09 Dhjetor 2019

EC apelon që institucionet të vendosen në ndërtesa publike

Prishtinë, 11 nëntor - Nisma për zhvendosjen e Presidencës së Kosovës në ndërtesën e ish-Komitetit në Prishtinë dhe bartja e MKRS-së dhe MBPZHR-së nga kjo ndërtesë në ndërtesa private me qira ka shkaktuar reagime të ndryshme gjatë ditëve të fundit.

Sipas raportimeve në media, kostoja e qirasë për vendosjen e ministrive përkatëse në ndërtesa private si dhe shpenzimet e adaptimit të tyre do të jenë barrë për buxhetin e Kosovës.

EC konsideron se Presidenca e Kosovës si institucion reprezentativ meriton të jetë e vendosur në një ndërtesë adekuate që përfaqëson vlerat e Kosovës.

Por në të njëjtën kohë përkujton se nisma aktuale për vendosjen e Presidencës së Kosovës në ndërtesën e ish-Komitetit me zhvendosjen e MKRS-së dhe MBPZHR-së në ndërtesa private nuk përkon me vendimmarrjen e Qeverisë së Kosovës, e cila 11 vite më parë pat marrë vendim për vendosjen e të gjitha institucioneve nga ndërtesat private në ndërtesa publike. Kujtojmë se ky vendim ishte marrë për kufizimin e shpenzimeve nga buxheti i Kosovës.

Për më shumë vendimi i datës 30 janar 2008 i Qeverisë së Kosovës që të gjitha institucionet që janë në ndërtesa private të vendosen në ndërtesa publike ishte nënshkruar nga ish-kryeministri Hashim Thaçi, aktualisht President i Kosovës.

Duke marrë për bazë faktin se vet z. Thaçi kishte marrë vendim që të gjitha institucionet që janë në ndërtesa private të vendosen në ndërtesa publike, EC Ma Ndryshe i bën thirrje Presidentit të Kosovës sikurse edhe Qeverisë së Kosovës respektivisht MAP-it që të ndërmarrin veprime të duhura që bartja e institucioneve të mos bëhet në ndërtesa private, në mënyrë që të kursehet buxheti i Kosovës nga shpenzimet shtesë për qira.
 

Kalendari

Ngjarjet e datës 9 dhjetor 2019 - Qendra Burimore për Persona të Zhdukur, QBPZH me mbështetjen e Ambasadës Britanike dhe Ambasadës Amerikane organizon diskutimin e tryezës së rrumbullakët, në shenjë të shënimit të Ditës Ndërkombëtare për të Drejtat e Njeriut. (Hotel Garden, ora 9:00)

- Oda Ekonomike Amerikane në Kosovë në bashkëpunim me Programin Aktiviteti për Drejtësi Komerciale të USAID, prezantojn te gjeturat e një studim të ri rreth Perceptimit të Korrupsionit sipas Bizneseve. (Hotel Swiss Diamond, ora 10:00)

- Koalicioni i OJQ-ve për Javën Kundër Korrupsion 2019  mban konferencë për media për të publikuar Kalendarin e Aktiviteteve të JKK 2019 ku edhe do përqoj disa mesazhe kryesore për temat të cilat do diskutohen gjatë këtyre pesë ditëve. (Hotel Sirius, ora 10:00)

- Kuvendi Komunali Gjilanit mban seancën e jashtezakonshme më pikënn e vetme te rendit të ditës është 'Diskutimi rreth lokaciont të ardhshëm të varrezave të qytetit'.(Objekti i Kuvendit Komunal te Gjilanit, ora 10:00)

- Universiteti i “Kadri Zeka” në Gjilan nënshkruan marrëveshje me  Agjencin Ekzekutive te Komisionit Evropian, për projektin milionësh në programin ERASMUS + Cooperation for Innovation and the exchange of good Practices. (Ambientet e Rektoratit, ora 10:30)

- Save the Childreb bën lansimin i instrumenteve për vlerësimin pedagogjik  të fëmijëve në Kosovë. (Qëndra Burimore Përparimi afër Don Bosko, ora 10:30)

- Instituti Demokratik i Kosovës organizojnë ekspozitën dhe ceremoninë e ndarjes së çmimeve për garën për fotografinë më të mirë kundër korrupsionit 2019. (Parku Arkeologjik, përballë Muzeut Kombëtar, ora 11:00)

- Universiteti i Shkencave të Aplikuara në Ferizaj, do të bën promovimin e librit "Turizmi Ndërkombëtarë", nga Prof. As. Dr. Hysen Sogojeva. (Universiteti i Ferizatj, ora 11:00)

- Lëvizja FOL organizon një tryezë me temë “Ligji për Mbrojtjen e Sinjalizuesve - Sfidat e zbatimit në praktikë”. (Hotel Sirius, ora 14:00)

- Programi i Kombeve të Bashkuara për Zhvillim përmes projektit Mbështetje Përpjekjeve Kundër Korrupsionit do të shënojë Ditën Ndërkombëtare Kundër Korrupsionit, duke ndarë shpërblimin për storjen më të mirë gazetareske kundër korrupsionit për vitin 2019. (Kino Armata, ora 18:00)

- Ambasadorja e Vullnetit të Mirë për Kosovën në IHRC Elvana Shala sonte organizon pritjen solemne “Bashkë për të drejtat tona” në bashkëpunim me Ambasadorin e Norvegjisë në Kosovë Jens Erik Grondahl dhe Ambasadoren e Suedisë në Kosovë znj. Karin Hermarck Ahliny. (Swiss Diamond Hotel, ora 18:00)

- Instituti i Kosovës për Drejtësi dhe “Betimi për Drejtësi” shfaqin premierën e dokumentarit “Sinjalizuesit e korrupsionit”. (Hotelin Sirius, ora 19:45)