxhetimi gjinor, zbatimi i të drejtave pronësore, zbatimi i ligjit për përdorimin e gjuhëve zyrtare etj., ndërkaq si sfidë është thënë se është mungesa e legjislacionit në mbrojtjen e trashëgimisë kulturore, reforma e administratës publike, trajnimi stafit përkatës në zbatimin e planit komunal për efiçiencë të energjsië elektrike.

Kryetari i Komunës, Lutfi Haziri, ka falënderuar Institutin GAP për monitorimin, bashkëpunimin profesional dhe rekomandimet, duke shtuar se të gjitha sygjerimet dhe gjetjet e GAP do të trajtohen me seriozitetin më të madh sa i përket MSA.

“Por, dua të theksoj se komunikimi ynë me qeverinë sa i përket obligimeve në këtë rrafsh është krejt formal. Nuk ka të bëjë me asnjë plan veprimi dhe me asnjë angazhim tjetër konkret, përpos zyrtarit për integrime që në këtë rrafsh e menaxhon dhe rekomandon bordin e drejtorëve për angazhimet konkrete. Krejt kjo është në vullnetin e kësaj dhe zyrave tjera tona sepse MAPL formalisht e ka një lloj koordinimi dhe një lloj raportimi që ne raportojmë cdo gjashtë muaj”, ka thënë Haziri, duke shtuar se Ministria e Integrimeve Europiane në këtë rast nuk ka ofruar fare bashkëpunim.

Edhe përfaqësuesi i GAP, Bekim Salihu, është pajtuar me konstatimin e Hazirit se Ministria e Integrimeve Europiane e ka shpërfillur këtë proces sa i përket bashkëpunimit me komunat, për të shtuar se megjithatë MAPL ka bërë hapa të rëndësishëm në fushën e MSA.

Ndërkohë, zyrtari për Integrime Europiane në Komunën e Gjilanit, Burim Elezi, pasi e ka falënderuar kryetarin Haziri për mbështetjen, ka deklaruar në këtë konferencë se Komuna është e përkushtuar në përmbushjen e obligimeve që dalin nga MSA, duke përmendur se ka krijuar qasje fizike në objektet publike për personat me nevoja të veçanta, ofrimin e përkrahjes për OJQ e grupet tjera të interesit, ndërmarrja masave në mbrotjen e të dhënave personale e aspekte të tjera të rëndësishme.

Në konferencë, kanë kontribuar me paraqitjet e tyre edhe drejtorët komunal, Ramiz Ramadani, Bardhyl Syla, Zijadin Maliqi, Valbona Tahiri, Bekim Bajrami e Nazim Gagica, sikur edhe shefat e zyrave të Komunës së Gjilanit. 
 

Kalendari

Ngjarjet e datës 19 prill 2019 - Klinika e Kirurgjisë së Fëmijëve në Qendren Klinike Universitare i fillon punimet Simpoziumi mbarëshqiptarë i kirurgëve të fëmijëve. (Hotel Internacional Prishtina, ora 8:40)

- Kryeparlamentari Kadri Veseli merr pjesë në festivalin olimpik për fëmijët parafillor. ))(Stadiumi “Fadil Vokrri”, Prishtinë, ora 9:30)

- Programi i Kombeve të Bashkuara për Zhvillim në bashkëpunim me Agjencinë për Menaxhimin e Emergjencave dhe partneri implementues, Kryqi i Kuq i Kosovës, do të organizojnë një ushtrim fushor në fshatin Maxhunaj në komunën e Vushtrrisë. (Fshati Maxhunaj, ora 10:00)

- Shtëpia Botuese “Faik Konica” organizon promovimin e librit të Dr. Islam Lauka, “Kosova e kërcënuar nga gjarpri i shtëpisë”. (Bibliotekën Kombëtare, ora 11:00)

- Ministri i Kulturës, Rinisë dhe Sportit, Kujtim Gashi, bashkë me kryetarin e Kuvendit të Kosovës, Kadri Veseli, do të bëjnë shpërndarjen e kontratave për 21 përfituesit e granteve nga Fondi Rinor që për qëllim kanë rritjen e punësimit për të rinjtë e vendit tonë përmes zhvillimit të ndërmarrësisë. (Hotel Sirius, ora 11:00)

- Kryeparlamentari Kadri Veseli merr pjesë në ceremoninë e nënshkrimit të projekteve për ndërmarrësit e rinj. (Hotel Sirius, ora 11:00)

- Kryeministri Ramush Haradinaj merr pjesë Akademinë Përkujtimore me rastin e Ditës së Veteranëve të Koshares dhe rënies së Heroit të Kosovës, Sali Çekaj, në kuadër të Manifestimit Tradicional "Ditët e Shqipes 2019", që organizohet nën patronatin e kryeministrit. (Teatri Kombëtar, ora 12:00)

- Zëvendëskryeministri i Republikës se Kosovës, Enver Hoxhaj mban konferencë të përbashkët për media me Ministrin e Drejtësisë, Abelard Tahiri. (Ndërtesa e Qeverisë, salla P32, ora 13:00)

- Koordinatori Nacional për Kulturë, Rini dhe Sport, Rexhep Hoti së bashku me Kryetarin e Komunës së Gjilanit, Lutfi Haziri, do të përcjellin garën komunale në Kreativitet Kulturor dhe Mendim Kritik. (Objekti i Gjimnazit Natyror "Xhavit Ahmeti" në Gjilan, ora 13:30)

- Drejtoresha e misionit të USAID-it Lisa Magno do të flasë me rastin e lançimit të faqes së re të internetit të Këshillit Gjyqësor të Kosovës. (Sheshi 21, ora 15:00)

- Federata e Atletike të Kosovës do të mbaj konferencë për media në të cilën do të jepen informatat kryesore rreth organizimit të gjysmë maratonës së këtij viti. (Salla e shtëpisë së sporteve në Prishtinë, ora 15:00)

- Kryeministri Ramush Haradinaj merr pjesë në Akademinë Përkujtimore me rastin e 20 vjetorit të themelimit të Batalionit “Atlantiku”, që organizohet nën patronatin e kryeministrit. (Salla e Kuqe, Pallati i Rinisë, ora 16:00)

- Në kuadër të tubimeve Kundër PANhajnisë dhe për zgjedhje të reja Lëvizja Vetëvendosje  mban tubim në Drenas. (Shtëpia e Kulturës në Drenas, ora 16:30)

- Galeria e Qytetit të Gjilanit hap ekspozitën e veçantë të fotografive “Arti i Rrudhave”, të autorit Muhamed Sadriu, e cila do të shpalos fotorgafitë e 21 personave të cilët i kanë mbi 100 vjet, e që e simbolizon shekullin XXI. (Galeria e Qytetit të Gjilanit, ora 17:30)

- Në kuadër të tubimeve Kundër PANhajnisë dhe për zgjedhje të reja Lëvizja Vetëvendosje  mban tubim në Prizren. (Shtëpia e Kulturës "Xhemajli Berisha" në Prizren, ora 19:00)

- Galeria Kombëtare e Kosovës hap ekspoziten "Grouping - Moving - Spreading" Metaxym e cila është kuruar dhe organizuar nga The Activists dhe World Anonimous Society. (Galeria Kombëtare e Kosovës, ora 20:00)

- Lumbardhi do të prezantojë paraqitjen e parë të këngëtares dhe kompozitores amerikane Chrysta Bell në Kosovë në kuadër të turneut Feels Like Love 2019 dhe epizodit të dytë të Lumbardhi n’Behar. (Lumbardhi në Prizre, ora 21:00)